Page Text
________________
त्ति देवाणं भंते तेयगसरीरे किंसंठिए पन्नत्ते गोयमा जहा- वेउव्वियसरीरे पंचेंदियतिरिक्खजोणियाणं
मणसाणं पय-२१
य जहा- एतेसिं चेव ओरालिय त्ति देवाणं भंते तेयगसरीरे किंसंठिए पन्नत्ते गोयमा जहा- वेउव्वियस्स जाव अनुत्तरोववाइय त्ति ।
[५२१] जीवस्स णं भंते मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पन्नत्ता गोयमा सरीरपमाणमेत्ता विक्खंभ-बाहल्लेणं आयामेणं जहण्णेणं अंगुलस्स असंखेज्जइभागो उक्कोसेणं लोगंताओ लोगंतो, एगिंदियस्स णं भंते मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पन्नत्ता गोयमा एवं चेव जाव पुढवि-आउ-तेउ-वाउवणप्फइकायइस्स, बेइंदियस्स णं भंते मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पन्नत्ता गोयमा सरीरपमाणमेत्ता विक्खंभ-बाहल्लेणं आयामेणंजहण्णेणं अंगुलस्स असंखेज्जइभागं उक्कोसेणं तिरियलोगाओ लोगते एवं जाव चउरिंदियस्स नेरइयस्स णं भंते मारणंतियसमुग्धाएणं समोहयस्स तेयासरीरस्स केमहालिया सरीरोगाहणा पन्नत्ता गोयमा सरीरोपमाणमेत्ता विक्खंभ-बाहल्लेणं आयामेणं जहण्णेणं सातिरेगं जोयणसहस्सं उक्कोसेणं अहे जाव अहेसत्तमा पुढवी तिरियं जाव सयंभूरमणे समुद्दे उड्ढे जाव पंडगवने पुक्खरिणीओ, पंचेंदियतिरिक्खजोणियस्स णं भंते पच्छा गोयमा जहा- बेइंदियसरीरस्स, मणूसस्स णं भंते मारणंतियसमुग्धाएणं समोहयस्स तेयासरीरस्स केमहालिय सरीरोगहाणा पन्नत्ता गोयमा समयखेत्ताओ लोगंते, असुरकुमारस्स णं पुच्छा गोयमा सरीरपमाणमेत्ता विक्खंभ-बाहल्लेणं आयामेणं जहण्णेणं अंगुलस्सअसंखेज्जइभागं उक्कोसेणं अहे जाव अहेलोइयगामा तिरियं जाव मणूसखेत्ते उड्ढं जाव अच्चुओ कप्पो एवं जाव आरणदेवस्स अच्चुयदेवस्स वि एवं चेव नवरं-उड्ढं जाव सगाइं विमाणाई, गेवेज्जगदेवस्स णं पुच्छा गोयमा सरीरपमाणमेत्ता विक्खंभ-बाहल्लेणं आयामेणं जहण्णेणं विज्जाहरसेढीओ उक्कोसेणं जाव अहेलोइयगामा तिरियं जाव मणूसखेत्ते उड्ढे जाव सगाइं विमाणाइं अनुत्तरोववाइयस्स वि एवं चेव कम्मगसरीरे णं भंते कतिविहे पन्नत्ते गोयमा पंचविहे पन्नत्ते तं जहा- एगिंदियकम्मगसरीरे जाव पंचेंदियकम्मगसरीरे एवं जहेव तेयगसरीरस्स भेदो संठाणं ओगाहणा य भणिया तहेव निरवसेसं भाणियव्वं जाव अनुत्तरोववाइय त्ति |
[५२२] ओरालियसरीरस्स णं भंते कतिदिसिं पोग्गला चिज्जति गोयमा निव्वाधाएणं छद्दिसिं वाघातं पडुच्च सिय तिदिसं सिय चउदिसिं सिय पंचदिसिं वेउव्वियसरीरस्स णं पुच्छा नियमा छद्दिसिं एवं आहारगसरीरस्स वि तेया-कम्मगाणं जहा- ओरालियसरीरस्स एवं उवचिज्जंति, जस्स णं भंते ओरालियसरीरं तस्स णं वेउव्वियसरीरं जस्स वेउव्वियसरीरं तस्स ओरालियसरीरं गोयमा जस्स ओरालियसरीरं तस्स वेउव्वियसरीरं सिय अत्थि सिय नत्थि जस्स वेउव्वियसरीरं तस्स ओरालियसरीरं सिय अत्थि सिय नत्थि, जस्स णं भंते ओरालियसरीरं तस्स आहारगसरीरं जस्स आहारगसरीरं तस्स आहारगसरीरं सिय अत्थि सिय नत्थि जस्स पुण आहारगसरीरं तस्स ओरालियसरीरं नियमा अत्थि जस्स णं भंते ओरालियसरीरं तस्स तेयगसरीरं जस्स तेयगसरीरं तस्स ओरालियसरीरं गोयमा जस्स ओरालियसरीरं तस्स तेयगसरीरं नियमा अत्थि जस्स पुण तेयगसीररं तस्स ओरालियसरीरं सिय अत्थि सिय नत्थि एवं कम्मगसरीरं पि, जस्स णं भंते वेउव्वियसरीरं तस्स आहारगसरीरं जस्स आहारगसरीरं
दीपरत्नसागर संशोधितः]
[156]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |