Page Text
________________
[३५६] बायरस्स णं भंते केवतियं कालं ठिती पन्नत्ता गोयमा जहण्णेणं अंतो मुहत्तं उक्कोसेणं तेत्तीसं सागरोवमाइं ठिई पन्नत्ता एवं बायरतसकाइयस्सवि बायरपुढवीकाइयस्स बावीस वाससहस्साइं बायरआउस्स सत्तवाससहस्सं बायरतेउस्स तिण्णि राइंदिया बायरवुस्स तण्णि वाससहस्साई बायरवण दस वाससहस्साइं एवं पत्तेयसरीरबादरस्सवि निओयस्स जहण्णेणवि उक्कोसेणवि अंतोमु, एवं बायरनिओयस्सवि अपज्जत्तगाणं सव्वेसिं अंतोमुहुत्तं पज्जत्तगाणं उक्कोसिया ठिई अंतोमुहुत्तूणा कायव्वा सव्वेसिं [बादरपुढविकाइयस्स बावीसं वाससहस्साई बादरआउकाइयस्स सत्त वाससहस्साई बादरतेउक्काइ-यस्स तिण्णि राइंदियाइं बादरवाउकाइयस्स तिण्णि वाससहस्साइं बादरवणस्सतिकाइयस्स दसवाससहस्साइं पत्तेयबादरवणस्सतिकाइयस्स दस वाससहस्साइं निओदस्स बादरनिओदस्स य अंतोमुहत्तं जहण्णुक्कस्सं बादरतसकियस्स तेत्तीसं सागरोवमाइं अपज्जत्ताणं सव्वेसिं अंतोमुहत्तं पज्जत्ताणं उक्कोसा अंतोमुहुत्तूणा निओदस्स बादरणिओदस्स य पज्जत्ताणं अंतोमुहत्तं जहण्णेणवि उक्कोसेणवि पा. ।
__[३५७] बायरे णं भंते बायरेत्तिं कालओ केवचिरं होति गोयमा जहन्नेणं अंतोमुहत्तं उक्कोसेणं असंखेज्जं कालं-असंखेज्जाओ उस्सप्पिणी-ओसप्पिणीओ कालओ खेत्तओ असंखेज्जतिभागो बायरपुढविकाइयाआउतेउ-वाउपत्तेयसरीरबादरवणस्सइकाइयस्स बायर-निओयस्स एतेसिं जहण्णेणं अंतोमुत्तं उक्कोसेणं सत्तरि सागरोवमकोडाकोडीओ संखातीयाओ समाओ अंगुलभागे तहा असंखेज्जा आहे य बायरतरु-अनुबंधो सेसओ वोच्छं [बादरपुढविसंचिट्ठणा जहण्णेणं अंतोमुत्तं उक्कोसेणं सत्तरिसागरोवम-कोडाकोडीओ जाव बादरवाऊ बादरवणस्सिकाइयस्स जहा ओहियओ बादरपत्तेयवणस्सतिकाइयस्स
जहा पडिवत्ति-५
बादरपुढवी निओते जहण्णेणं अंतोमुहुत्तं उक्कोसेणं अनंतं कालं-अनंताओ उस्सप्पिणी-ओसप्पिणीओ कालओ खेत्तओ अड्ढाइज्जा पोग्गलपरियट्टा बादरणिओते जहा बादरपुढवी बादरतसकाइयस्स दो सागरोवम-सहस्साइं संखेज्जवासमब्भहियाइं अपज्जताणं सव्वेसिं अंतोमहत्तं बादरपज्जत्ताणं संचिट्ठाणा जहण्णेणं अंतोमुहुत्तं उक्कोसेणं सागरोवमसयपुहत्तं सातिरेगं बादरपुढविकाइयस्स संखेज्जाइं वाससहस्साइं एवं आऊ तेउकाइयस्स संखेज्जइं राइंदियाइं दुकाइयस्स संखेज्जाइं वाससहस्साइं एवं बादरवणस्सतिपज्जत्तए पत्तेगबादरवणस्सतिकाइयस्सवि बादरणिओदपज्जत्तए जहन्नेणं अंतोमुहुन्तं उक्कोसेणवि अंतोमुहुत्तं निओदपज्जत्तए वि अंतोमुहुत्तं बादरतसकाइयपज्जत्तए सागरोवमसतपुहत्तं सातिरेगं पा ।
[३५८] उस्सप्पिणि-ओसप्पिणी अड्ढाइय पोग्गलाम परियट्टा ।
बेउदधिसहस्सा खलु साधिया होंति तसकाए ।। [३५९] अंतोमुत्तकालो होइ अपज्जत्तगाण सव्वेंसि ।
पज्जत्तबायरस्स य बायरतसकाइयस्सावि ।। [३६०] तेउस्स संख राइंदिया दुविहणिओए मुहत्तमद्धं तु ।
सेसाणं संखेज्जा वाससहस्सा य सव्वेसि ।। [३६१] बादरस्स णं भंते केवतियं कालं अंतरं होति गोयमा जहण्णेणं अंतोमुहत्तं उक्कोसेणं बादरपुढविकाइयस्स वणस्सतिकालो जाव बादरवाउकाइयस्स बादरवणस्सतिकाइयस्स पुढविकालो दीपरत्नसागर संशोधितः]
[133]
[१४-जीवाजीवाभिगम]
| SR No. | 003727 |
| Book Title | Agam 14 Jivajivabhigam Taiam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 152 |
| Language | Prakrit |
| Classification | Book_Devnagari, Agam, Canon, Agam 14, & agam_jivajivabhigam |
| File Size | 3 MB |