Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 7

सतं-१, वग्गो-,सत्तंसत्तं-, उद्देसो-१
पण्णत्ते । तं जहा - आभोगनिव्वत्तिए य अणाभोगनिव्वत्तिए य। तत्थ णं जे से अणाभोगनिव्वत्तिए से अणुसमयं अविरहिए आहारट्ठे समुप्पज्जइ, तत्थ णं जे से आभोगनिव्वत्तिए से जहन्नेणं चत्थभत्तस्स, उक्कोसेणं दिवसपुहत्तस्स आहाट्ठ समुप्पज्जइ । सेसं जहा असुरकुमाराणं जाव चलियं कम्मं निज्जरेंति, नो अचलियं कम्मं निज्जरेंति ।
एवं सुवणकुमाराण वि जाव थणियकुमाराणं ति ।
पुढविक्काइयाणं भंते! केवइयं कालं ठिती पण्णत्ता ? गोयमा ! जहन्नेणं अंतोमुहुत्तं, उक्कोसेणं
बावीसं वाससहस्साइं ।
पुढविक्काइया केवइकालस्स आणमंति वा४ ? गोयमा ! वेमायाए आणमंति वा ४ |
पुढविक्काइया आहारट्ठी? हंता, आहारट्ठी ।
पुढविक्काइयाणं केवइकालस्स आहारट्ठे समुप्पज्जइ ? गोयमा ! अणुसमयं अविरहिए
आहारट्ठे समुप्पज्जइ ।
पुढविक्काइया किमाहारमाहारेंति ? गोयमा ! दव्वओ जहा नेरइयाणं जाव निव्वाघाएणं छद्दिसिं; वाघायं पडुच्च सिय तिदिसिं, सिय चउद्दिसिं सिय पंचदिसिं । वण्णओ काल-नील-लोहित-हालिद्दसुक्किलाणि। गंधओ सुब्भिगंध २, रसओ तित्त ५, फासओ कक्खड ८ । सेसं तहेव । नाणत्तंकतिभागं आहारेंति? कइभागं फासादेंति ? गोयमा ! असंखिज्जइभागं आहारेंति, अणंतभागं फासादेंति जाव ते णं तेसिं पोग्गला कीसत्ताए भुज्जो भुज्जो परिणमंति? गोयमा ! फासिंदियवेमायत्ताए भुज्जो भुज्जो परिणमति । सेसं जहा नेरइयाणं जाव चलियं कम्मं निज्जरेंति, नो अचलियं कम्मं निज्जरेंति ।
एवं जाव वणस्सइकाइयाणं । नवरं ठिती वण्णेयव्वा जा जस्स, उस्सासो वेमायाए । बेइंदियाणं ठिई भाणियव्वा । ऊसासो वेमायाए ।
बेइंदियाणं आहारे पुच्छा। अणाभोगनिव्वत्तिओ तहेव । तत्थ णं जे से आभोगनिव्वत्तिए से णं असंखेज्जसमइए अंतोमुहुत्तिए वेमायाए आहारट्ठे समुप्पज्जइ । सेसं तहेव जाव अणंतभागं आसायंति। बेइंदिया णं भंते! जे पोग्गले आहारत्ताए गेण्हंति ते किं सव्वे आहारेंति? नो सव्वे आहारेंति? गोयमा! बेइंदियाणं दुविहे आहारे पण्णत्ते । तं जहा - लोमाहारे पक्खेवाहारे य। जे पोग्गले लोमाहारत्ताए गिण्हंति ते सव्वे अपरिसेसिए आहारेंति । जे पोग्गले पक्खेवाहारत्ताए गिण्हंति तेसिं णं पोग्गलाणं असंखिज्जभागं आहारेंति, अणेगाई च णं भागसहस्साइं अणासाइज्जमाणाइं अफासाइज्जमाणाइं विद्धंसमावज्जति ।
एतेसिं णं भंते! पोग्गलाणं अणासाइज्जमाणाणं अफासाइज्जमाणाण य कयरे कयरेहिंतो अप्पा वा ४? गोयमा ! सव्वत्थोवा पुग्गला अणासाइज्जमाणा, अफासाइज्जमाणा अणंतगुणा ।
बेइंदिया णं भंते! जे पोग्गले आहारत्ताए गिण्हंति ते णं तेसिं पुग्गला कीसत्ताए भुज्जो भुज्जो परिणमंति? गोयमा ! जिब्भिंदिय - फासिंदियवेमायत्ताए भुज्जो भुज्जो परिणमति ।
इंदियाणं भंते! पुव्वाहारिया पुग्गला परिणया तहेव जाव चलियं कम्मं निज्जरंति । तेइंदिय - चउरिंदियाणं णाणत्तं ठीतीए जाव णेगाई च णं भागसहस्साइं अणाघाइज्जमाणाई अणासाइज्जमाणाइं अफासाइज्जमाणाइं विद्वंसमागच्छंति ।
एतेसिं णं भंते! पोग्गलाणं अणाघाइज्जमाणाणं ३, पुच्छा । गोयमा ! सव्वत्थोवा पोग्गला [दीपरत्नसागर संशोधितः ]
[6]
[५-भगवई]