________________
सतं-३२, वग्गो- ,सत्तंसत्तं- , उद्देसो-/२-२८
उद्देसगा भणिया तहेव उव्वाणासए वि अट्ठावीसं उद्देसगा भाणियव्वा निरवसेसा, नवरं उव्वांति' ति अभिलावो भाणियव्वो। सेसं तं चेव। सेवं भंते! सेवं भंते! ति जाव विहरइ।
*बतीसइमे सते २-२८ उद्देसो समतो
०-बत्तीसइमं सयं समत्तं-० ० मुनि दीपरत्नसागरेण संशोधितः सम्पादित्तश्च बत्तीसइमं सतं समत्तं .
[] तेत्तीसइमं सयं [] पढमं एगिंदियं सयं
0 पढमो उद्देसओ० [१०१८] कतिविधा णं भंते! एगिंदिया पन्नता? गोयमा! पंचविहा एगिदिया पन्नता, तंजहापुढविकाइया जाव वणस्सतिकाइया।
पुढविकाइया णं भंते! कतिविहा पन्नत्ता? गोयमा! दुविहा पन्नता, तं जहा-सुहमपुढविकायिया य, बायरपुढविकाइया य।
सुहमपुढविकाइया णं भंते! कतिविहा पन्नता? गोयमा! दुविहा पन्नता, तं जहा--प ज्जता सुहमपुढविकाइया य, अपज्जत्ता सुहमपुढविकाइया य। बायरपुढविकाइया णं भंते! कतिविहा पन्नता? एवं चेव। एवं आउकाइया वि चठक्कएणं भेएणं णेतव्वा। एवं जाव वणस्सतिकाइया।
अपज्जत्तासुहमपुढविकाइयाणं भंते! कति कम्मप्पगडीओ पन्नताओ? गोयमा! अट्ठ कम्मप्पगडीओ पन्नताओ, तं जहा--नाणावरणिज्जं जाव अंतरायियं।
पज्जतासुमपुढविकाइयाणं भंते! कति कम्मप्पगडीओ पन्नत्ताओ? गोयमा! अट्ठ कम्मप्पगडीओ पन्नत्ताओ, तं जहा--नाणावरणिज्जं जाव अंतरायियं।
अपज्जत्ताबायरपुढविकायियाणं भंते! कति कम्मपगडीओ पन्नताओ? एवं चेव। पज्जत्ताबायरपुढविकायियाणं भंते! कति कम्मप्पगडीओ0? एवं चेव। एवं एएणं कमेणं जाव बायरवणस्सइकाइयाणं पज्जतगाणं ति। अपज्जत्तासुमपुढविकायिया णं भंते! कति कम्मप्पगडीओ बंधंति ? गोयमा ! सत्तविहबंधगा
वि, अट्ठविहबंधगा वि। सत्त बंधमाणा आउयवज्जाओ सत्त कम्मपगडीओ बंधंति। अट्ठ बंधमाणा पडिपुण्णाओ अट्ठ कम्मप्पगडीओ बंधंति।
पज्जत्तासुहमपुढविकायिया णं भंते! कति कम्म0? एवं चेव। एवं सव्वे जाव--पज्जत्ताबायरवणस्सतिकायिया णं भंते! कति कम्मप्पगडीओ बंधंति? एवं
चेव।
अपज्जत्तासुमपुढविकाइया णं भंते! कति कम्मप्पगडीओ वेदेति? गोयमा! चोद्दस कम्मप्पगडीओ वेदेति, तं जहा-नाणावरणिज्जं जाव अंतराइयं, सोतिंदियवज्झं चक्खिंदियवज्झं
[दीपरत्नसागर संशोधितः]
[524]
[५-भगवई
