Page Text
________________
संजतरहिया तिरिया सेसा अस्संजता होति । मुनि दीपरत्नसागरेण संसोधितः संपादितश्च बत्तीसइमं पयं समत्तं
। तेत्तीसइमं ओहि पयं । __ [५७९] भेद विसय संठाणे अभितर-बाहिरे य देसोहि ।
ओहिस्स य खय-वुड्ढी पडिवाई चेवऽपडिवाई । [५८०] कतिविहा णं भंते ओहि पन्नत्ता गोयमा दुविहा ओही पन्नत्ता तं जहाभवपच्चइया य खओवसमिया य दोण्हं भवपच्चइया तं जहा- देवाण य नेरइयाणं य दोण्हं खओवसमिया तं जहा- मणूसाणं पंचेंदियतिरिक्खजोणियाण य ।
[५८१] नेरइया णं भंते केवतियं खेत्तं ओहिणा जाणंति पासंति गोयमा जहण्णेणं अद्धगाउयं उक्कोसेणं चत्तारि गाउयाई ओहिणा जाणंति पासंति रयणप्पभापुढविनेरइया णं भंते केवतियं खेत्तं
ओहिणा जाणंति पासंति गोयमा जहण्णेणं अट्ठाइं गाउयाइं उक्कोसेणं चत्तारि गाउयाइं ओहिणा जाणंति पासंति सक्करप्पभापुढविनेरइया जहण्णेणं तिण्णि गाउयाइं उक्कोसेणं अटुट्ठाई गाउयाइं ओहिणा जाणंति पासंति वालुयप्पभापुढविनेइया जहण्णेणं अड्ढाइज्जाइं गाउयाइं उक्कोसेणं तिण्णि गाउयाइं ओहिणा जाणंति पासंति पंकप्पभापुढविनेरइया जहण्णेणं दोण्णि गाउयाइं उक्कोसेणं अड्ढाइज्जाइं गाउयाइं ओहिणा जाणंति पासंति धूमप्पभापुढविनेरइयाणं पुच्छा गोयमा जहण्णेणं दिवड्ढे गाउयं उक्कोसेणं दो गाउयाइं ओहिणा जाणंति पासंति तमापुढवीए पुच्छा गोयमा जहण्णेणं गाउयं उक्कोसेणं दिवड्ढे गाउयं ओहिणा जाणंति पासंति अहेसत्तमाए पुच्छा गोयमा जहण्णेणं अद्धगाउयं उक्कोसेणं गाउयं ओहिणा जाणंति पासंति
असुरकुमारा णं भंते ओहिणा केवतियं खेत्तं जाणंति पासंति गोयमा जहण्णेणं पणुवीसं जोयणाई उक्कोसेणं संखेज्जे दीव-समुद्दे ओहिणा जाणंति पासंति एवं जाव थणियकुमारा
चेदियतिरिक्खजोणिया णं भंते केवतियं खेत्तं ओहिणा जाणंति पासंति गोयमा जहण्णेणं अंगलस्स असंखेज्जतिभागं उक्कोसेणं असंखेज्जे दीव-समुद्दे मणूसा णं भंते ओहिणा केवतियं खेत्तं जाणंति पासंति पय-३३
गोयमा जहण्णेणं अंगुलस्स असंखेज्जतिभागं उक्कोसेणं असंखेज्जाइं अलोए लोयपमाणमेत्ताइं खंडाई ओहिणा जाणंति पासंति वाणमंतरा जहा- नागकुमारा, जोइसीय णं भंते केवतियं खेत्तं ओहिणा जाणंति पासंति गोयमा जहण्णेणं संखेज्जे दीव-समुद्दे उक्कोसेणं वि संखेज्जे दीव-समुद्दे सोहम्मगदेवा णं भंते केवतियं खेत्तं ओहिणा जाणंति पासंति गोयमा जहण्णेणं अंगुलस्स असंखेज्जतिभागं उक्कोसणं अहे जाव इमीसे रयणप्पभाए ओहिणा जा हेट्ठिल्ले चरिमंते तिरियं जाव असंखेज्जे दीव-समुद्दे उड्ढे जाव सगाई विमाणाइं ओहिणा जाणंति पासंति एवं ईसाणगदेवा वि सणंकुमारादेवा वि एवं चेव नवरं-अहे जाव दोच्चाए सक्करप्पभाए पढवीए हेट्ठिल्ले चरिमंते एवं माहिंदगदेवा वि बंभलोगलंतगदेवा तच्चाए सक्करप्पभाए पढवीए हेद्विल्ले चरिमंते एवं माहिंदगदेवा वि बंभलोगलंतगदेवा तच्चाए पढवीए हेद्विल्ले चरिमंते महासुक्क-सहस्सारगदेवा चउत्थीए पंकप्पभाए पुढवीए हेडिल्ले चरिमंते आणय-पाणय-आरण-अच्चुयदेवा अहे जाव पंचमाए धूमप्पभाए पुढवीए हेढिल्ले चरिमंते हेहिम-मज्झिमगेवेज्जगदेवा अहे जाव छट्ठाए तमाए पुढवीए हेडिल्ले चरिमंते उवरिमगेवेज्जगदेवा णं भंते केवतयं खेत्तं ओहिणा जाणंति पासंति गोयमा
दीपरत्नसागर संशोधितः]
[188]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |