________________
[५६२] सेलेसे णं भंते जीवे किं आहारए अणाहारए गोयमा सिय आहारए सिय आणाहारए एवं जाव वेमाणिए सलेसा णं भंते जीवा किं आहारगा अणाहारगा गोयमा जीवेगिंदियवज्जो तियभंगो एवं कण्हलेसाए वि नीललेसाए वि काउलेसाए वि जीवेगिंदियवज्जो तियभंगो तेउलेस्साए पुढवि-आउवणप्फइकाइयाणं छब्भंगा सेसाणं जीवादीओ तियभंगो जेसिं अत्थि तेउलेस्सा पम्हलेस्साए य सुक्कलेस्साए य जीवादीओ तियभंगो अलेस्सा जीवा मणूसा सिद्धा य एगत्तेण वि पुहत्तेण वि नो आहारगा अणाहारगा
॥ पंचमं दारं ॥ [५६३] सम्मद्दिट्ठी णं भंते जीवे किं आहारए अणाहारए गोयमा सिय आहारए सिय अणाहारए बेइंदिय-तेइंदिय-चउरिंदिया छब्भंगा सिद्धा अणाहारगा अवसेसाणं तियभंगो मिच्छद्दिट्ठीसु जीवेगिंदियवज्जो तियभंगो सम्मामिच्छद्दिट्ठी णं भंते किं आहारए अणाहारए गोयमा आहारए नो अणाहारए एवं एगिंदिय-विगलिंदियवज्जं जाव वेमाणिए एवं पुहत्तेणं वि ।।
। छटुं दारं । [५६४] संजए णं भंते जीवे किं आहारए अणाहारए गोयमा सिय आहारए सिय अणाहारए एवं मणूसे वि पुहत्तेण तियभंगो अस्संजए पुच्छा गोयमा सिय आहारए सिय अणाहारए पुहत्तेणं जीवेगिदिपय-२८
यवज्जो तियभंगो संजयासंजए जीवे पंचेंदियतिरिक्खजोणिए मणूसे य एते एगत्तेण वि पुहत्तेण वि आहारगा नो अणाहारगा नोसंजए-नोअसंजए-नोसंजयासंजए जीवे सिद्धे य एते एगत्तेण वि पुहत्तेण वि नो आहारगा अणाहारगा ।
॥ सत्तम दारं ॥ [५६५] सकसाई णं भंते जीवे किं आहारए अणाहारए गोयमा सिय आहारए सिय अणाहारए एवं जाव वेमाणिए पुहत्तेणं जीवेगिंदियवज्जो तियभंगो कोहकसाईसु जीवादीसु एवं चेव नवरं-देवेसु छब्भंगा मानकसाईसु मायाकसाई य देव-नेरइएसु छब्भंगा अवसेसाणं जीवेगिंदियवज्जो तियभंगो लोभकसाईसु नेरएसु छब्भंगा अवसेसेसु जीवेगिंदियवज्जो तियभंगो अकसाई जहा- नोसण्णी-नोअसण्णी ।
॥ अहमं दारं । [५६६] नाणी जहा- सम्मद्दिट्ठी आभिणिबोहियनाणि-सुतनाणिसु बेइंदिय-तेइंदिय चउरिदिएस छब्भंगा अवेसेसु जीवादीओ तियभंगो जेसिं अत्थि ओहिनाणी पंचेंदियतिरिक्खजोणिया आहारगा नो अणाहारगा अवसेसेसु जीवादीओ तियभंगो जेसिं अत्थि ओहिनाणं मणपज्जवनाणी जीवा मणूसा य एगत्तेण वि पुहत्तेण वि आहारगा नो अणाहारगा केवलनाणी जहा- नोसण्णी-नोअसण्णी, अन्नाणी मइअन्नाणी सुयअन्नाणी जीवेगिंदियवज्जो तियभंगो विभंगनाणी पंचेंदियतिरिक्खजोणिया मणूसा य आहारगा नो अणाहारगा अवसेसेस जीवादीओ तीयभंगो ।
[] नवमं दारं ।
दीपरत्नसागर संशोधितः]
[183]
[१५-पन्नवणा]
