Page Text
________________
पढमसमयतिरिक्खजोणिएत्ति कालओ केवचिरं होती गोयमा एक्कं समयं अपढमसमय-तिरिक्खजोणियाणं जहण्णेणं खुड्डागं भवग्गहणं समयूणं उक्कोसेणं वणस्सतिकालो पढमसमयमणुस्साणं एक्कं समयं अपढमसमयमणुस्साणं जहण्णेणं खुड्डागं भवग्गहणं समयूणं उक्कोसेणं तिण्णि पलिओवमाइं पव्वकोडिपुहत्तमब्भहियाइं अंतरंपढमसमयणेरइयस्स जहण्णेणं दसवाससहस्साइं अंतोमुत्तमब्भहियाइं उक्कोसेणं वणस्सतिकालो अपढमसमयणेरइयस्स जहण्णेणं अंतोमुहुत्तं उक्कोसेणं वणस्सतिकालो पढम-समयतिरिक्खजोणियस्स जहण्णेणं खुड्डागं भवग्गहणं समयाहियं उक्कोसेणं सागरोवमसतपुहत्तं सातिरेगं पढमसमयमणुस्सस्स जहण्णेणं दो खुड्डाई भवग्गहणाइं समयूणाई उक्कोसेणं वणस्सतिकालो अपढम-समयमणुस्सस्स जहण्णेणं खुड्डागं भवग्गहणं समयाहियं उक्कोसेणं वणस्सतिकालो, देवा जहा नेरइया |
अप्पाबहुगं-एतेसि णं भंते पढमसमयनेरइयाणं जाव पढमसमयदेवाण य कतरे कतरेहिंतो अप्पा वा बहया वा तुल्ला वा विसेसाहिया वा गोयमा सव्वत्थोवा पढमसमयमणुस्सा, पढमसमयनेरइया असंखेज्जगुणा पढमसमयदेवा असंखेज्जगुणा पढमसमयतिरिक्खजोणिया असंखेज्जगुणा, अपढमसमयनेरइयाणं जाव अपढमसमयदेवाणं एवं चेव अप्पाबहं नवरिं-अपढमसमयतिरिक्खजोणिया अनंतगुणएतेसिं पढमसमयनेरइयाणं अपढमसमयनेरइयाणं य कयरे कयरेहिंतो अप्पा वा बहया वा तुल्ला वा विसेसाहिया वा सव्वत्थोवा पढमसमयनेरइया, अपढमसमयनेरइया असंखेज्जगुणा एवं सव्वे नवरं-अपढमसमयतिरिक्खजोणिया अनंतगुणा पढमसमयनेरइयाणं जाव अपढमसमयदेवाण य कयरे कयरेहिंतो अप्पा वा बहुया वा तुल्ला वा विसेसाहिया वा सव्वत्थोवा पढमसमयमणुस्सा, अपढमसमयमणुस्सा असंखेज्जगुणा पढमसमयनेरइया असंखेज्जगुणा पढमसमयदेवा असंखेज्जगुणापढमसमयतिरिक्खजोणिया असंखेज्जगुणा अपढमसमयनेरइयाअसंखेज्जगुणा अपढमसमयदेवाअसंखेज्जगुणाअपढमसमयतिरिक्खजोणियाअनंतगुणा सेत्तं अट्ठविहा संसारसमावण्णगा जीवा ।
• मुनि दीपरत्नसागरेण संशोधिताः सम्पादिताश्च सत्तमी पडिवत्ति समत्ता •
पडिवत्ति-८
॥ अहमी पडिवत्ती-(नवविह पडिवत्ती) । [३६७] तत्थ णं जेते एवमाहंसु नवविधा संसारसमावण्णगा जीवा ते एवमाहंसु-पुढविक्काइया आउक्काइया तेउक्काइया वाउक्काइया वणस्सइकाइया बेइंदिया तेइंदिया चरिंदिया पंचेंदिया, ठिती सव्वेसिं भाणियव्वा, पुढविक्काइयाणं संचिट्ठणा पुढविकालो जाव वाउक्काइयाणं वणस्सईणं वणस्सतिकालो बेइंदिया तेइंदिया चउरिंदिया संखेज्जं कालं पंचेंदियाणं सागरोवमहस्सं सातिरेगं अंतरं सव्वेसिं अनंतं कालं वणस्सतिकाइयाणं असंखेज्जं कालं अप्पाबगं-सव्वत्थोवा पंचिंदिया, चरिंदिया विसेसाहिया, तेइंदिया विसेसाहिया, बेइंदिया विसेसाहिया, तेउक्काइया असंखेज्जगुणा, पुढविकाइया विसेसाहिया, आउकाइया विसेसाहिया, वाउकाइया विसेसाहिया, वणस्सतिकाइया अनंतगुणा, सेत्तं नवविधा संसारसमावण्णगा जीवा
• मुनि दीपरत्नसागरेण संशोधिताः सम्पादिताश्च अहमी पडिवत्ति समत्ता •
॥ नवमी पडिवत्ती-(दसविह पडिवत्ती) ।
दीपरत्नसागर संशोधितः]
[138]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |