Page Text
________________
पच्चक्खाणी भासा भासा इच्छाणुलोमा य । [३८८] अणभिग्गहिया भासा भासा य अभिग्गहम्मि बोधव्वा ।
संसयकरणी भासा वोयड अव्वोयडा चेव । [३८९] जीवा णं भंते किं भासगा अभासगा गोयमा जीवा भासगा वि अभासगा वि, से केणतुणं भंते एवं वुच्चति० गोयमा जीवा दुविहा पन्नत्ता तं जहा- संसारसमावण्णगा य असंसारसमावण्णगा य तत्थ णं जेते असंसारसमावण्णगा ते णं सिद्धा सिद्धा णं अभासगा, तत्थ णं जेते संसारसमावण्णगा ते णं दुविहा०- सेलेसिपडिवण्णगा य असेलेसिपडिवण्णगा य तत्थ णं जेते सेलेसिपडिवण्णगा ते णं अभासगा तत्थ णं जेते ते असेलेसिपडिवण्णगा ते दुविहा० एगिंदिया य अणेगिंदिया य तत्थ णं णं जेते एगिंदिया ते णं अभासगा तत्थ णं जेते अणेगिंदिया ते दुविहापन्नत्ता तं जहापज्जत्तगा य अपज्जत्तगा य तत्थ णं जेते अपज्जत्तगा ते णं अभासगा तत्थ णं जेते पज्जत्तगा ते णं भासगा से एतेणटेणं गोयमा एवं वुच्चति-जीवा भासगा वि अभासगा वि, नेरइया णं भंते पुच्छा गोयमा नेरइया भासगा वि अभासगा वि से केणटेणं भंते एवं वुच्चति० गोयमा नेरइया दुविहा पन्नत्ता तं जहापज्जत्तगा य अपज्जत्तगा य तत्थ णं जेते अपज्जत्तगा ते णं अभासगा तत्थ णं जेते पज्जत्तगा ते णं भासगा से एतेणटेणं गोयमा एवं वुच्चइ-नेरइया भासगा वि अभासगा वि एवं एगिंदियवज्जाणं निरंतरं भाणियव्वं ।
[३९०] कति णं भंते भासज्जाता पन्नत्ता गोयमा चत्तारि भासज्जाता पन्नत्ता तं जहासच्चमेगं भासज्जातं बितियंमोसं ततियंसच्चामोसं चउत्थंअसच्चामोसं, जीवा णं भंते किं सच्चंभासं भासंति मोसंभासं भासंति सच्चामोसंभासं भासंति असच्चामोसंभासं भासंति गोयमा जीवा सच्चं पिभासं भासंति मोसं पि भासं भासंति सच्चामोसं पि भासं भासति असच्चामोसं पि भासं भासंति, नेरइया णं भंते किं सच्चं भासं भासंति जाव असच्चामोसं भासं भासंति गोयमा नेरइया णं सच्चं पि भासं भासंति जाव असच्चामोसं पि भासं भासंति, एवं असुरकुमारा जाव थणियकुमारा, बेइंदिय-तेइंदिय-चरिंदिया य नो सच्चं नो मोसं नो सच्चामोसं भासं भासंति असच्चामोसं भासं भासंति, पंचेंदियतिरिक्खजोणिया णं भंते किं सच्चं भासं भासंति जाव असच्चामोसं भासं भासंति गोयमा पंचेंदियतिरिक्खजोणिया नो सच्चं भासं भासंति नो मोसंभासं भासंति नो सच्चामोसंभासं भासंति एगं असच्चामोसंभासं भासंति नन्नत्थ सिक्खापव्वगं उत्तरगुणलद्धिं वा पडुच्च सच्चं पि भासं भासंति मोसं पि भासं भासंति सच्चामोसं पि भासं भासंति असच्चामोसं पि भासं भासंति मणुस्सा जाव वेमाणिया एए जहा- जीवा तहा भाणियव्वा ।
___ [३९१] जीवे णं भंते जाइं दव्वाइं भासत्ताए गेण्हति ताई किं ठियाइं गेण्हति अठियाई गेण्हति गोयमा ठियाइं गेण्हति नो अठियाइं गेण्हति जाइं भंते ठियाइं गेण्हति ताई किं दव्वओ गेण्हति खेत्तओगेण्हति कालओगेण्हति भावओगेण्हति गोयमा दव्वओ वि गेण्हति खेत्तओ वि गेण्हति कालओ वि गेण्हति भावओ वि गेण्हति जाइं दव्वओ गेण्हति ताइं किं एगपएसियाइं गेहति दुपएसियाइं गेण्हति पय-११
जावअनंतपएसियाई गेण्हति गोयमा नो एगपएसियाइं गेण्हति जावनो असंखेज्जपएसियाइं गेहतिअनंतपएसियाई गेण्हति, जाइं खेत्तओ गेण्हति ताइं किं एगपएसोगाढाइं गेण्हति दुपएसोगाढाइं गेण्हति जाव असंखेज्जपएसोगाढाइं गेण्हति गोयमा नो एगपएसोगाढाइं गेण्हति जाव नो संखेज्जपएसोगाढाई गेण्हति जाइं कालओ गेण्हति ताई किं एगसमयद्वितीयाइं गेण्हति दुसमयठितीयाइं गेण्हति जाव
दीपरत्नसागर संशोधितः]
[101]
[१५-पन्नवणा]
| SR No. | 003729 |
| Book Title | Agam 15 Pannavana Chauttham Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 202 |
| Language | Prakrit |
| Classification | Book_Devnagari, Agam, Canon, Agam 15, & agam_pragyapana |
| File Size | 3 MB |