Page Text
________________
पत्ते नव मंससोल्लए करेइ जाव कणीयसं घाएइ घाएत्ता जाव आयंचइ, तए णं सद्दालपत्ते समणो वासए अभीए जाव विहरइ ।
तए णं से देवे सद्दालपत्तं समणोवासयं अभीयं जाव पासइ पासित्ता चउत्थं पि सद्दालपत्तं समणोवासयं एवं वयासी- हं भो सद्दालपत्ता समणोवासया अपत्थियपत्थिया० जाव न भंजेसि तओ ते जा इमा अग्गिमित्ता भारिया धम्मसहायइ धम्मविइज्जिया धम्माणरागरत्ता समसुहक्खसहायइया तं साओ गिहाओ नीणेमि नीणेत्ता तव अग्गओ घाएमि घाएत्ता नव मंसलोल्लए करेमि करेत्ता आदाणभरियंसि कडा-हयंसि अद्दहेमि अद्दहेत्ता तव गायं मंसेण य सोणिएण य आयंचामि, जहा- णं तुमं अट्ट-दुहट्ट ववरोविज्जसि,
तए णं से सद्दालपुत्ते समणोवासए तेणं देवेणं एवं वृत्ते समाणे अभीए जाव विहरइ ।
तए णं तस्स सद्दालपत्तस्स समणोवासयस्स तेणं देवेणं दोच्चं पि तच्चं पि एवं वृत्तस्स समाणस्स अयं अज्झत्थिए चिंतिए पत्थिए मणोगए संकप्पे सम्प्पज्जित्था-एवं जहा चलणीपिया तहेव चितेइ जे णं ममं जेटुं पुत्तं जे णं ममं मज्झिमं पुत्तं जेणं ममं कणीयसं पुत्तं जाव आइंचइ जाव वि य णं ममं इमा अग्गिमित्ता भारिया० समसुहदुक्खसहाइया तं पि य इच्छइ साओ गिहाओ नीणेत्ता ममं अग्गओ घाएत्तए तं सेयं खल ममं एयं परिसं गिण्हित्तए त्ति कट्ट उद्धाविए जहा चुलणीपिया तहेव सव्वं भाणियव्वं नवरं अग्गिमित्ता भारिया कोलाहलं णित्ता भणइ, सेसं जहा चुलणीपिया वत्तव्वया नवरं अरुणभूए विमाणे उववन्ने जाव महाविदेहे वासे सिज्झिहिइ, निक्खेवओ०
. सत्तमं अज्झयणं समत्तं . • मुनि दीपरत्नसागरेण संशोधितः सम्पादित्तश्च सत्तमं अज्झयणं समत्तं .
। अहमं अज्झयणं-महासतए ।
[४८] अट्ठमस्स उक्खेवओ०
अज्झयणं-८
तेणं कालेणं तेणं समएणं रायगिहे नयरे गणसिलए चेइए, सेणिए राया, तत्थ णं रायगिहे नयरे महासतए नाम गाहावई परिवसइ, अड्ढे जहा आणंदो नवरं अट्ठ हिरण्णकोडीओ सकंसाओ निहाणपउत्ताओ अट्ठ हिरण्णकोडीओ सकंसाओ वढिउत्ताओ अट्ठ हिरण्णकोडीओ सकंसाओ पवित्थरपउत्ताओ अट्ठ वया दसगोसाहस्सिएणं वएणं, से णं
__तस्स णं महासतयस्स रेवतीए भारियाए कोलहरियाओ अट्ठ हिरण्णकोडीओ अट्ठ वया दसगोसाहस्सिएण वएणं होत्था अवसेसाणं दुवालसण्हं भारियाणं कोलहरिया एगमेगा हिरण्णकोडी एगमेगे य वए दसगोसाहस्सिएणं वएणं होत्था ।
[४९] तेणं कालेणं तेणं समएणं सामी समोसढे, परिसा निग्गया, जहा आणंदो तहा निग्गच्छइ तहेव सावय धम्मपडिवज्जइ, नवरं-अट्ठ हिरण्णकोडीओ सकंसाओ, अट्ठ वया रेवतीपामोक्खाहिंतेरसहिं भारियाहिं अवसेसं मेहणविहिं पच्चक्खाइ, सेसं सव्वं तहेव । इमं च णं एयारूवं अभिग्गहं अभिगेण्हति-कल्लाकल्लिं च णं कप्पइ मे बेदोणियाए कंसपाईए हिरण्णभरियाए संववहरित्तए |
तए णं से महासतए समणोवासए जाए अभिगय जीवाजीवे जाव विहरइ । तए णं समणे भगवं महावीरे बहिया जणवय-विहारंविहरइ ।
[मुनि दीपरत्नसागर संशोधितः]
[27]
[७-उवासग दसाओ]
| SR No. | 003713 |
| Book Title | Agam 07 Uvasagdasao Sattam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 34 |
| Language | Prakrit |
| Classification | Book_Devnagari, Agam, Canon, Agam 07, & agam_upasakdasha |
| File Size | 2 MB |