Page Text
________________
एवं मविज्जमाणा हवंति लोया असंखेज्जा । [१४२] पत्तेया पज्जत्ता पयरस्स असंखभागमेत्ता उ ।
लोगासंखापज्जत्तगाण साहारणमनंता । [१४३] एएहिं सरीरेहिं पच्चक्खं ते परूविया जीवा ।
सुहमा आणागेज्झा चक्खुप्फासं न ते एंति । [१४४]जे यावण्णे तहप्पगारा ते समासओ दुविहा पन्नत्ता तं जहा- पज्जत्तगा य अपज्जत्तगा य तत्थ णं जेते अपज्जत्तगा ते णं असंपत्ता तत्थ णं जेते पज्जत्तगा तेसिं वण्णादेसेणं जाव तत्थ सिय संखेज्जा सिय असंखेज्जा सिय अनंता एएसि णं इमाओ गाहाओ अनगंतव्वाओ [तं जहा]
पद-१
[१४५] कंदा य कंदमूला य रुक्खमूलाइ यावरे ।
गुच्छा य गुम्म वल्ली य वेलुयाणि तणाणि य । [१४६] पउमुप्पल संघाडे हढे य सेवाल किण्हए पणए ।
अवए कच्छ भाणी कंडुक्केक्कूणवीसइमे । [१४७] तय-छल्लि-पवालेसु य पत्त-पुत्थ-फलेसु य ।
मूलग्ग-मज्झ-बीएसु जोणी कस्स य कित्तिया । [१४८] से त्तं साहारणसरीरबादरवणस्सइकाइया से त्तं बादरवणस्सइकाइया से त्तं वणस्सइकाइया, से त्तं एगिदिया ।
[१४९] से किं तं बेइंदिया, बेइंदिया अनेगविहा प० पुलाकिमिया कुच्छि-किमिया गंडूयलगा गोलोमा नेउरा सोमंगलगा वंसीमुहा सूईमुहा गोजलोया जलोया जलोउया संखा संखणगा खुल्ला खुदा वराडा सोत्तिया मोत्तिया कल्या वासा एगओवत्ता दुह ओवत्ता नंदियावत्ता संवुक्का माईवाहा सिप्पिसंपुडा चंदणा समुद्दलिक्खाओ जे यावण्णे तहप्पगारा सव्वेते सम्मुच्छिमा नपुंसगा, ते समासतो दुविहा प० पज्जत्तगा य अपज्जत्तगा यएएसि णं एवमादियाणं बेइंदियाणं पज्जत्तापज्जत्ताणं सत्त जाइकुलकोडिजोणीपमुहसतसहस्सा भवंतीति मक्खातं से त्तं बेइंदियसंसारसमावण्णजीवपन्नवण्णा ।
[१५०] से किं तं तेइंदियसंसारसमावण्णजीवपन्नवणा तेंइंदियसंसारसमावण्णजीवपन्नवणा अमेगविहा पन्नत्ता तंजहा-ओवइया रोहिणीया कुंथू पिपीलिया उइंसगा उद्देहिया उक्कलिया उप्पाया उक्कडा उप्पाडा तणाहारा कट्ठाहारा मालुया पत्ताहारा तणविंटिया पुप्फविंटिया फलविंटिया बीयविंटिया तेदुरणमज्जिया तउसमिंजिया कप्पासहि समिजिया हिल्लिया झिल्लिया झिंगिरा झिंगिरिडा पाहुया सुभगा सोच्छिया स्यविंट इंदिकाइया इंदगोवया उरुलंचगा कोत्थलवाहगा जूया हालाहला पिस्या सतवाइया गोम्ही हत्थिसोंडा जे यावण्णे तहप्पगारा सव्वेते सम्मुच्छिमा नपुंसगा ते समासतो दुविहा पन्नत्ता तं जहापज्जत्तगा य अपज्जत्तगाय एएसि णंएवमाइयाणं तेइंदियाणं पज्जत्तापज्जत्ताणं अट्ठ जातिकुलकोडिजोणिप्पमुहसतसहस्सा भवंतीति मक्खायं से त्तं तेइंदियसंसारसमावण्मजीवपन्नवणा ।
[१५१] से किं तं चउरिदियसंसारसमावण्णजीवपन्नवणा चउरिदियसंसारसमावण्जीवपन्नवणा अमेगविहा पन्नत्ता [तं जहा]
दीपरत्नसागर संशोधितः]
[15]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |