________________
चिट्ठति उसिणा वा पोग्गला उसिणं पप्प उसिणं चेव अतिवतित्ताणं चिटुंति एवामेव तेहिं देवेहिं मणभक्खणे कते समाअणे से इच्छामणे खिप्पामेव अवेति ।
• अहवीसइमे पये पढमो उद्देसओ समत्तो ०
। बीओ-उद्देसो । [५५८] आहार भविय सण्णी लेस्सा दिट्ठी य संजय कसाए | नाणे जोगुवओगे वेदे य सरीर पज्जती ।
। पढम दारं [] [५५९] जीवे णं भंते किं आहारए अणाहारए गोयमा सिय आहार सिय अणाहारए एवं नेरइए जाव असुरकमारे जाव वेमाणिए सिद्धे णं भंते किं आहारए अणाहारए गोयमा नो आहारए अणाहारए जीवा णं भंते किं आहारया अणाहारया गोयमा आहारगा वि अणाहारगा वि
नेरइयाणं पुच्छा गोयमा सव्वे वि ताव होज्जा आहारगा अहवा आहारगा य अणाहारगे य अहवा आहारगा य अणाहारगा य एवं जाव वेमाणिया नवरं-एगिदिया जहा- जीवा सिद्धाणं पुच्छा गोयमा नो आहारगा अणाहारगा । पय-२८
|बितीयं दारं [] [५६०] भवसिद्धिए णं भंते जीवे किं आहारए अणाहारए गोयमा सिय आहारए सिए अणाहारए एवं जाव वेमाणिए भवसिद्धिया णं भंते जीवा किं आहारगा अणाहारगा गोयमा जीवेगिंदियवज्जो तियभंगो अभवसिद्धिए वि एवं चेव, नोभवसिद्धिए-नोअभवसिद्धिए णं पुच्छा गोयमा नो आहारए अणाहारए एवं सिद्धे वि नोभवसिद्धिया-नोअभवसिद्धिया णं भंते जीवा किं आहारगा अणाहारगा गोयमा नो आहारगा अणाहारगा एवं सिद्धा वि |
। तइयं दारं । [५६१] सण्णी णं भंते जीवे किं आहारगे अणाहारगे गोयमा सिय आहारगे सिय अणाहारगे एवं जाव वेमाणिए नवरं-एगिंदिय-विगलिंदिया न पुच्छिज्जंति सण्णी णं भंते जीवा किं आहारगा अणाहारगा गोयमा जीवाईओ तियभंगो जाव वेमाणिया असण्णी णं भंते पुच्छा गोयमा सिय आहारए सिय अणाहारए एवं नेरइए जाव वाणमंतरे जोइसिय-वेमाणिया न पुच्छिज्जंति असण्णी णं भंते जीवा किं आहारगा अणाहारगा गोयमा आहारगा वि अणाहारगा वि एगो भंगो असण्णी णं भंते नेरइया किं आहारगा अणाहारगा गोयमा आहारगा वा अणाहारगा वा अहवा आहारए य अणाहारए य अहवा आहारए य अणाहारगा य अहवा आहारगा य अणाहारगे य अहवा आहारगा य अणाहारगा य एवं एते छब्भंगा एवं जाव थणियकुमारा एगिदिएसु अभंगयं बेइंदिय जाव पंचेंदियतिरिक्खजोणिएसु तियभंगो मणूस-वाणमंतरेसु छब्भंगा नोसण्णी-नोअसण्णी णं भंते जीवे किं आहारए अणाहारए गोयमा सिय आहारए सिय अणाहारए एवं मणूसे वि सिद्धे अणाहारए पुहत्तेणं नोसण्णी-नोअसण्णी जीवा आहारगा वि अणाहारगा वि मणूसेसु तियभंगे सिद्धा अणाहारगा |
[] चउत्थं दारं ॥
दीपरत्नसागर संशोधितः]
[182]
[१५-पन्नवणा]
