Page Text
________________
असंखेज्जाओ उस्सप्पिणि-ओसप्पिणीओ कालओ खेत्तओ अंगुलस्स असंखेज्जतिभागं केवलिआहार [भंते केवलिआहारएत्ति कालओ] केवचिरं होइ गोयमा जहन्नेणं अंतोमुहुत्तं उक्कोसणं देसूणा पुव्वकोडी, अणाहारण णं भंते अणाहारएत्ति कालओ केवचिरं होति गोयमा अणाहारए दुविहे पन्नत्ते तं जहाछउमत्थअणाहारए य केवलिअणाहारए य छउमत्थ अणाहारए णं [भंते छउमत्थअणाहारएत्ति कालओ ] केवचिरं होति गोयमा जहण्णेणं एक्कं समयं उक्कोसेणं दो समया केवलिअणाहारए णं भंते केवलिअणाहारएत्ति कालओ केवचिरं होति गोयमा केवलिअणाहारए दुविहए पन्नत्ते तं जहासिद्धकेवलिअणाहारए य भवत्थकेवलिअणाहारए य सिद्धकेवलिअणाहारए णं भंते सिद्धकेवलिअणाहारएत्ति कालओ केवचिरं होति गोयमा साइए अपज्जवसिए,
भवत्थकेवलिअणाहारए णं भंते भवत्थकेवलिअणाहारएत्ति कालओ केवचिरं होति गोयमा भवत्थकेवलिअणाहारए दुविहे पन्नत्ते-सजोगिभवत्थकेवलिअणाहारए य अजोगिभवत्थ- केवलि-अणाहार य अजोगिभवत्थकेवलिअणाहारए णं भंते अजोगिभवत्थकेवलिअणाहारएत्ति कालओ केवचिरं होति गोयमा जहन्नेणं अंतोमुहुत्तं उक्कोसणावि अंतोमुहुत्तं सजोगिभवत्थ- केवलिअमाहारए णं भंते सजोगिभवत्तकेवलिअणाहारएत्ति कालओ केवचिरं होइ अजहण्ण-मणुक्कोसेणं तिण्णि समया छउमत्थआहारगस्स केवतिय कालं अंतरं होइ गोयमा जहन्नेणं एक्कं समयं उक्कोसेणं दो समया केवलिआहारगस्स अंतरं अजहण्णमणुक्कोसेणं तिण्णि समया छउमत्थअणाहारगस्स अंतरं जहण्णेणं खुड्डागभवग्गहणं दुसमयूणं उक्कोसेणं असंखेज्जं कालं जाव अंगुलस्स असंखज्जतिभागं सजोगिभवत्थकेवलिअणाहारगस्स णं भंते अंतरं केवतिय कालं होइ गोयमा जहन्नेणं अंतोमुहूत्तं उक्कोसणावि अंतोमुहुत्तं अजोगिभवत्थकेवलिअणाहारगस्स नत्थि अंतरं सिद्धकेवलिअणाहारगस्स साइयस्स अपज्जवसियस्स नत्थि अंतरं एएसि णं भंते आहारगाणं अणाहारगाण य कयरे कयरेहिंतो अप्पा वा बहुया वा तुल्ला वा विसेसाहिया वा गोयमा सव्वत्थोवा अणाहारगा आहारगा असंखेज्जगुणा ।
[३७३] अहवा दुविहा सव्वजीवा पन्नत्ता तं जहा - भासगा य अभासगा य भासए णं भंते भासएत्तिकालओ केवचिरं होति गोयमा जहण्णेणं एक्कं समयं उक्कोसेणं अंतोमुहुत्तं अभासए णं भंते
अभा
पडिवत्ति-१०/१
सएत्ति कालओ केवचिरं होति गोयमा अभासए दुविहे पन्नत्ते- साइए वा अपज्जवसिए साइए वा सपज्जवसिए तत्थ णं जेसे साइए सपज्जवसिए से जहण्णेणं अंतोमुहुत्तं उक्कोसेणं वणस्सतिकालो अभासगस्स साइयस्स अपज्जवसियस्स नत्थि अंतरं साइयस्स सपज्जवसियस्स जहण्णेणं एक्कं समयं उक्कोसेणं अंतोमुहुत्तं अप्पाबहुयं सव्वत्थोवा भासगा अभासगा अनंतगुणा अहवा दुविहा सव्वजीवा ससरीरी य असरीरी य ससरीरी जहा असिद्धा असरीरी जहा सिद्धा सव्वत्थोवा असरीरी ससरीरी अनंतगुणा । [३७४] अहवा दुविहा सव्वजीवा पन्नत्ता तं जहा- चरिमा चेव अचरिमा चेव चरिमे णं भंते चरिमेत्ति कालतो केवचिरं होति गोयमा चरिमे अणादीए सपज्जवसिए अचरिमे दुविहे पन्नत्ते- अाइए व अपज्जवसिए साइए वा अपज्जवसिए दोण्हंपि नत्थि अंतरं अप्पाबहुयं सव्वत्थोवा अचरिमा, चरिमा अनंतगुणा सेत्तं दुविहा सव्वजीवा सिद्धसइंदियकाए जोए वेए कसायलेसा य नाणुवओगाहारा भाससरीरी य चरिमेय ।
[दीपरत्नसागर संशोधितः]
[141]
[१४- जीवाजीवाभिगमं ]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |