________________
सतं-२५, वग्गो- ,सत्तंसत्तं- , उद्देसो-६
गोयमा! नो इत्थिवेयए होज्जा, पुरिसवेयए होज्जा, पुरिसनपुंसगवेयए वा होज्जा।
बउसे णं भंते! किं सवेयए होज्जा, अवेयए होज्जा? गोयमा! सवेदए होज्जा, नो अवेदए होज्जा।
जइ सवेयए होज्जा किं इत्थिवेयए होज्जा, परिसवेयए होज्जा, परिसनपंसगवेयए होज्जा? गोयमा! इत्थिवेदए वा होज्जा, परिसवेयए वा होज्जा, परिसनपुंसगवेयए वा होज्जा।
एवं पडिसेवणाकुसीले वि। कसायकुसीले णं भंते! किं सवेयए0 पुच्छा। गोयमा! सवेयए वा होज्जा, अवेयए वा होज्जा।
जइ अवेयए किं उवसंतवेयए, खीणवेयए होज्जा? गोयमा! उवसंतवेयए वा, खीणवेयए वा होज्जा।
जति सवेयए होज्जा किं इत्थिवेदए होज्जा0 पुच्छा। गोयमा! तिसु वि जहा बसो। णियंठे णं भंते! किं सवेयए0 पुच्छा। गोयमा! नो सवेयए होज्जा, अवेदए होज्जा।
जइ अवेयए होज्जा किं उवसंत0 पुच्छा। गोयमा! उवसंतवेयए वा होज्जा, खीणवेयए वा होज्जा।
सिणाए णं भंते! किं सवेयए होज्जा0? जहा नियंठे तहा सिणाए वि, नवरं नो उवसंतवेयए होज्जा, खीणवेयए होज्जा।
[९०२पुलाए णं भंते! किं सरागे होज्जा, वीयरागे होज्जा? गोयमा! सरागे होज्जा, नो वीयरागे होज्जा।
एवं जाव कसायकुसीले। णियंठे णं भंते! किं सरागे होज्जा0 पुच्छा। गोयमा! नो सरागे होज्जा, वीयरागे होज्जा।
जइ वीयरागे होज्जा किं उवसंतकसायवीयरागे होज्जा, खीणकसायवीयरागे? गोयमा! उवसंतकसायवीतरागे वा होज्जा, खीणकसायवीतरागे वा होज्जा।।
सिणाए एवं चेव, नवरं नो उवसंतकसायवीयरागे होज्जा, खीणकसायवीयरागे होज्जा।
[९०३]पुलाए णं भंते! किं ठियकप्पे होज्जा, अठियकप्पे होज्जा? गोयमा! ठियकप्पे वा होज्जा, अठियकप्पे वा होज्जा।
एवं जाव सिणाए।
पुलाए णं भंते! किं जिणकप्पे होज्जा, थेरकप्पे होज्जा, कप्पातीते होज्जा? गोयमा! नो जिणकप्पे होज्जा, थेरकप्पे होज्जा, नो कप्पातीते होज्जा।
बठसे णं0 पुच्छा। गोयमा! जिणकप्पे वा होज्जा, थेरकप्पे वा होज्जा, नो कप्पातीते होज्जा। एवं पडिसेवणाकुसीले वि।
कसायक्सीले णं0 पुच्छा। गोयमा! जिणकप्पे वा होज्जा, थेरकप्पे वा होज्जा, कप्पातीते वा होज्जा।
नियंठे णं0 पुच्छा। गोयमा! नो जिणकप्पे होज्जा, नो थेरकप्पे होज्जा, कप्पातीते होज्जा। एवं सिणाए वि। [९०४]पुलाए णं भंते! किं सामाइयसंजमे होज्जा, छेदोवट्ठावणियसंजमे होज्जा,
[दीपरत्नसागर संशोधितः]
[477]
[५-भगवई
