________________
सतं-२१, वग्गो -८ ,सत्तंसत्तं- , उद्देसो-/१-१०
एवं एएसु अट्ठसु वग्गेसु असीतिं उद्देसगा भवंति।
___०-एगवीसतिमं सयं समत्तं० मुनि दीपरत्नसागरेण संशोधितः सम्पादित्तश्च एगवीसतिमं सतं समत्तं .
[] बावीसइमं सयं []
[८२२] तालेगट्ठिय बहुबीयगा य गुच्छा य गुम्म वल्ली य। छ दसवग्गा एए सळिं पुण होंति उद्देसा ।।
पढमो वग्गो [८२३] रायगिहे जाव एवं वयासि
अह भंते! ताल-तमाल-तक्कलि-तेतलि-साल-सरलासारगल्लाणं जाव केयति-कयलि-कंदलिचम्मरुक्ख-गुंतरुक्ख-हिंगुरुक्ख-लवंगरुक्ख-पूयफलि-खज्जूरि-नालिएरीणं, एएसि णं जे जीवा मूलत्ताए वक्कमंति ते णं भंते! जीवा कओहिंतो उववज्जति?0 एवं एत्थ वि मूलाईया दस उद्देसगा कायव्वा जहेव सालीणं, नवरं इमं नाणत्तं--मूले कंदे खंधे तयाए साले य, एएसु पंचसु उद्देसगेसु देवो न उववज्जति; तिण्णि लेसाओ; ठिती जहन्नेणं अंतोमुहुतं, उक्कोसेणं दसवाससहस्साइं; उवरिल्लेसु पंचसु उद्देसएसु देवो उववज्जति; चत्तारि लेसाओ; ठिती जहन्नेणं अंतोमुहत्तं, उक्कोसेणं वासपुहत्तं; ओगाहणा मूले कंदे धणुपुहत्तं, खंधे तयाए साले य गाउयपुहत्तं, पवाले पत्ते य धणुपुहत्तं, पुप्फे हत्थपुहत्तं, फले बीए य अंगुलपुहत्तं; सव्वेसिं जहन्नेणं अंगुलस्स असंखेज्जइभाग। सेसं जहा सालीणं। एवं एए दस उद्देसगा।
|| बावीसइमे सते पढमो वग्गो समत्तो ||
बितिओ वग्गो [८२४] अह भंते! निबंब-जंब-कोसंब-ताल-अंकोल्ल-पीलु-सेलु-सल्लइ-मोयइ-मालुय-बउलपलास-करंज-पुत्तंजीवग-sरिट्ठ-विहेलग-हरियग-भल्लाय-उंबरिय-खीरणि-धायइ-पियाल-पूइय-णिवाग-सेण्हणपासिय-सीसव-अयसि-पुन्नाग-नागरुक्ख-सीवण्णि-असोगाणं, एएसि णं जे जीवा मूलत्ताए वक्कमंति0? एवं मूलाईया दस उद्देसगा कायव्वा निरवसेसं जहा तालवग्गे।
|| बावीसइमे सते बीइओ वग्गो समतो ।।
तइओ वग्गो
[८२५]अह भंते अत्थिय-तेंद्य-बोर-कविट्ठ-अंबाडग-माउलुंग-बिल्ल-आमलग-फणस दाडिम आसोट्ठ-उंबर-वड-णग्गोह-नंदिरुक्ख-पिप्पलि-सतर-पिलक्खु- रुक्ख-काउंबरिय-कुत्थंभरिय-देवदालि-तिलगलठय-छत्तोह-सिरीस-सत्तिवण्ण-दधि-वण्ण-लोद्ध-धव-चंदण-अज्जुण-णीव-कुडग-कलंबाणं, एएसि णं जे जीवा मूलताए वक्कमंति ते णं भंते!0? एवं एत्थ वि मूलाईया दस उद्देसगा तालवग्गसरिसा नेयव्वा जाव बीयं।
|| बावीसइमे सते तइओ वग्गो समतो ।।
[दीपरत्नसागर संशोधितः]
[413]
[५-भगवई
