Page Text
________________
उक्कोसेणं चउव्वीसंमुहुत्ता गब्भवक्कंतियमणुस्साणं पुच्छा गोयमा जहण्णेणं एगसमयं उक्कोसेणं बारसमुहत्ता वाणमंतराणं पुच्छा गोयमा जहण्णेणं एगसमयं उक्कोसेणं चउव्वीसंमुहुत्ता जोइसियाणं पुच्छा गोयमा जहण्णेणं एगसमयं उक्कोसेणं चउव्वीसंमुहुत्ता, सोहम्मकप्पे देवा णं पुच्छा गोयमा जहण्णेणं एगसमयं उक्कोसेणं चउव्वीसं मुहुत्ता ईसाणे कप्पे देवाणं पुच्छा गोयमा जहण्णेणं एगं समयं उक्कोसेणं चउव्वीसं मुहुत्ता सणंकुमारदेवाणं पुच्छा गोयमा जहण्णेणं एगसमयं उक्कोसेणं नवरातिदियाई वीसायमुहुत्ता माहिंददेवाणं पुच्छा गोयमा जहण्णेणं एगसमयं उक्कोसेणं बारसराईदियाई दसमुहुत्ता बंभलोए देवाणं पुच्छा गोयमा जहण्णेणं एगसमयं उक्कोसेणं अद्धतेवीसंरातिंदियाइं लंतगदेवाणं पुच्छा गोयमा जहण्णेणं एगसमयं उक्कोसेणं पणतालीसं रातिदियाइं महासुक्कदेवाणं पुच्छा गोयमा जहण्णेणं एगसमयं उक्कोसेणं असीतिरातिंदियाइं सहस्सारदेवाणं पुच्छा गोयमा जहण्णेणं एगसमयं उक्कोसेणं रातिंदियसतं आणयदेवाणं पुच्छा गोयमा जहण्णेणं एगं समयं उक्कोसेणं संखेज्जामासा पाणयदेवाणं पुच्छा गोयमा जहण्णेणं एगं समयं उक्कोसेणं संखेज्जामासा आरणदेवाणं पुच्छा गोयमा जहण्णेणं एगसमयं उक्कोसेणं
संखेज्जा पय-६
वासा
अच्चुयदेवाणं पुच्छा गोयमा जहण्णेणं एगं समयं उक्कोसेणं संखेज्जावासा हेहिमगवेज्जाणं पुच्छा गोयमा जहण्णेणं एगसमयं उक्कोसेणं संखेज्जाइंवाससताइं मज्झिमगेवेज्जाणं पच्छा गोयमा जहण्णेणं एगसमयं उक्कोसेणं संखेज्जाइंवाससहस्साइं उवरिमगेवेज्जगदेवाणं पुच्छा गोयमा जहण्णेणं एगसमयं उक्कोसेणं संखेज्जाइंवाससतसहस्साइं उवरिमगेवेज्जगदेवाणं पुच्छा गोयमा जहण्णेणं एगसमयं उक्कोसेणं संखेज्जाइंवाससतसहस्साइं विजय-वेजयंत-जयंतापराजियदेवाणं पुच्छा गोयमा जहण्णेणं एगसमयं उक्कोसेणं असंखेज्जंकालं सव्वट्ठसिद्धगदेवा णं पुच्छा गोयमा जहण्णेणं एगसमयं उक्कोसेणं पलिओवमस्स संखेज्जइभागं सिद्धा णं भंते केवतियं कालं विरहिया सिज्झणयाए पन्नत्ता गोयमा जहण्णेणं एग समयं उक्कोसेणं छम्मासा ।
[३२९] रयणप्पभापुढविनेरइया णं भंते केवतियं कालं विरहिया उव्वट्टणाए पन्नत्ता गोयमा जहण्णेणं एगसमयं उक्कोसेणं चउव्वीसंमुहुत्ता एवं सिद्धवज्जा उव्वट्टणा वि भाणितव्वा जाव अनुत्तरोववाइय त्ति नवरं-जोइसिय-वेमाणिएसुचयणं ति अभिलावो कायव्वो ।
। तइयं संतर दारं । [३३०] नेरइया णं भंते किं संतरं उववज्जति निरंतरं उववज्जति गोयमा संतरं पि उववज्जंति निरंतरं पि उववज्जंति, तिरिक्खजोणिया णं पच्छा गोयमा संतरं पि उववज्जति निरंतरं पि उववज्जंति, मणुस्सा णं पुच्छा गोयमा संतरं पि उववज्जंति निरंतरं पि उववज्जति, देवा णं पुच्छा गोयमा संतरं पि उववज्जति निरंतरं पि उववज्जंति, रयणप्पभापुढविनेरइया णं पुच्छा गोयमा संतरं पि उववज्जंति निरंतरंपि उववज्जंति एवं जाव अहेसत्तमाए संतरं पि उववज्जंति निरंतरं पि उववज्जंति, असुरकुमारा णं पुच्छा गोयमा संतरं पि उववज्जंति निरंतरं पि उववज्जंति एवं जाव थणियकुमारा संतरं पि उववज्जति निरंतरं पि उववज्जति, पुढविकाइया णं पुच्छा गोयमा नो संतरं उववज्जति निरंतरं उववज्जति एवं जाव वणस्सइकाइया नो संतरं उववज्जति निरंतरं उववज्जंति, बेइंदिया गंपुच्छा गोयमा संतरं पि उववज्जंति निरंतरं पि उववज्जंति एवं जाव पंचेंदियतिरिक्खजोणिया,
दीपरत्नसागर संशोधितः]
[81]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |