________________
सतं-३८, वग्गो - ,सत्तंसत्तं-/१-१२ , उद्देसो-/
सेवं भंते! सेवं भंते! ति।
.३८/-चतुरिंदियमहाजुम्मसया समता.
०-अट्ठतीसइमं सयं समत्तं-० ० मुनि दीपरत्नसागरेण संशोधितः सम्पादित्तश्च अट्ठतीसइमं सतं समत्तं ०
[] एगूणयालीसइमं सयं [] [१०६३]कडजुम्मकडजुम्मअसन्निपंचेंदिया णं भंते! कओ उववज्जंति?0 जहा बेंदियाणं तहेव असन्नीसु वि बारस सया कायव्वा, नवरं ओगाहणा जहन्नेणं अंगुलस्स असंखेज्जइभागं, उक्कोसेणं जोयणसहस्स; संचिट्ठणा जहन्नेणं एक्कं समयं, उक्कोसेणं पुव्वकोडीपुहत्तं; ठिती जहन्नेणं एक्कं समयं, उक्कोसेणं पुव्वकोडी। सेसं जहा बेंदियाणं। सेवं भंते! सेवं भंते! ति।
*३९/-असण्णिपंचेंदियमहाजम्मसया समत्ता
__०-एगूणयालीसइमं सयं समत्तं-० • मुनि दीपरत्नसागरेण संशोधितः सम्पादित्तश्च एग्णयालीसइमं सतं समतं .
[] चत्तालीसइमं सयं [] पढमं सन्निपंचिंदिय महाजम्मसयं
0 पढमो उद्देसो 0 [१०६४]कडजुम्मकडजुम्मसन्निपंचेंदिया णं भंते! कओ उववज्जंति?0 उववातो चउसु वि गतीसु। संखेज्जवासाउय-असंखेज्जवासाठय-पज्जत्ता-अपज्जत्तएसु य न कतो वि पडिसेहो जाव अणुत्तरविमाण ति। परिमाणं, अवहारो, ओगाहणा य जहा असण्णिपंचेंदियाणं। वेयणिज्जवज्जाणं सत्तण्हं पगडीणं बंधगा वा अबंधगा वा वेयणिज्जस्स बंधगा, नो अबंधगा। मोहणिज्जस्स वेयगा वा, अवेयगा वा। सेसाणं सत्तण्ह वि वेयगा, नो अवेयगा। सायावेयगा वा असायावेयगा वा। मोहणिज्जस्स उदई वा, अणुदई वा; सेसाणं सत्तण्ह वि उदई, नो अणुदई। नामस्स गोयस्स य उदीरगा, नो अणुदीरगा; सेसाणं छह वि उदीरगा वा, अणुदीरगा वा। कण्हलेस्सा वा जाव सुक्कलेस्सा वा। सम्मद्दिट्ठी वा, मिच्छादिट्ठी वा, सम्मामिच्छद्दिट्ठी वा। णाणी वा अण्णाणी वा। मणजोगी वा, वइजोगी वा, कायजोगी वा। उवयोगो, वन्नमाई, उस्सासगा, आहारगा य जहा एगिंदियाणं। विरया वा अविरया वा, विरयाविरया वा। सकिरिया, नो अकिरिया।
ते णं भंते! जीवा किं सत्तविहबंधगा, अट्ठविहबंधगा, छव्विहबंधगा एगविहबंधगा? गोयमा! सत्तविहबंधगा वा जाव एगविहबंधगा वा।
ते णं भंते! जीवा किं आहारसण्णोवउत्ता जाव परिग्गहसन्नोवउत्ता, नोसण्णोवयुत्ता? गोयमा! आहारसन्नोवत्ता वा जाव नोसन्नोवत्ता वा।
सव्वत्थ पुच्छा भाणियव्वा। कोहकसाई वा जाव लोभकसाई वा, अकसायी वा। इत्थिवेयगा वा, पुरिसवेयगा वा, नपुंसगवेयगा वा, अवेदगा वा। इत्थिवेदबंधगा वा, पुरिसवेयबंधगा वा, नपुंसगवेदबंधगा
[दीपरत्नसागर संशोधितः]
[545]
[५-भगवई
