Page Text
________________
वमकोडाकोडीओ वीसयवाससताइं अबाहा जाव कम्मणिसेगो आहारगसरीरनामाए जहण्णेणं अंतोसागरोवमकोडाकोडीओ उक्कोसेणं वि अंतोसागरोवमकोडाकोडीओ तेया-कम्मसरीरनामाए जहण्णेणं सागरोवमस्स दोण्णिसत्तभागा पलिओवमस्स असंखेज्जइभागेणं ऊणया उक्कोसेणं वीसंसागरोवकोडाकोडीओ वीसयवाससताइं अबाहा जाव कम्मणिसेगो ओरालिय-वेउव्विय-आहारगसरीरंगोवंगनामाए तिण्णि वि एवं चेव सरीरबंधणनामाए वि पंचण्ह वी एवं चेव ।
सरीरसंघायनामाए वि पंचण्ह वि जहा- सरीरनामाए कम्मस्स ठिति त्ति वइरोसभनारायसंघयणनामाए जहा- रतिनामाए उसभनारायसंघयणनामाए पुच्छा गोयमा जहण्णेणं सागरोवमस्स छ पणतीसतिभागा पलिओवमस्स असंखेज्जइभागेणं ऊणगा उक्कोसेणं बारस सागरोवमकोडाकोडीओ बारस य पय-२३
वाससयाइं अबाहा अबाहूणिया कम्मठिती-कम्मणिसेगो नारायसंघयणनामाए जहण्णेणं सागरोवमस्स सत्त पणती-सतिभागा पलिओवमस्स असंखेज्जइभगेणं ऊणगा उक्कोसेणं चोद्दस सागरोवमकोडाकोडीओ चोद्दस य वाससताइं अबाहा जाव कम्मणिसेगो अद्धणारायसंघयणनामस्स जहण्णेणं सागरोवमस्स अट्ठ पणतीसतिभागा पलिओवमस्स असंखेज्जइभागेणं ऊणगा उक्कोसेणं सोलस सागरोवमकोडाकोडीओ सोलस य वाससताइं अबाहा जाव कम्मणिसेगो खीलियासंघयणे णं पुच्छा गोयमा जहण्णेणं सागरोवमस्स नव पणतीसतिभागा पलिओवमस्स असंखेज्जइभागेणं ऊणगा उक्कोसेणं अट्ठारस सागोवमकोडाकोडीओ अट्ठारस य वाससयाइं अबाहा जाव कम्मनिसंगो छेवट्टसंघयणनामस्स पुच्छा गोयमा जहण्णेणं सागरो-वमस्स दोण्णि सत्तभागा पलिओवमस्स असंखेज्जइभागेणं ऊणगा उक्कोसेणं वीसं सागरोवमकोडाकोडीओ वीस य वाससयाइं अबाहा अबाहूणिया कम्महिती-कम्मनिसेगो एवं जहा- संघयणनामाए छ भणिया एवं संठाणाए वि छ भाणियव्वा सुक्किलवण्णनामाए पुच्छा गोयमा जहण्णेणं सागरोवमस्स एणं सत्तभागं पलिओवमस्स असंखेज्जडभागेणं ऊणगं उक्कोसेणं दस सागरोवमकोडाकोडीओ दस य वाससयाडं अबाहा जाव कम्मनिसेगो हालिद्दवण्णनामाए पुच्छा गोयमा जहण्णेणं सागरोवमस्स पंच अट्ठावीसतिभागा पलिओवमस्स असंखेज्जइभागेणं ऊणगा उक्कोसेणं अद्धतेरस सागरोवमकोडाकोडीओ अद्धतेरस य वाससयाइं अबाहा जाव कम्मणिसेगो लोहियवण्णनामाए णं पुच्छा गोयमा जहण्णेणं सागरोवमस्स छ अट्ठावीसतिभागा पलिओवमस्स असंखेज्जइभागेणं ऊणगा उक्कोसेणं पन्नरस सागरोवम-कोडाकोडीओ पन्नरस य वाससयाई अबाहा जाव कम्मणिसेगो नीलवण्णनामाए पुच्छा गोयमा जहण्णेणं सागरोवमस्स सत्त अट्ठावीसतिभागा पलिओवमस्स असंखेज्जइभागेणं ऊणया उक्कोसेणं अद्धद्वारस सागरोवमकोडा-कोडीओ अद्धठारस य वाससयाई अबाहा जाव कम्मनिसेगो कालवण्णनामाए जहा- छेवट्टसंघयणस्स सुब्भिगंधनामाए पुच्छा गोयमा जहा- सुक्किलवण्णनामस्स दुब्भिंगंधनामाए जहा- छेवट्टसंघयणस्स रसाणं महरादीणं जहावण्णाणं भणियं तहेव परिवाडीए भाणियव्वं फासा जे अपसत्था तेसिं जहा- छेवट्टस्स जे पसत्था तेसिं जहा- सुक्किलवण्णनामस्स ।
अगुरुलहनामाए जहा- छेवट्टस्स एवं उवघायनामाए वि पराघायणामाए वि एवं चेव निरयाणपुव्विनामाए पुच्छा गोयमा जहण्णेणं सागरोवमसहस्सस्स दो सत्तभागा पलिओवमस्स असंखेज्जइभागेणं ऊणगा उक्कोसेणं विसं सागरोवमकोडाकोडीओ वीस य वाससयाई अबाहा जाव कम्मणिसेगो तिरियाणुपुव्वीए पुच्छा गोयमा जहण्णेणं सागरोवमस्स दो सत्तभागा पलिओवमस्स असंखेज्जइभागेणं ऊणगा उक्कोसेणं वीसं सागरोवमकोडाकोडीओ वीस य वाससताइं अबाहा जाव
दीपरत्नसागर संशोधितः]
[169]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |