Page Text
________________
[जीवे णं भंते जीवे त्ति कालओ केवचिरं होइ गोयमा, सव्वद्ध]
- बितीयं दारं - [४७३] नेरइए णं भंते नेरइए त्ति कालओ केवचिरं होइ गोयमा जहण्णेणं दस वाससहस्साई उक्कोसेणं तेत्तीसं सागरोवमाइं, तिरिक्खजोणिए णं पच्छा गोयमा जहण्णेणं अंतोमहत्तं उक्कोसेणं अनंतं कालं-अनंताओ उस्सप्पिणि-ओसप्पिणीओ कालतो, खेत्तओ अनंतालोगा-असंखेज्जा पोग्गलपरियट्टा ते णं पोग्गलपरियट्टा आवलियाए असंखेज्जतिभागोस, तिरिक्खजोणिणी णं पुच्छा गोयमा जहन्नेणं अंतोमुहुत्तं उक्कोसेणं तिण्णि पलिओवमाइं पुव्वकोडिपहत्तअब्भइयाइं एवं मणूसे वि मणू वि एवं चेव, देवे णं भंते देवे त्ति कालओ केवचिरं होइ गोयमा जहेव नेरइए, देवी णं पुच्छा गोयमा जहण्णेणं दस वाससहस्साइं उक्कोसेणं पणपन्नं पलिओवमाइं, सिद्धे णं पुच्छा गोयमा सदीए अपज्जवसिए नेरइयअपज्जत्तए णं भंते नेरइयअपज्जत्तए त्ति कालओ केवचिरं होई गोयमा जहण्णेणं वि उक्कोसेण वि अंतोमुहत्तं एवं जाव देवी अपज्जत्तिया, नेरइयपज्जत्तए णं पुच्छा गोयमा जहण्णेणं दस वाससहस्साइं अंतोमुत्तूणाई उक्कोसेणं तेत्तीसं सागरोवमाइं अंतोमहत्तणाई, तिरिक्खजोणियपज्जत्तए णं पुच्छा गोयमा जहन्नेणं अंतोमुहत्तं उक्कोसेणं तिण्णि पलिओवमाइं अंतोमुत्तूणाइं एवं तिरिक्खजोणिणिपज्जत्तिया वि मणूसे मणूसी वि एवं चेव, देवपज्जत्तए जहा- नेरइपज्जत्तए, देविपज्जत्तिया णं पुच्छा गोयमा जहण्णेणं दस वाससहस्साइंअंतोमुहुत्तूणाई उक्कोसेणं पणपन्नंपलिओवमाइं अंतोमुहुत्तूणाई ।
- तइयं दारं - [४७४] सइंदिए णं भंते सइंदिए त्ति कालओ केवचिरं होइ? गोयमा सइंदिए दुविहे पन्नत्ते तं जहा पय-१८
अणाईए वा अपज्जवसिए, अणाईए वा सपज्जवसिए, एगिदिए णं भंते पुच्छा गोयमा जहण्णेणं अंतोमुहत्तं उक्कोसेणं अनंतकालं वणप्फइकालो, बेइंदिए णं पुच्छा गोयमा जहण्णेणं अंतोमुहत्तं उक्कोसेणं संखेज्जं कालं एवं तेइंदिय-चउरिदिए वि, पंचेंदिए णं पुच्छा गोयमा जहण्णेणं अंतोमुहत्तं उक्कोसेणं सागरोवमसहस्सं सातिरेगं, अणिंदिए णं पुच्छा गोयमा सादीए अपज्जवसिए,
सइंदियअपज्जत्तए णं पुच्छा गोयमा जहण्णेण वि उक्कोसेण वि अंतोमुहुत्तं एवं जाव पंचेंदियअपज्जत्तए, सइंदियपज्जत्तए णं पुच्छा गोयमा जहण्णेणं अंतोमुहत्तं उक्कोसेणं सागरोवमसतपुहुत्तं सातिरेगं, एगिदियपज्जत्तए णं पुच्छा गोयमा जहन्नेणं अंतोमुहत्तं उक्कोसेणं संखेज्जाइंवाससहस्साइं, बेइंदियपज्जत्ते णं पुच्छा गोयमा जहण्णेणं अंतोमुहुत्तं उक्कोसेणं संखेज्जाइं वासाइं, तेइंदियपज्जत्तए णं पुच्छा गोयमा जहण्णेणं अंतोमुहत्तं उक्कोसेणं संखेज्जाइं वासाइं, तेइंदियपज्जत्तए णं पुच्छा गोयमा जहण्णेणं अंतोमुहुत्तं उक्कोसेणं संखेज्जाइं रातिदियाई चरिंदियपज्जत्तए णं पुच्छा गोयमा जहण्णेणं अंतोमुहत्तं उक्कोसेणं संखेज्जामासा पंचेंदियपज्जत्तए णं पुच्छा गोयमा जहण्णेणं अंतोमुहुत्तं उक्कोसेणं सागरोवमसतपुहत्तं ।
- चउत्थं दारं - [४७५] सकाइए णं भंते सकाइए त्ति कालओ केवचिरं होइ गोयमा सकाइए दुविहे पन्नत्ते तं जहा- अणादीए वा अपज्जवसिए अणादीए वा सपज्जवसिए, पुढविक्काइए णं पुच्छा गोयमा जहण्णेणं दीपरत्नसागर संशोधितः]
[139]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |