Page Text
________________
दव्वट्ठयाए अनंतगुणा बादरणिओदजीवा अपज्जत्ता दववट्ठयाए असंखेज्जगुणा सुहुमणिओदजीवाअपज्जत्ता दव्वट्ठयाए असंखेज्जगुणा सुहमणिओदजीवा पज्जत्ता दव्वट्ठयाए संखेज्जगुणा सुहमणिओदजीवेहिंतो पज्जत्तएहिंतो दव्वट्ठयाए बादरणिओदजीवा पज्जत्ता पदेसट्ठयाए असंखेज्जगुणाबादरणिओदजीवा अपज्जत्तापदेसट्ठयाए असंखेज्जगुणा सुहमणिओदजीवा अपज्जत्ता पदेसट्ठयाए असंखेज्जगुणासुहमणिओदजीवा पज्जत्ता पदेसट्ठयाए संखेज्जगुणा सुहुमणोदजीवेहिंतो पज्जत्तएहितो पदेसट्ठयाए बादरणिओदा पज्जत्ता पदेसट्ठयाए अनंतगुणा बादरणिओद अपज्जत्ता पदेसट्ठयाए असंखेज्जगुणा सुहुमणिओदा अपज्जत्ता पदेसट्ठयाए असंखेज्जगुणा सुहुमणिओदा पज्जत्ता पदेसट्ठयाए संखेज्जगुणा सेत्तं छव्विहा संसारसमावण्मगा जीवा । ० मुनि दीपरत्नसागरेण संशोधिताः सम्पादिताश्च पंचमी पडिवत्ति समत्ता •
। छट्ठी पडिवत्ती-(सत्तविह-पडिवत्ती) । [३६५] तत्थ णं जेते एवमाहंसु सत्तविहा सत्तविहा संसारसमावण्णगा जीवा ते एवमाहंसु तं जहा- नेरइया तिरिक्खा तिरिक्खजोणिणीओ मणुस्सा मणुस्सीओ देवा देवीओ, नेरइयस्स ठितो जहण्णेणं दसवाससहस्साइं उक्कोसेणं तेत्तीसं सागरोवमाइं तिरिक्खजोणियस्स जहण्णेणं अंतोमुहुत्तं उक्कोसेणं तिण्णि पलिओवमाइं एवं तिरिक्खजोणिणीएवि मणुस्साणवि मणुस्सीणवि देवाणं ठिती तहा नेरइयाणं देवीणं जहण्णेणं ठिता तहा नेरइयाणं देवीणं जहन्नेणं दसवाससहस्साई उक्कोसेणं पणपन्नपलिओवमाणि, नेरइय-देव-देवीणं जच्चेव ठिती सच्चेव संचिट्ठणा तिरिक्खजोणिएणं भंते तिरिक्खजोणिएत्ति कालओ केवचिरं होइ गोयमा जहण्णेणं अंतोमुहत्तं उक्कोसेणं वणस्सतिकालो तिरिक्खजोणिणीणं जहण्णेणं अंतोमुहुत्तं उक्कोसेणं तिण्णि पलिओवमाइं पुव्वकोडिपुहत्तमब्भहियाइं एवं मणुस्सस्स मणुस्सीएवि, नेरइयस्स अंतरं जहण्णेणं अंतोमुहत्तं उक्कोसेणं वणस्सतिकालो एवं सव्वाणं तिरिक्खजोणियवज्जाणं तिरिक्खजोणियाणं जहन्नेणं अंतोमुहुत्तं उक्कोसेणं सागरोवमसतपुहत्तं सातिरेगं अप्पाबहुयं-सव्वत्थोवाओ मणुस्सीपडिवत्ति-७
ओ, मणुस्सा असंखेज्जगुणा नेरइया असंखेज्जगुणा तिरिक्खजोणिणीओ असंखेज्जगुणाओ देवा असंखेज्जगुणा देवीओ संखेज्जगुणाओ, तिरिक्खजोणिया अनंतगुणा सेत्तं सत्तविहा संसारसमावण्णगा जीवा | • मुनि दीपरत्नसागरेण संशोधिताः सम्पादिताश्च छट्ठी पडिवत्ति समत्ता •
॥ सत्तमी पडिवत्ती-(अहविह पडिवत्ती) । ___ [३६६] तत्थ जेते णं एवमाहंसु अट्ठविहा संसारसमावण्णगा जीवा ते एवमाहंसु-पढमसमयनेरइया अपढमसमयनेरइया पढमसमयतिरिक्खजोणिया अपढमसमयतिरिक्खजोणिया पढमसमयमणुस्सा अपढमसमयमणुस्सा पढमसमयदेवा अपढमसयमयदेवा, पढमसमयनेरइयस्स णं भंते केवतियं कालं ठिती पन्नत्ता गोयमा एगं समयं ठिती पन्नत्ता अपढमसमयनेरइयस्स जहन्नेणं दसवाससहस्साई समयूणाई उक्कोसेणं तेत्तीसं सागरोवमाइं समयूणाई एवं सव्वेसिं पढमसमयगाणं एगं समयं अपढमसमयतिरिक्खजोणियाणं जहण्णेणं खुड्डागं भवग्गहणं समयूणं उक्कोसेणं तिण्णि पलिओवमाई समयूणाई मणुस्साणं जहण्णेणं खुड्डागं भवग्गहणं समयूणं उक्कोसेणं तिण्णि पलिओवमाइं समयूणाई देवाणं जहा नेरइयाणं नेरइय-देवाणं जच्चेव ठिती सच्चेव संचिट्ठणावि पढमसमयतिरिक्ख-जोणिए णं भंते
दीपरत्नसागर संशोधितः]
[137]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |