Agam 05 Bhagavai Panchamam Angsuttam Mulam PDF File

SR No.: 003709
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 565
Language: Prakrit
Classification: Book_Devnagari, Agam, Canon, Agam 05, & agam_bhagwati
File Size: 5 MB

Page 396

सतं-२०, वग्गो - ,सत्तंसत्तं- , उद्देसो-५
चत्तालीसं भंगा ४०। जति चठवण्णे-सिय कालए य, नीलए य, लोहियए य, हालिद्दए य १; सिय कालए य, नीलए य, लोहियए य, सुक्किलए य २; सिय कालए य, नीलए य, हालिद्दए य, सुक्किलए य ३; सिय कालए य, लोहियए य, हालिद्दए य, सुक्किलए य ४; सिय नीलए य, लोहियए य, हालिद्दए य, सुक्किलए य; एवमेते चठक्कगसंजोए पंच भंगा। एए सव्वे नउइभंगा।
जदि एगगंधे--सिय सुब्भिगंधे १, सिय दुब्भिगंधे २। जदि दुगंधे--सिय सुब्भिगंधे य, सिय दुब्भिगंधे य।
रसा जहा वण्णा।
जइ दुफासे-जहेव परमाणुपोग्गले ४। जइ तिफासे-सव्वे सीते, देसे निद्धे, देसे लुक्खे १; सव्वे सीए, देसे निद्धे, देसा लुक्खा २; सव्वे सीए, देसा निद्धा, देसे लुक्खे ३; सव्वे सीए, देसा निद्धा, देसा लुक्खा ४| सव्वे उसिणे, देसे निद्धे, देसे लुक्खे, एवं भंगा ४ सव्वे निद्धे, देसे सीए, देसे उसिणे ४। सव्वे लुक्खे, देसे सीए, देसे उसिणे ४। एए तिफासे सोलसभंगा। जति चळफासे--देसे सीए, देसे उसिणे, देसे निद्धे, देसे लुक्खे; देसे सीए, देसे उसिणे, देसे निद्धे, देसा लुक्खा; देसे सीए, देसे उसिणे, देसा निद्धा, देसे लुक्खे; देसे सीए, देसे उसिणे, देसा निद्धा, देसा लुक्खा; देसे सीए, देसा उसिणा, देसे निद्धे, देसे लुक्खे; देसे सीए, देसा उसिणा, देसे निद्धे, देसा लुक्खा; देसे सीए, देसा उसिणा, देसा निद्धा, देसे लुक्खे; देसे सीए, देसा उसिणा, देसा निद्धा, देसा लुक्खा। देसा सीया, देसे उसिणे, देसे निद्धे, देसे लक्खे ९
एवं एए चउफासे सोलस भंगा भाणियव्वा जाव देसा सीया, देसा उसिणा, देसा निद्धा, देसा लुक्खा। सव्वेते फासेसु छत्तीसं भंगा।
पंचपदेसिए णं भंते! खंधे कतिवण्णे? जहा अट्ठारसमसए जाव सिय चउफासे पन्नते। जति एगवण्णे, एगवण्ण दुवण्णा जहेव चउपदेसिए। जति तिवण्णे--सिय कालए य, नीलए य, लोहियए य १; सिय कालए य, नीलए य, लोहियगा य २; सिय कालए य, नीलगा य, लोहियए य ३; सिय कालए य; नीलगा य, लोहियगा य ४; सिय कालगा य, नीलए य, लोहियए य ५; सिय कालगा य, नीलए य, लोहियगा य ६; सिय कालगा य, नीलगा य, लोहियए य ७। सिय कालए य, नीलए य, हालिद्दए य, एत्थ वि सत्त भंगा ७। एवं कालग-नीलग-सुक्किलएसु सत भंगा ७; कालग-लोहिय-हालिद्देसु ७; कालग-लोहिय-सुक्किलेसु ७; कालगहालिद्द-सुक्किलेसु ७; नीलग-लोहिय-हालिद्देसु ७; नीलग-लोहिय-सुक्किलेसु सत्त भंगा ७; नीलगहालिद्द-सुक्किलेसु ७; लोहिय-हालिद्द-सुक्किलेसु वि सत्त भंगा ७; नीलग-हालिद्द-सुक्किलेसु ७; लोहियहालिद्द-सुक्किलेस वि सत्त भंगा ७; एवमेते तियासंजोएण सत्तरि भंगा। जति चउवण्णे--सिय कालए य, नीलए य, लोहियए य, हालिद्दए य १; सिय कालए य, नीलए य, लोहियए य, हालिद्दगा य २; सिय कालए य, नीलए य, लोहियगा य, हालिद्दगे य ३; सिय कालए य, नीलगा य, लोहियगे य, हालिद्दए य ४; सिय कालगा य, नीलए य, लोहियगे य, हालिद्दए य ५--एए पंच भंगा; सिय कालए य, नीलए य, लोहियए य, सुक्किलए य-एत्थ वि पंच भंगा; एवं कालग-नीलग-हालिद्द-सुक्किलेसु वि पंच भंगा; कालग-लोहिय-हालिद्द-सुक्किलएम वि पंच भंगा ५; नीलग-लोहिय-हालिद्द-सुक्किलेसु वि पंच भंगा; एवमेते चठक्कगसंजोएणं पणुवीसं भंगा। जति पंचवण्णे--कालए य, नीलए य, लोहियए य, हालिद्दए य, सुक्किल्लए य--सव्वमेते एक्कग-द्यग-तियगचठक्कग-पंचगसंजोएणं ईयालं भंगसयं भवति।
गंधा जहा चउपएसियस्स। रसा जहा वण्णा।
[दीपरत्नसागर संशोधितः]
[395]
[५-भगवई