Page Text
________________
पज्जत्तापज्जत्ताण वि, बेइंदियओरालियसरीरे णं० गोयमा हुंडसंठाणसंठिए पन्नत्ते एवं पज्जत्तापज्जत्ताण वि एवं तेइंदिय- चउरिंदियाण वि, तिरिक्खजोणियपंचेंदियओरालियसरीरे णं० गोयमा छव्विहसंठाणसंठिए पन्नत्ते तं जहा - समचउरंससंठाणसंठिए जाव हुंडसंठाणसंठिए एवं पज्जत्तापज्जत्ताण वि, सम्मुच्छिमतिरिक्खजोणियपंचेंदिय-ओरालियसरीरे णं० गोयमा हुंडसंठाणसंठिए पन्नत्ते एवं पज्जत्तापज्जत्ताण वि, गब्भवक्कंतियतिरिक्ख जोणियपंचेंदियओरालियसरीरे णं० गोयमा छव्विहसंठाणसंठिए पन्नत्ते तं जहा- समचउरंसे जाव हुंडसंठाणसंठिए एवं पज्जत्तापज्जत्ताण वि एवमेते तिरिक्खजोणियाणं ओहियाणं नव आलावगा जलयरतिरिक्खजोणियपंचेंदियओरालियसरीरे णं० गोयमा छव्विहसंठाणसंठिए पन्नत्ते तं जहा- सउचमरंसे जाव हुंडे एवं पज्जत्ता पज्जत्ताण वि, सम्मुच्छिमजलयरा हुंडसंठाणसंठिया, एतेसिं चेव पज्जत्तापज्जत्तगा वि एवं चेव, गब्भवक्कंतियजलयरा छव्विहसंठाणसंठिया एवं पज्जत्तापज्जत्तगा वि, एवं थलयराण वि नवसुत्ताणि एवं चउप्पयथलयराण वि उरपरिसप्पथलयराण वि भुयपरिसप्पथलयराण वि एवं खहयराण वि नव सुत्ताणि नवरं सव्वत्थ सम्मुच्छिमा हुंडसंठाणसंठिया भाणियव्वा इयरे छसु वि, मणूसपंचेंदियओरालियसरीरे णं० गोयमा छव्विसंठाणसंठिए पन्नत्ते तं जहा- समचउरंसे जाव हुंडे पज्जत्तापज्जत्ताण वि एवं चेव गब्भवक्कंतियाण वि एवं चेव पज्जत्तापज्जत्तगाण वि एवं चेव, सम्मुच्छिमाणं पुच्छा गोयमा हुंडसंठाणसंठिया पन्नत्ता ।
[५१२] ओरालियसरीरस्स णं भंते केमहालिया सरीरोगाहणा पन्नत्ता गोयमा जहण्णेणं अंगुलस्सअसंखेज्जइभागं उक्कोसेणं सातिरेगंजोयणसहस्सं एगिंदियओरालियस्स वि एवं चेव जहाओहियस्स पुढविक्काइएगिंदियओरालियसरीरस्स णं० गोयमा जहण्णेणं वि उक्कोसेण वि अंगुलस्सअसंखेज्जइभागं एवं अपज्जत्तयाण वि पज्जत्तयाण वि एवं सुहुमाण वि पज्जत्तापज्जत्ताणं बादराणं पज्जत्तापज्जत्ताण वि एवं एसो नवओ भेदो जहा- पुढविक्काइयाणं तहा आउक्काइया तेउक्काइयाण वि उक्काइयाण वि वणस्सइकाइयओरालियसरीरस्स णं० गोयमा जहणेणं अंगुलस्सअसंखेज्जइभागं उक्कोसेणं सातिरेगं जोयणससहस्सं, बादराणं जहणणेणं अंगुलस्सअसंखेज्जइभागं उक्कोसेणं सातिरेगं-जोयणसहस्सं पज्जत्ताणं वि एवं चेव अपज्जत्ताणं जहण्णेण वि उक्कोसेण वि अंगुलस्स असंखेज्जइभागं सुहुमाणं पज्जत्तापज्जत्ताण य तिण्ह वि जहण्णेण वि उक्कोसेणं वि अंगुलस्सअसंखेज्जइभागं, बेइंदियओरालियसरीरस्स णं० गोयमा जहण्णेणं अंगुलस्स असंखेज्जइभागं उक्कोसेणं बारस जोइणाई एवं सव्वत्थ वि अपज्जत्तयाणं अंगुलस्स असंखेज्जइभागं जहणणेणं वि उक्कोसेण वि पज्जत्तयाणं जहेव [ ओरालियस्स] ओहियस्स एवं तेइंदियाणं तिण्णि गाउयाई, चउरिंदियाणं चत्तारि गाउयाइं पंचदिय-तिरिक्खजोणियाणं उक्कोसेणं जोयणसहस्सं एवं सम्मुच्छिमाणं गब्भवक्कंतियाण वि एवं चेव नवओ भेदो भाणियव्वो एवं जलयराण वि जोयणसहस्सं नवओ भेदो थलयराण वि नवओ भेदो [उक्कोसेणं छग्गाउयाइं पज्जत्ताण वि एवं चेव सम्मुच्छिमाणं पज्जत्ताण य उक्कोसेणं गाउयपुहत्तं गब्भवक्कंतियाणं उक्कणं छग्गाउयाइं पज्जत्ताण य] ओहियचउप्पयपज्जत्तयगब्भवक्कंतियपज्जत्तयाण य उक्कोसेणं छग्गाउयाइं सम्मुच्छिमाणं पज्जत्ताण य गाउयपुहत्तं उक्कोसेणं
उरपरिसप्पाण
वि
ओहिय-गब्भवक्कंतियपज्जत्ताणं
एवं
पय-२१
[दीपरत्नसागर संशोधितः ]
[151]
[१५- पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |