Page Text
________________
कम्मनिसेगो मणुयाणपुव्विनामाए णं पुच्छा गोयमा जहण्णेणं सागरोवमस्स दिवड्ढ सत्तभागं पलिओवमस्स असंखेज्जइभागेणं ऊणगं उक्कोसेणं पन्नरस सागरोवमकोडाकोडीओ पन्नरस य वाससयाई अबाहा जाव कम्मणिसेगो देवाणुपुग्विनामाए पुच्छा गोयमा जहण्णेणं सागरोवमसहस्सस्स एगं सत्तभागं पलिओवमस्स असंखेज्जइभागेणं ऊणगं उक्कोसेणं दस सागरोवमकोडाकोडीओ दस य वाससताइं अबाहा जाव कम्मणिसेगो उस्सासनामाए पुच्छा गोयमा जहा- तिरियाणुपुव्वीए आयवणामाए वि एवं चेव उज्जोवणामाए वि पसत्थविहायगतिनामाए पुच्छा गोयमा जहण्णेणं एगं सागरोवमस्स सत्तभागं उक्कोसेणं दस सागरोवमकोडाकोडीओ दस य वाससताई अबाहा अबाहूणिया कम्मठिती-कण्णिसेगो अपसत्थविहायगतिनामस्स पुच्छा गोयमा जहण्णेणं सागरोवमस्स दोण्णि सत्तभागा पलिओवमस्स असंखेज्जइभागेणं पय-२३
ऊणगा उक्कोसेणं वीसं सागरोवमकोडाकोडीओ वीस य वाससयाइं अबाहा जाव कम्मणिसेगो तसणामाए थावरणामाए य एवं चेव, सुहमनामाए पुच्छा गोयमा जहण्णेणं सागरोवमस्स नव पणतीसतिभागा पलिओवमस्स असंखेज्जइभागेणं ऊणया उक्कोसेणं अट्ठारस सागरोवमकोडाकोडीओ अट्ठारस य वाससयाइं अबाहा जाव कम्मणिसेगो बादरणामाए जहा- अप्पसत्थविहायगतिनामस्स एवं पज्जत्तगनामाए वि अपज्जत्तगानामाए जहा- सुहमनामस्स पत्तेययरीरनामाए वि दो सत्तभागा साहारणसरीरनामाए जहा- सुहमस्स थिरनामाए एग सत्तभागं अथिरनामाए दो सुभनामाए एगो असुभनामाए दो सुभगनामाए एगो भगनामाए दो सूसरनामाए एगो दूसरनामाए दो आएज्जनामाए एगो अणाएज्जनामाए दो, जसोकित्तिनामाए जहण्णेणं अट्ठ मुहुत्ता उक्कोसेणं दस सागरोवमकोडाकोडीओ दस य वाससताइं अबाहा अबाहूणिया कम्मठितीकम्मणिसेगो अजसोकित्तिनामाए पच्छा गोयमा जहा- अपरसत्थविहायगतिनामस्स एवं निम्मणनामाए वि तित्थगरनामाए णं पुच्छा गोयमा जहण्णेणं अंतोसागरोवमकोडाकोडीओ उक्कोसेणं वि अंतोसागरोववकोडाकोडीओ एवं जत्थ एगो सत्तभागो तत्थ उक्कोसेणं दस सागरोवमकोडाकोडीओ दस य वाससयाई अबाहा अबाहणिया कम्मठिती-कम्मणिसेगो जत्थ दो सत्तभागा तत्थ उक्कोसेणं वीसं सागरोवमकोडाकोडीओ वीस य वाससयाई अबाहा जाव कम्मणिसेगो उच्चागोयस्स पुच्छा गोयमा जहण्णेणं अट्ठमुहुत्ता उक्कोसेणं दस सागरोवमकोडाकोडीओ दस य वाससयाइं अबाहा जाव कम्मणिसेगो नीयागोयस्स पुच्छा गोयमा जहाअप्पस्थविहायगतिनामस्स अंतराइयस्स णं पुच्छा गोयमा जहण्णेणं अंतोमुहत्तं उक्कोसेणं तीसं सागरोवम-कोडाकोडीओ तिण्णि य वाससहस्साइं अबाहा अबाहूणिया कम्मठिती-कम्मनिसेगो ।
___ [५४२] एगिंदिया णं भंते जीवा नाणावरणिज्जस्स कम्मस्स किं बंधंतति गोयमा जहण्णेणं
पण सत्तभागे पलिओवमस्स असंखेज्जइभागेणं ऊणए उक्कोसणं ते चेव पडिपण्णे बंधति एवं णिद्दापंचकस्स वि दंसणचउक्कस्स वि एगिदिया णं भंते जीवा सातावेयणिज्जस्स कम्मस्स किं बंधंति गोयमा जहण्णेणं सागरोवमस्स दिवढं सत्तभागं पलिओवमस्स असंखेज्जइभागेणं ऊणयं उक्कोसेणं तं चेव पडिपुन्नं बंधति आसायवेयणिज्जस्स जहा- नाणावरणिज्जस्स एगिदिया णं भंते जीवा सम्मत्तवेयणिज्जस्स कम्मस्स किं बंधति गोयमा नत्थि किंचि बंधंति एगिंदिया णं भंते जीवा मिच्छत्तवेयणिज्जस्स कम्मस्स किं बंधंति गोयमा जहण्णेणं सागरोवमं पलिओवमस्स असंखेज्जइभागेणं ऊणयं उक्कोसेणं तं चेव पडिपुन्नं बंधति एगिंदिया णं भंते जीवा सम्मामिच्छत्तवेयणिज्जस्स किं बंधंति गोयमा नत्थि किंचि बंधंति एगिंदिया णं भंते कसायबारसगस्स किं बंधंति गोयमा जहण्णेणं सागरोवमस्स चत्तारि सत्तभागे पलिओवमस्स असंखेज्जइभागेणं ऊणए उक्कोसेणं ते चेव पडिपुन्ने बंधति एवं
दीपरत्नसागर संशोधितः]
[170]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |