________________
[४८८] परित्ते णं भंते परित्ते त्ति कालओ केवचिरं होइ गोयमा परित्ते दुविहे पन्नत्ते तं जहा- कायपरित्ते य संसारपरित्ते य, कायपरित्ते णं पुच्छा गोयमा जहण्णेणंअंतोमुहुत्तं उक्कोसेणंपुढविकालो-असंखेज्जाओउस्सप्पिणीओ-ओसप्पिणीओ, संसारपरित्ते णं पुच्छा गोयमा जहण्णेणं अंतोमुहुत्तं उक्कोसेणं अनंतकालं-अनंतओउस्सप्पिणिओसप्पिणीओ कालओ, खेत्तओ अवड्ढे पोग्गलपरियढें देसूणं, अपरित्ते णं पुच्छा गोयमा अपरित्ते दुविहे पन्नत्ते तं जहा- कायअपरित्ते य संसारअपरित्ते य, कायअपरित्ते णं पुच्छा गोयमा जहन्नेणं अंतोमुहत्तं उक्कोसेणं वणप्फइकालो, संसारअपरित्ते णं पुच्छा गोयमा संसारअपरित्ते दुविहे पन्नत्ते तं जहा- अणादीए वा अपज्जवसिए अणादीए वा सपज्जवसिए नोपरित्ते-नोअपरित्ते णं पच्छा गोयमा सादीए अपज्जवसिए ।
- सत्तरसमं दारं - [४८९] पज्जत्तए णं भंते पज्जत्तए त्ति कालओ केवचिरं होइ गोयमा जहण्णेणं अंतोमुत्तं उक्कोसेणं सागरोवमसयपुहत्तंसातिरगं, अपज्जत्तए णं पुच्छा गोयमा जहण्णेणं वि उक्कोसेणं वि अंतोमुहुत्तं नोपज्जत्तए-नोअपज्जत्तए णं पुच्छा गोयमा सादीए अपज्जवसिए ।
- अहरसमं दारं - [४९०] सुहमे णं पुच्छा गोयमा जहण्णेणं अंतोमुहुत्तं उक्कोसेणं पुढविकालो बादरे णं पुच्छा गोयमा जहण्णेणं अंतोमुहत्तं उक्कोसेणं असंखेज्जं कालं-असंखेज्जाओउस्सप्पिणि-ओसप्पिणीओ कालओ, खेत्तओ अंगुल्स असंखेज्जइभागं नोसुहुम-नोबादरे णं भंते पुच्छा गोयमा सादीए अपज्जवसिए |
- एगुणवीसइमं दारं - [४९१] सण्णी णं भंते सण्णी ति कालओ केवचिरं होइ गोयमा जहण्णेणं अंतोमुहुत्तं उक्कोसेणं सागरोवमसतपुहत्तंसादिरेगं, असण्णी णं पुच्छा गोयमा जहण्णेणं अंतोमुहुत्तं उक्कोसेणं वणप्फइकालो नोसण्णी-नअसण्णी णं पुच्छा गोयमा सादीए अपज्जवसिए ।
- वीसइमं दारं - [४९२] भवसिद्धिए णं पुच्छा गोयमा अणादीसपज्जवसिए, अभवसिद्धिए णं पुच्छा गोयमा पय-१८
अणादीए अपज्जवसिए, नोभवसिद्धिय-नोअभवसिद्धिएणं पुच्छा सादीए अपज्जवसिए |
- एगवीसइमं दारं - [४९३] धम्मत्यिकाए णं पुच्छा गोयमा सव्वद्धं एवं जाव अद्धासमए |
- बावीसइमं दारं - [४९४] चरिमे णं भंते पुच्छा गोयमा अणादीए सपज्जवसिए, अचरिमे णं पुच्छा गोयमा अचरिमे दुविहे पन्नत्ते तं जहा- अमादी वा अपज्जवसिए सादीए वा अपज्जवसिए ।
• अद्वारसमे पये १-२२ दाराणि समत्तानि • अद्वारसमं पयं पयं समत्तं . मुनि दीपरत्नसागरेण संसोधितः संपादितश्च अद्वारसमं पयं समत्तं
दीपरत्नसागर संशोधितः]
[144]
[१५-पन्नवणा]
