Page Text
________________
अंतोमुहुत्तं उक्कोसेणं असंखेज्जं काल-असंखेज्जाओ उस्सप्पिणि-ओसप्पिणीओ कालओ, खेत्तओ असंखेज्जालोगा एवं आउ-तेउ-वाउक्काइया वि, वणस्सइकाइया णं पुच्छा गोयमा जहण्णेणं अंतोमुहत्तं उक्कोसेणं अनंत कालं-अनंताओ उस्सप्पिणि-ओसप्पिणीओ कालओ, खेत्तओ अनंता लोगा-असंखेज्जा पोग्गलपरियट्टा आवलियाए असंखेज्जइभागो, तसकाइए णं पुच्छा गोयमा जहण्णेणं अंतोमुहुत्तं उक्कोसेणं दो सागरोवमसहस्साइं संखेज्जवाससमब्भहियाई, अकाइए णं पुच्छा गोयमा अकाइए सादीए अपज्जवसिए, सकाइयअपज्जत्तए णं पुच्छा गोयमा जहण्णेणं वि उक्कोसेमं वि अंतोमुहत्तं एवं जाव तसकाइयअपज्जत्ते, सकाइयपज्जत्तए णं पुच्छा गोयमा जहन्नेणं अंतोमुहत्तं उक्कोसेणं सागरोवमसतपुहत्तं सातिरेगं, पुढविक्काइयपज्जत्तए णं पुच्छा गोयमा जहण्णेणं अंतोमुहुत्तं उक्कोसेणं संखेज्जाइंवाससहस्साइं एवं आऊ वि, तेउक्काइयपज्जत्तए णं पुच्छा गोयमा जहण्णेणं अंतोमुहुत्तं उक्कोसेणं संखेज्जाइराइंदियाइं, वाउक्काइयपज्जत्तए णं पुच्छा गोयमा जहन्नेणं अंतोमुहुत्तं उक्कोसेणं संखेज्जाइंवाससहस्साइं, वणस्सइकाइयपज्जत्तए णं पुच्छा गोयमा जहन्नेणं अंतोमुहुत्तं उक्कोसेणं संखेज्जाइंवाससहस्साइं तसकाइयपज्जत्तए णं पुच्छा गोयमा जहण्णेणं अंतोमुहत्तं उक्कोसणं संखेज्जाइंवाससहस्साइं ।
- पंचमं दारं - [४७६] सुहमे णं भंते सुहमे त्ति कालओ केवचिरं होइ गोयमा जहन्नेणं अंतोमुहत्तं उक्कोसेणं असंखेज्ज कालं-असंखेज्जाओ उस्सप्पिणि-ओसप्पिणीओ कालओ, खेत्तओ असंखेज्जालोगा, सुहुमपुढविक्काइए सुहुमआउक्काइए सुहुमतेउक्काइए सुहुमवाउक्काइए सुहुमवणप्फइक्काइए सुहुमनिगोदे वि जहन्नेणं अंतोमुहत्तं उक्कोसेणं असंखेज्जंकालं-असंखेज्जाओ उस्सप्पिणिओसप्पिणीओ कालओ, खेत्तओ असंखेज्जालोगा, सुहुमअपज्जत्तए णं पुच्छा गोयमा जहन्नेणं अंतोमुहुत्तं उक्कोसेणं वि अंतोमुहुत्तं पय-१८
पुढ
विक्काइय-आउक्काइय-तेउक्काइय-वाउक्काइय-वणस्सइकाइयाण य एवं चेव पज्जत्तयाण वि एवं चेव, बादरे णं पुच्छा गोयमा जहण्णेणं अंतोमुहत्तं उक्कोसेणं असंखेज्जं कालं-असंखेज्जाओ उस्सप्पिणिओसप्पिणीओ कालतो, खेत्तओ अंगुलस्सअसंखेज्जतिभागं, बादरपुढविक्काइए णं पुच्छा गोयमा जहण्णेणं अंतोमुहुत्तं उक्कोसेणं सत्तरिसागरोवमकोडाकोडीओ एवं बादरआउक्काइए वि जाव बादरवाउक्काइए वि, बादरवणस्सइकाइए णं पुच्छा गोयमा जहण्णेणं अंतोमुत्तं उक्कोसेणं असंखेज्जं कालं-असंखेज्जाओ उस्सप्पिणिओसप्पिणीओ कालतो, खेत्तओ अंगुलस्सअसंखेज्जतिभागं, पत्तेयसरीरबादरवणस्सइकाइए णं पुच्छा गोयमा जहण्णेणं अंतोमुहुत्तं उक्कोसेणं सत्तरिसागरोवमकोडाकोडी निगोए णं पुच्छा गोयमा जहण्णेणं अंतोमुहुत्तं उक्कोसेणं अनंतं कालं-अनंताओ उस्सप्पिणि-ओसप्पिणीओ कालओ, खेत्तओ अड्ढाइज्जा पोग्गलपरियट्टा, बादरनिगोदे णं पुच्छा गोयमा जहण्णेणं अंतोमुत्तं उक्कोसेणं सत्तरिसागरोवम-कोडाकोडीओ, बादरतसकाइए णं पुच्छा गोयमा जहण्णेणं अंतोमुहत्तं उक्कोसेणं दो सागरोवमसहस्साइं संखेज्जवासमब्भहियाइं, एतेसिं चेव अपज्जत्तगा सव्वे वि जहण्णेणं वि उक्कोसेणं वि अंतोमुहुत्तं, बादरपज्जत्तए णं पुच्छा गोयमा जहण्णेणं अंतोमुहुत्तं उक्कोसेणं सागरोवमसतपुहत्तं सातिरेगं, बादरपुढविकाइयपज्जत्तए णं पुच्छा गोयमा जहण्णेणं अंतोमुहुत्तं उक्कोसेणं संखेज्जाइं
दीपरत्नसागर संशोधितः]
[140]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |