Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 417

सतं-२४, वग्गो - ,सत्तंसत्तं- , उद्देसो-१
[] चळवीसतिमं सयं []
[८३५] उववाय परीमाणं संघयणुच्चत्तमेव संठाणं।
लेस्सा दिट्ठी णाणे अण्णाणे जोग उवओगे।। [८३६] सण्णा कसाय इंदिय समग्घाए वेदणा य वेदे य।
आउं अज्झवसाणा अणुबंधो कायसंवेहो । [८३७] जीवपए जीवपए जीवाणं दंडगम्मि उद्देसो। चठवीसतिमम्मि सए चठवीसं होंति उद्देसा ।।
पढमो उद्देसो 0 [८३८] रायगिहे जाव एवं वदासि
नेरइया णं भंते! कओहिंतो उववज्जंति? किं नेरइएहिंतो उववज्जंति, तिरिक्खजोणिएहितो उववज्जंति, मणुस्सेहिंतो उववज्जंति, देवेहिंतो उववज्जति? गोयमा! नो नेरइएहिंतो उववज्जंति, तिरिक्खजोणिएहिंतो वि उववज्जंति, मणुस्सेहिंतो वि उववज्जंति, नो देवेहिंतो उववज्जति।
जति तिरिक्खजोणिएहिंतो उववज्जति किं एगिदियतिरिक्खजोणिएहिंतो उववज्जंति, बेइंदिय तिरिक्ख0, तेइंदियतिरिक्ख०, चरिंदियतिरिक्ख०, पंचेंदियतिरिक्खजोणिएहिंतो उववज्जंति? गोयमा! नो एगिदियतिरिक्खजोणिएहिंतो उववज्जंति, नो बेइंदिय०, नो तेइंदिया, नो चरिंदिय०, पंचेंदियतिरिक्खजोणिएहिंतो उववज्जंति।
जति पंचेंदिय-तिरिक्खजोणिएहिंतो उववज्जति किं सन्निपंचेंदिय-तिरिक्खजोणिएहितो उववज्जंति, असन्निपंचेंदियतिरिक्खजोणिएहिंतो उववज्जंति? गोयमा! सन्निपंचेंदियतिरिक्खजोणिएहितो वि उववज्जंति, असन्निपंचेंदियतिरिक्खजोणिएहिंतो वि उववज्जंति।
जति सन्निपचेदियतिरिक्खजोणिएहिंतो उववज्जति किं जलचरेहिंतो उववज्जंति, थलचरेहिंतो उववज्जंति, खहचरेहिंतो उववज्जंति? गोयमा! जलचरेहिंतो वि उववज्जंति, थलचरेहिंतो वि उववज्जंति, खहचरेहिंतो वि उववज्जंति।
जति जलचर-थलचर-खहचरेहिंतो उववज्जति किं पज्जत्तएहिंतो उववज्जंति, अपज्जतएहितो उववज्जंति? गोयमा! पज्जत्तएहिंतो उववज्जंति, नो अपज्जत्तएहिंतो उववज्जंति।
पज्जताअसन्निपंचेंदियतिरिक्खजोणिए णं भंते! जे भविए नेरइएसु उववज्जित्तए से णं भंते! कतिसु पुढवीसु उववज्जेज्जा? गोयमा! एगाए रयणप्पभाए पुढवीए उववज्जेज्जा।
पज्जत्ता असन्नि पंचेंदिय-तिरिक्खजोणिए णं भंते ! जे भविए रयणप्पभापुढविनेरइएस् उववज्जित्तए से णं भंते! केवतिकालट्ठितीएसु उववज्जेज्जा ? गोयमा ! जहन्नेणं दसवाससहस्सद्रुितीएसु,
उक्कोसेणं पलिओवमस्स असंखेज्जतिभागठ्ठितीएसु उववज्जेज्जा।
ते णं भंते! जीवा एगसमएणं केवतिया उववज्जति? गोयमा! जहन्नेणं एक्को वा दो वा तिन्नि वा, उक्कोसेणं संखेज्जा वा, असंखेज्जा वा उववज्जंति।
तेसि णं भंते! जीवाणं सरीरगा किंसंघयणा पन्नता? गोयमा! सेवा संघयणा पन्नता।
तेसि णं भंते! जीवाणं केमहालिया सरीरोगाहणा पन्नता? गोयमा! जहन्नेणं अंगुलस्स दीपरत्नसागर संशोधितः]
[416]
[५-भगवई]