________________
जहण्णेणं एक्कं समयं उक्कोसेणं दो छावट्ठीओसागरोवमाइंसातिरेगाओ, केवलदंसणी णं पुच्छा गोयमा सादीए अपज्जवसिए ।
बारसमं दारं
[४८४] संजए णं भंते संजए त्ति कालओ केवचिरं होइ गोयमा जहण्णेणं एक्कं समयं उक्कोसेणं देसूणंपुव्वकोडिं, असंजए णं पुच्छा गोयमा असंजए तिविहे पन्नत्ते तं जहा- अणादी वा अपज्जवसिए अणादिए वा सपज्जवसिए सादीए वा सपज्जवसिए तत्थ णं जेसे सादीए सपज्जवसिए से जहण्णेणं अंतोमुहुत्तं उक्कोसेणं अनंतं कालं - अनंतो उस्सप्पिणि-ओसप्पिणीओ कालओ, खेत्तओ अवड्ढं पोग्गलपरियट्टं देसूणं, संजयासंजए जहण्णेणं अंतोमुहुत्तं उक्कोसेणं देसूणं पुव्वकोडिं, नोसंजए-नोअसंजएनोसंजयासंजए णं पुच्छा गोयमा सादीए अपज्जवसिए ।
-
तेरसमं दारं -
[४८५] सागरोवउत्ते णं भंते सागरोवउत्ते त्ति कालओ केवचिरं होइ गोयमा जहण्णेणं वि उक्कोसेण वि अंतोमुहुत्तं अणागोरवउत्ते वि एवं चेव ।
पय- १८
- चोद्दसमं दारं
[४८६] आहारए णं भंते आहारए त्ति कालओ केवचिरं होइ गोयमा आहार दुविहे पन्न तं जहा- छउमत्थआहारए य केवलिआहाराए य, छउमत्थाहारए णं पुच्छा गोयमा जहणेणं खुड्ढागभवग्गहणं दुसमऊणं उक्कोसेणं असंकेज्जं कालं असंखेज्जाओ उस्सप्पिणि-ओसप्पिणीओ कालतो, खेत्तओ अंगुलस्सअसंखेज्जइभागं, केवलिआहारए णं पुच्छा गोयमा जहण्णेणं अंतोमुहुत्तं उक्कोसेणं देसूणं पुव्वकोडिं, अणाहारए णं पुच्छा गोयमा अणाहारए दुविहे पन्नत्ते तं जहा- छउमत्थअणाहारए यकेवलि अणाहारए य, छउमत्थअणाहारए णं पुच्छा गोयमा जहणणेणं एक्कं समयं उक्कोसेणं दो समया, केवलिअणाहारए णं पुच्छा गोयमा केवलिअणाहारए दुविहे पन्नत्ते तं जहा- सिद्धकेवलिअणाहार य भवत्थकेवलिअणाहारए, य सिद्धकेवलिअणाहारए णं पुच्छा गोयमा सादीए अपज्जवसिए, भवत्थकेवलि
-
अणाहारए णं पुच्छा गोयमा भवत्थकेवलिअणाहारए दुविहे पन्नत्ते तं जहा- सजोगभवत्थकेवलिअणाहार य अजोगिवत्थकेवलिअणाहारए य, सजोगिभवत्थकेवलिअणाहारए णं पुच्छा गोयमा अजहण्णमणुक्कोसेणं तिण्णि समया, अजोगिभवत्थकेवलिअमाहारए णं पुच्छा गोयमा जहण्णेणं वि उक्कोसण वि अंतोमुहुत्तं ।
[दीपरत्नसागर संशोधितः ]
पन्नरसमं दारं
[४८७] भासए णं भंते भासए त्ति कालओ केवचिरं होइ गोयमा जहण्णेणं एक्कं समयं उक्कोसेणं अंतोमुहुत्तं, अभासए णं भंते अभासए त्ति कासओ केवचिरं होइ गोयमा अभासए तिविहे पन्नत्ते तं जहा- अणाईए वा अपज्जवसिए अणाईए वा सपज्जवसिए सादीए वा सपज्जवसिए तत्थ णं जेसे सादीए सपज्जवसिए से जहण्णेणं अंतोमुहुत्तं उक्कोसेणं वणप्फइकालो ।
सोलसमं दारं
[143]
-
[१५- पन्नवणा]
