________________
[२४४] कोडी बायालीसा तीसं दोण्णि य सया अगुणवण्णा |
पुक्खरअद्धपरिरओ एवं से मणस्सखेत्तस्स ।। [२४५] से केणटेणं भंते एवं वुच्चति-अभिंतरपुक्खरद्धे अभिंतरपुक्खरद्धे गोयमा अभिंतरपुक्खरद्धेणं माणुसुत्तरेणं पव्वतेणं सव्वतो समंता संपरिक्खित्ते से एएणडेणं गोयमा एवं वुच्चतिअभितरपुक्खरद्धे अदुत्तरं च णं जाव निच्चे अभितरपुक्खरद्धे णं भंते केवतिया चंदा पभासिंसु वा पुच्छा सा चेव पुच्छा, जाव तारागणा कोडकोडीओ गोयमा ।
[२४६] बावत्तरिं च चंदा बावत्तरिमेव दिणकरा दित्ता ।
पुक्खरवरदीवड्ढे चरति एते पभासेंता ।। [२४७] तिन्नि सया छत्तीसा छच्च सहस्सा महग्गहाणं तु
नक्खत्ताणं तु भवे सोलाइ दुवे सहस्साई ।। [२४८] अडयालसयसहस्सा बावीसं खल भवे सहसासइं ।
दो य सय पक्खरद्धे तारागण कोडिकोडिणं ।। [२४९] सोभं सोभिंसु वा सोभंति वा सोभिस्संति वा ।
[२५०] समयखेत्ते [मणुस्सखेत्ते] णं भंते केवतियं आयाम-विक्खंभेणं केवतियं परिक्खेवेणं पन्नत्ते गोयमा पणयालीसं जोयणसयसहस्साइं आयाम-विक्खंभेणं एगा जोयणकोडी बायालीसं च सयसहस्साइं तीसं च सहस्साइं दोण्णि य एउणपण्णा जोयणसते किंचिविसेसाहिए परिक्खेवेणं पन्नत्ते] से केणद्वेणं भंते एवं वुच्चति-मणुस्सखेत्ते मणुस्सखेत्ते गोयमा मणुस्सखेत्ते णं तिविधा मणुस्सा परिवसंति तं जहा- कम्मभूमगा अकम्मभूमगा अंतरदीवगा से तेणटेणं गोयमा एवं वुच्चति मणुस्स खेते मणुस्स खेते, अदुत्तरं च णं गोयमा मणुस्सखेत्तस्स सासए नामधेज्जे जाव निच्चे, मणुस्सखेत्ते णं भंते कति चंदा पभासिंसु वा पुच्छा कई सूरा तवइंसु वा पुच्छा [गोयमा] ।
[२५१] बत्तीसं चंदसयं बत्तीसं चेव सूरियाणं सयं ।
सयलं मणुस्सलोयं चरेंति एते पभासेंता ।। पडिवत्ति-३
[२५२] एक्कारस य सहस्सा छप्पि य सोला महग्गहाणं तु |
छच्च सया छण्णउया नक्खत्ता तिण्णि य सहस्सा
[२५३] अडसीइ सयसहस्सा चत्तालीस सहस्स मणुयलोगमि
सत्त य सता अणूणा तारागणकोडकोडीणं ।। [२५४] सोभं सोभिंसु वा सोभंति वा सोभिस्संति वा । [२५५] एसो तारापिंडो सव्वसमासेण मण्यलोगंमि ।
बहिया पुण ताराओ जिणेहिं भणिया असंखेज्जा ।। [२५६] एवइयं तारगं जं भणियं माणुसंमि लोगंमि ।
चारं कलंबुयापुप्फसंठियं जोइस चरइ ।।
दीपरत्नसागर संशोधितः]
[105]
[१४-जीवाजीवाभिगम]
