Page Text
________________
सतं-३४, वग्गो- ,सत्तंसत्तं-१ , उद्देसो-१
__अपज्जतासुहमपुढविकाइए णं भंते! इमीसे रयणप्पभाए पुढवीए पुरथिमिल्ले चरिमंते समोहए, समोहणिता जे भविए इमीसे रयणप्पभाए पुढवीए पच्चत्थिमिल्ले चरिमंते अपज्जत्तासुमपुढविकाइयत्ताए उववज्जित्तए, से णं भंते! कतिसमइएणं विग्गहेणं उववज्जेज्जा? गोयमा! एगसमइएण वा दुसमइएण वा तिसमइएण वा विग्गहेणं उववज्जेज्जा।
से केणढेणं भंते! एवं वुच्चइ-एगसमइएण वा दुसमइएण वा जाव उववज्जेज्जा? एवं खलु गोयमा! मए सत्त सेढीओ पन्नताओ, तं जहा--उज्जुयायता सेढी १, एगओवंका २, दुहतोवंका ३, एगतोखहा ४, दुहओखहा ५, चक्कवाला ६, अद्धचक्कवाला ७। उज्जुयायताए सेढीए उववज्जमाणे एगसमइएणं विग्गहेणं उववज्जेज्जा, एगओवंकाए सेढीए उववज्जमाणे दुसमइएणं विग्गहेणं उववज्जेज्जा, दुहतोवंकाए सेढीए उववज्जमाणे तिसम
इएणं विग्गहेणं उववज्जेज्जा। सेतेणठेणं गोयमा! जाव उववज्जेज्जा। १ ।
अपज्जत्तासुहमपुढविकाइए णं भंते! इमीसे रयणप्पभाए पुढवीए पुरथिमिल्ले चरिमंते समोहए, समोहणित्ता जे भविए इमीसे रयणप्पभाए पुढवीए पच्चत्थिमिल्ले चरिमंते पज्जत्तासुहमपुढविकाइयत्ताए उववज्जितए से णं भंते! कतिसमइएणं विग्गहेणं उववज्जेज्जा? गोयमा! एगसमइएण वा दुसमइएण वा, सेसं तं चेव जाव सेतेणठेणं जाव विग्गहेणं उववज्जेज्जा। २ ।
एवं अपज्जत्तासुहमपुढविकाइओ पुरत्थिमिल्ले चरिमंते समोहणावेत्ता पच्चत्थिमिल्ले चरिमंते बायरपुढविकाइएसु अपज्जत्तएसु उववातेयव्वो। ३ ।
ताहे तेसु चेव पज्जत्तएसु। ४ ।
एवं आउकाइएस् वि चत्तारि आलावगा-सहमेहिं अपज्जत्तएहिं १, ताहे पज्जत्तएहिं २, बादरेहिं अपज्जतएहिं ३, ताहे पज्जत्तएहिं उववातेयव्वो ४।
एवं चेव सुमतेउकाइएहि वि अपज्जत्तएहिं १, ताहे पज्जत्तएहिं उववातेयव्वो २।।
अपज्जत्तासुमपुढविकाइए णं भंते! इमीसे रयणप्पभाए पुढवीए पुरथिमिल्ले चरिमंते समोहए, समोहणिता जे भविए मणुस्सखेत्ते अपज्जत्ताबायरतेठकाइयत्ताए उववज्जित्तए से णं भंते! कतिसमइएणं विग्गहेणं उववज्जेज्जा? सेसं तं चेव ३।
एवं पज्जताबायरतेउकाइयत्ताए उववातेयव्वो ४। वाउकाइए सुहम-बायरेसु जहा आउकाइएस् उववातिओ तहा उववातेयव्वो ४। एवं वणस्सतिकाइएसु वि ४।
पज्जत्तासुमपुढविकाइए णं भंते! इमीसे रयणप्पभाए पुढवीए0, एवं पज्जत्तासुहमपुढविकाइओ वि पुरत्थिमिल्ले चरिमंते समोहणावेत्ता एएणं चेव कमेणं एएसु चेव वीससु ठाणेसु उववातेयव्वो जाव बायरवणस्सतिकाइएसु पज्जत्तएसुं ति।
एवं अपज्जत्तबायरपुढविकाइओ वि। एवं पज्जत्ताबायरपुढविकाइओ वि।
एवं आउकाइओ वि चउसु वि गमएसु पुरत्थिमिल्ले चरिमंते समोहए एयाए चेव वत्तव्वयाए एएसु चेव वीसाए ठाणेसु उववातेयव्वो।
सुहमतेउकाइओ वि अपज्जत्तओ पज्जत्तओ य एएसु चेव वीसाए ठाणेसु उववातेयव्वो । [दीपरत्नसागर संशोधितः]
[529]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |