Page Text
________________
गोयमा देवेज्जगदेवाणं एगे भवधारणिज्जे सरीरए से णं समचउरंसंठाणसंठिए पन्नत्ते एवं अनुत्तरोववातियाण वि ।
५१८] वेउव्वियसरीरस्स णं भंते केमहालिया सरीरोगाहणा पन्नत्ता गोयमा जहण्णेणं अंगुलस्स असंखेज्जइभागं उक्कोसेणं सातिरेगं जोयणसतसहस्सं, वाउक्काइएगिंदियवेउव्वियसरीरस्स णं० गोयमा जहण्णेणं अंगुलस्स असंखेज्जइभागं उक्कोसेण वि अंगुलस्सअसंखेज्जइभागं, नेरइयपंचेंदियवेठब्वियसरीरस्स णं० गोयमा दुविहा पन्नत्ता तं जहा- भवधारणिज्जा य उत्तरवेउव्विया य तत्थ जासा भवधारणिज्जा सा जहण्णेणं अंगुलस्सअसंखेज्जइभागं उक्कोसेणं पंचधणुसयाइं तत्थ णं जासा उत्तरवेउव्विया सा जहण्णेणं अंगुलस्स संखेज्जइभागं उक्कोसेणं धणुसहस्सं रयणप्पभापुढविनेरइयाणं० गोयमा दुविहा पन्नत्ता तं जहा- भवधारणिज्जा य उत्तरेवउव्विया य तत्थ णं जासा भवधारणिज्जा सा जहण्णेणं अंगुलस्सअसंखेज्जइभागं उक्कोसेणं सत्त धणूइअं तिण्णिरयणीओ छच्चअंगुलाई तत्थ णं जासा उत्तरवेउव्विया सा जहण्णेणं अंगुलस्स संखेज्जइभागं उक्केसोणं पन्नरस धणूई अड्ढाइज्जाओ रयणीओ सक्करप्पभाए पुच्छा गोयमा जाव तत्थ णं जासा भवधारणिज्जा सा जहण्णेणं अंगुलस्स असंखेज्जइभागं उक्कोसेणं पन्नरस धणूई अड्ढाइज्जाओ रयणीओ तत्थ णं जासा उत्तरवेउव्विया सा जहण्णेणं अंगुलस्स संखेज्जइभागं उक्कोसेणं एक्कतीसंधणूई एक्काय रयणी, वालुयप्पभाए भवधारणिज्जा एक्कतीसंधणूई एक्कायरयणी उत्तरवेउव्विया बावठिंधणूई दोण्णियरयणीओ पंकप्पभाए भवधारणिज्जा बावहिँ धणूई दोण्णियरयणीओ उत्तरवेउव्विया पणुवीसं धणुसतं, धूमप्पभाए भवधारणिज्जा पणुवीसंधणुसतं उत्तरवेउव्विया अड्ढाइज्जाइंधणुसताई, तमाए भवधारणिज्जा अड्ढाइज्जाइं धणुसताई उत्तरवेउव्विया पंचधणुसताई अहेसत्तमाए भवधारणिज्जा पंचधणुसताई उत्तरेवउव्विया धणुसहस्सं एवं उक्कोसेणं जहण्णेणं भवधारणिज्जा अंगुलस्सअसंखेज्जइभागं उत्तरवेउव्विया अंगुलस्ससंखेज्जइभागं तिरिक्खजोणियपंचेंदियवेठब्वियसरीरस्स णं० गोयमा जहण्णेणं अंगुलस्स संखेज्जइभागं उक्कोसणं जोयणसतपुहत्तं मणूसपंचेंदियवेउव्वियसरीरस्स णं० गोयमा जहण्णेणं अंगुलस्स संखेज्जइभागं उक्कोसेणं सातिरेगजोयणसतसहस्सं असुरकुमारभवणवासिदेवपंचेंदियवेउव्वियसरीरस्स पं० गोयमा असुरकुमाराणं देवाणं दुविहा सरीरोगाहणा पन्नत्ता तं जहा- भवणाधारणिज्जा य उत्तरवेउव्विया य तत्थ णं जासा भवधारणिज्जा सा जहण्णेणं अंगुलस्सअसंखेज्जइभागं उक्कोसेणं सत्तरयणीओ तत्थ णं जासा उत्तरवेउव्विया सा जहण्णेणं अंगुलस्ससंखेज्जइभागं उक्कोसेणं जोयणसतसहस्सं एवं जाव थणियकुमाराणं एवं ओहियाणं वाणमंतराणं एवं जोइसियाण वि सोहम्मीसाणगदेवाणं एवं चेव उत्तरवेठब्विया जाव अच्चुओ कप्पो नवरं-सणंकुमारे भवधारणिज्जा जहण्णेणं अंगुलस्स असंखेज्जइभागं उक्कोसेणं छ रयणीओ एवं माहिंदे वि बंभलोय-लंतगेसु पंच रयणीओ महासुक्क-सहस्सारेसु चत्तारि रयणीओ आणय-पाणयआरण-अच्चएस तिण्णि रयणीओ. गेवेज्जगकप्पातीतवेमाणियदेवपंचेंदियवेउव्वियसरीरस्स णं० गोयमा गेवेज्जगदेवाणं एगा भवधारणिज्जा सरीरोगाहणा पन्नत्ता सा जहण्णेणं अंगुलस्सअसंखेज्जइभागं उक्कोसेणं दो रयणीओ एवं अनुत्तरोववाइयदेवाण वि नंवरं-एक्का रयणी ।
[५१९] आहारगसरीरे णं भंते कतिविहे पन्नत्ते गोयमा एगागारे पन्नत्ते जदि एगागारे पन्नत्ते किं मणूसआहारगसरीरे अमणूसआहारगसरीरे गोयमा मणूसआहारगसरीरे नो अमणूसआहारगसरीरे, जदि मणूसआहारगसरीरे किं पुच्छा गोयमा नो सम्मुच्छिममणूसआहारगसरीरे गब्भवक्कंतियमणूसआहारग
दीपरत्नसागर संशोधितः]
[154]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |