Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 468

सतं-२५ , वग्गो- ,सत्तंसत्तं- , उद्देसो-४
विसेसाहिया वा? गोयमा! सव्वत्थोवा एगगुणकक्खडा पोग्गला दव्वट्ठयाए, संखेज्जगुणकक्खडा पोग्गला दव्वट्ठयाए संखेज्जगुणा, असंखेज्जगुणकक्खडा पोग्गला दव्वट्ठयाए असंखेज्जगुणा, अणंतगुणकक्खडा पोग्गला दव्वट्ठयाए अणंतगुणा। पएसठ्ठयाए एवं चेव, नवरं संखेज्जगुणकक्खडा पोग्गला पएसट्ठयाए असंखेज्जगुणा, सेसं तं चेव। दव्वट्ठपएसट्ठयाए--सव्वत्थोवा एगगुणकक्खडा पोग्गला दव्वट्ठपएसटायाए, संखेज्जगुणकक्खडा पोग्गला दव्वट्ठयाए संखेज्जगुणा, ते चेव पएसठ्ठयाए संखेज्जगुणा, असंखेज्जगुणकक्खडा दव्वट्ठयाए असंखेज्जगुणा, ते चेव पएसट्ठयाए असंखेज्जगुणा। अणंतगुणकक्खडा दव्वट्ठयाए अणंतगुणा, ते चेव पएसट्ठयाए अणंतगुणा।
एवं मठय-गरुय-लह्याण वि अप्पाबडं। सीय-उसिण-निद्ध-लुक्खाणं जहा वण्णाणं तहेव।
[८८९]परमाणुपोग्गले णं भंते! दव्वट्ठताए किं कडजुम्मे, तेयोए, दावर0, कलियोगे? गोयमा! नो कडजुम्मे, नो तेयोए, नो दावर0, कलियोए।
एवं जाव अणंतपएसिए खंधे।
परमाणुपोग्गला णं भंते! दव्वट्ठयाए किं कडजुम्मा0 पुच्छा। गोयमा! ओघादेसेणं सिय कडजुम्मा जाव सिय कलियोगा। विहाणादेसेणं नो कडजुम्मा, नो तेयोगा, नो दावर0, कलियोगा।
एवं जाव अणंतपएसिया खंधा।
परमाणुपोग्गले णं भंते! पदेसठ्ठयाए किं कडजुम्मे0 पुच्छा। गोयमा! नो कडजुम्मे, नो तेयोगे, नो दावर0, कलियोए।
दुपएसिए पुच्छा। गोयमा! नो कड0, नो तेयोए, दावर0, नो कलियोगे। तिपएसिए पुच्छा। गोयमा! नो कडजुम्मे, तेयोए, नो दावर0, नो कलियोए। चठप्पएसिए पुच्छा। गोयमा! कडजुम्मे, नो तेयोए, नो दावर0, नो कलियोए। पंचपदेसिए जहा परमाणुपोग्गले। छप्पदेसिए जहा दुपदेसिए। सत्तपदेसिए जहा तिपदेसिए। अट्ठपएसिए जहा चउपदेसिए। नवपदेसिए जहा परमाणुपोग्गले। दसपदेसिए जहा दुपदेसिए। संखेज्जपएसिए णं भंते! पोग्गले पुच्छा। गोयमा! सिय कडजुम्मे, जाव सिय कलियोगे। एवं असंखेज्जपदेसिए वि, अणंतपदेसिए वि।
परमाणुपोग्गला णं भंते! पएसट्ठताए किं कड0 पुच्छा। गोयमा! ओघादेसेणं सिय कडजुम्मा जाव सिय कलियोगा; विहाणादेसेणं नो कडजुम्मा, नो तेयोया, नो दावर0, कलियोगा।
दुप्पएसिया णं0 पुच्छा। गोयमा! ओघादेसेणं सिय कडजुम्मा, नो तेयोया, सिय दावरजुम्मा, नो कलियोगा; विहाणादेसेणं नो कडजुम्मा, नो तेयोया, दावरजुम्मा, नो कलियोगा।
तिपएसिया णं0 पुच्छा। गोयमा! ओघादेसेणं सिय कडजुम्मा जाव सिय कलियोगा; विहाणादेसेणं नो कडजुम्मा, तेयोगा, नो दावरजुम्मा, नो कलियोगा।
[दीपरत्नसागर संशोधितः]
[467]
[५-भगवई