Page Text
________________
मणुस्सा णं भंते पुच्छा गोयमा संतरं पि उववज्जति निरंतरं पि उववज्जति एवं वाणमंतरा जोइसिया सोहम्मईसाण-जाव सव्वट्ठ-सिद्धदेवा य संतरं पि उववज्जंति निरंतरं पि उववज्जंति, सिद्धा णं भंते किं संतरं सिझंति निरंतरं सिज्झंति गोयमा संतरं पि सिज्झंति निरंतरं पि सिज्झंति ।
[३३१] नेरइया णं भंते किं संतरं उव्वदृति निरंतरं उव्वदृति गोयमा संतरं पि उव्वदृति निरंतरं पि उव्वति एवं जहा- उववाओ भणितो तहा उव्वदृणा वि सिद्धवज्जा भाणितव्वा जाव वेमाणिया नवरं-जोइसिय-वेमाणिएसु चयणं ति अभिलाओ कातव्वो |
॥ चउत्थं एगसमयं दारं ।। [३३२] नेरइया णं भंते एगसमएणं केवतिया उवज्जति गोयमा जहण्णेणं एको वा दो वा तिण्णि वा उक्कोसेणं संखेज्जा वा असंखेज्जा वा उववज्जंति एवं जाव अहेसत्तमाए, असुरकुमारा णं भंते पुच्छा गोयमा जहण्णेणं एक्को वा दो वा तिण्णि वा उक्कोसेणं संखेज्जा वा असंखेज्जा वा एवं नागकुमारा जाव थणियकुमारा वि भाणियव्वा, पुढविकाइया णं पुच्छा गोयमा अणुसमयं अविरहियं असंखेज्जा उववज्जति एवं जाव वाउकाइया, वणस्सतिकाइया णं पुच्छा गोयमा सट्ठाणुववायं पडुच्च पय-६
अणुसमयं अविरहिया अनंता उववज्जंति परट्ठाण्ववायं पडुच्च अणुसमयं अविरहिया असंखेज्जा उववज्जंति, बेइंदिया णं पुच्छा गोयमा जहण्णेणं एगो वा दो वा तिण्णि वा उक्कोसेणं संखेज्जा वा असंखेज्जा वा एवं तेइंदिया चरिंदिया, सम्मुच्छिमपंचेंदियतिरिक्खजोणिया गब्भवक्कंतियपंचेंदियतिरिक्खजोणिया सम्मुच्छिममणुस्सा वाणमंतर-जोइसिय-सोहम्मी-साण-जाव सहस्सारकप्प-देवा-एते जहानेरइया गब्भव-क्कंतियमणुस्सा आणय-पाणय-जाव अनुत्तरोववाइया य - एते जहण्णेणं एक्को वा दो वा तिण्णि वा उक्कोसेणं संखेज्जा उववज्जति सिद्दाणं भंते एगसमएणं केवतिया सिझंति गोयमा जहण्णेणं एक्को वा दो वा तिण्णि वा उक्कोसेणं अट्ठसतं ।
[३३३] नेरइया णं भंते एगसमएणं केवतिया उव्वदृति गोयमा जहण्णेणं एक्को वा दो वा तिण्णि वा उक्कोसेणं संखेज्जा वा असंखेज्जा वा उव्वद्वृति एवं जहा उववाओ भणितो तहा उव्वट्टणा वि सिद्धवज्जा भाणितव्वा जाव अनुत्तरोववाइया नवरं-जोइसिय-वेमाणियाणं चयणेणं अभिलाओ कातव्वो ।
। पंचम कत्तोदारं । [३३४] नेरइया णं भंते कतोहिंतो उववज्जंति किं नेरइएहिंतो उववज्जति तिरिक्खजोणिहिंतो उववज्जति मणुस्सेहिंतो उववज्जंति देवेहिंतो उववज्जति गोयमा नो नेरइएहिंतो उववज्जति तिरिक्खजोणिएहिंतो उववज्जंति मणुस्सेहिंतो उववज्जंति नो देवेहिंतो उववज्जंति, जदि तिरिक्खजोणिएहितो उववज्जति किं एगिंदियतिरिक्खजोणिएहिंतो उववज्जति जाव पंचेंदियतिरिक्खजोणिएहिंतो उववज्जति गोयमा नो एगिंदियतिरिक्खजोणिएहिंतो नो बेइंदिय-तिरिक्खजोणिएहिंतो नो तेइंदियतिरिक्खजोणिएहिंतो नो चरिंदियतिरिक्खजोणिएहिंतो उववज्जंति पंचेंदियतिरिक्खजोणिएहिंतो उववज्जंति, जदि पंचेंदियतिरिक्खजोणिएहिंतो उववज्जंति किं जलयर० थलयर० खहयर० गोयमा जलयरपंचेंदियतिरिक्खजोणिएहितो वि उववज्जंति, जदि जलयरपंचेंदियतिरिक्खजोणिएहिंतो उववज्जति कि सम्मुच्छिम० गब्भवक्कंति० गोयमा सम्मुच्छिमजलयरपंचेंदियतिरिक्खजोणिएहिंतो वि उववज्जति गब्भवक्कंतियजलयरपंचेंदियतिरिक्खजोणिएहितो वि उववज्जंति, जदि सम्मुच्छिमजलयरपंचेंदियतिरिक्खजोणिहिंतो उववज्जंति
दीपरत्नसागर संशोधितः]
[82]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |