________________
सतं-२५, वग्गो- ,सत्तंसत्तं- , उद्देसो-६
[९०७]पुलाए णं भंते! केवतियं सुयं अहिज्जेज्जा? गोयमा! जहन्नेणं नवमस्स पुव्वस्स ततियं आयारवत्थु, उक्कोसेणं नव पुव्वाइं अहिज्जेज्जा।
बउसे0 पुच्छा। गोयमा! जहन्नेणं अट्ठ पवयणमायाओ, उक्कोसेणं दस पुव्वाई अहिज्जेज्जा।
एवं पडिसेवणाकुसीले वि।
कसायकुसीले0 पुच्छा। गोयमा! जहन्नेणं अट्ठ पवयणमायाओ, उक्कोसेणं चोद्दस पुव्वाइं अहिज्जेज्जा।
एवं नियंठे वि। सिणाये0 पुच्छा। गोयमा! सुयवतिरिते होज्जा।
[९०८]पुलाए णं भंते! किं तित्थे होज्जा, अतित्थे होज्जा? गोयमा! तित्थे होज्जा, नो अतित्थे होज्जा।
एवं बउसे वि, पडिसेवणाकुसीले वि। कसायकुसीले0 पुच्छा। गोयमा! तित्थे वा होज्जा, अतित्थे वा होज्जा।
जति अतित्थे होज्जा किं तित्थयरे होज्जा, पत्तेयबुद्धे होज्जा? गोयमा! तित्थगरे वा होज्जा, पत्तेयबुद्धे वा होज्जा।
एवं नियंठे वि। एवं सिणाए वि।
[९०९]पुलाए णं भंते! किं सलिंगे होज्जा, अन्नलिंगे होज्जा, गिहिलंगे होज्जा? गोयमा! दव्वलिंगं पइच्च सलिंगे वा होज्जा, अन्नलिंगे वा होज्जा, गिहिलिंगे वा होज्जा। भावलिंगं पइच्च नियम सलिंगे होज्जा।
एवं जाव सिणाए।
[९१०]पुलाए णं भंते! कतिसु सरीरेसु होज्जा? गोयमा! तिसु ओरालिय-तेया-कम्मएसु होज्जा।
बउसे णं भंते!0 पुच्छा। गोयमा! तिसु वा चतुसु वा होज्जा। तिसु होमाणे तिसु ओरालियतेया-कम्मएसु होज्जा, चउसु होमाणे चउसु ओरालिय-वेठव्विय-तेया-कम्मएसु होज्जा।
एवं पडिसेवणाकुसीले वि।
कसायकुसीले0 पुच्छा। गोयमा! तिसु वा चतुसु वा पंचसु वा होज्जा। तिसु होमाणे तिसु ओरालिय-तेया-कम्मएसु होज्जा, चउसु होमाणे चउसु ओरालिय-वेठव्विय-तेया-कम्मएसु होज्जा, पंचसु होमाणे पंचसु ओरालिय-वेठब्विय-आहारग-तेयग-कम्मएसु होज्जा।
णियंठे सिणाते य जहा पुलाओ।
[९११]पुलाए णं भंते! किं कम्मभूमीए होज्जा, अकम्मभूमीए होज्जा? गोयमा! जम्मणसंतिभावं पडुच्च कम्मभूमीए होज्जा, नो अकम्मभूमीए होज्जा।
बउसे णं0 पुच्छा। गोयमा! जम्मण-संतिभावं पडुच्च कम्मभूमीए होज्जा, नो अकम्मभूमीए होज्जा। साहरणं पडुच्च कम्मभूमीए वा होज्जा, अकम्मभूमीए वा होज्जा।
[दीपरत्नसागर संशोधितः]
[479]
[५-भगवई
