Page Text
________________
सतं-१, वग्गो- ,सतंसतं- , उद्देसो-३
सेवं भंते! सेवं भंते!.।
•पढमे सते ततिओ डेसो समतोल
0 चउत्थो उद्देसो 0 [४६] कति णं भंते! कम्मपगडीओ पण्णताओ? गोतमा! अट्ठ कम्मपगडीओ पण्णताओ। कम्मपगडीए पढमो उद्देसो नेतव्वो जाव अणुभागो सम्मत्तो।
[४७] कति पगडी? कह बंधइ? कतिहिं व ठाणेहिं बंधती पगडी? |
कति वेदेति व पगडी? अणुभागो कतिविहो कस्स? ||
[४८] जीवे णं भंते! मोहणिज्जेणं कडेणं कम्मेणं उदिण्णेणं उवट्ठाएज्जा? हंता, उवट्ठाएज्जा।
से भंते! किं वीरियत्ताए उवट्ठाएज्जा? अवीरियताए उवट्ठाएज्जा? गोतमा! वीरियत्ताए उवट्ठाएज्जा, नो अवीरियत्ताए उवट्ठाएज्जा।
जदि वीरियत्ताए उवट्ठाएज्जा किं बालवीरियत्ताए उवट्ठाएज्जा? पंडितवीरियताए उवट्ठाएज्जा? बाल-पंडितवीरियताए उवट्ठाएज्जा? गोयमा! बालवीरियत्ताए उवट्ठाएज्जा, णो पंडितवीरियत्ताए उवट्ठाएज्जा, नो बाल-पंडितवीरियत्ताए उवट्ठाएज्जा।
जीवे णं भंते! मोहणिज्जेणं कडेणं कम्मेणं उदिण्णेणं अवक्कमेज्जा? हंता, अवक्कमेज्जा। से भंते! जाव बालपंडियवीरियत्ताए अवक्कमेज्जा ३?
गोयमा! बालवीरियत्ताए अवक्कमेज्जा, नो पंडियवीरियत्ताए अवक्कमेज्जा, सिय बालपंडियवीरियत्ताए अवक्कमेज्जा।
जधा उदिण्णेणं दो आलावगा तथा उवसंतेण वि दो आलावगा भाणियव्वा। नवरं उवट्ठाएज्जा पंडियवीरियताए, अवक्कमेज्जा बाल-पंडियवीरियताए।
से भंते! किं आताए अवक्कमइ? अणाताए अवक्कमइ? गोयमा! आताए अवक्कमइ, णो अणाताए अवक्कमइ; मोहणिज्जं कम्मं वेदेमाणे।
से कहमेयं भंते! एवं? गोतमा! पुट्विं से एतं एवं रोयति इदाणिं से एयं एवं नो रोयइ, एवं खलु एतं एवं।
[४९] से नूणं भंते! नेरइयस्स वा, तिरिक्खजोणियस्स वा, मणूसस्स वा, देवस्स वा जे कडे पावे कम्मे, नत्थि णं तस्स अवेदइत्ता मोक्खो? हंता, गोतमा! नेरइयस्स वा, तिरिक्खजोणियस्स वा, मणुस्सस्स वा, देवस्स वा जे कडे पावे कम्मे, नत्थि तस्स अवेदइत्ता मोक्खो। से केणढेणं भंते! एवं वुच्चति नेरइयस्स वा जाव मोक्खो? एवं खलु मए गोयमा! दुविहे कम्मे पण्णते, तं जहा-पदेसकम्मे य, अणुभागकम्मे य। तत्थ णं जं तं पदेसकम्मं तं नियमा वेदेति, तत्थ णं जं तं अमुभागकम्मं तं अत्थेगइयं वेदेति, अत्थेगइयं नो वेएइ। णायमेतं अरहता, सुतमेतं अरहता, विण्णायमेतं अरहता- इमं कम्म अयं जीवे अब्भोवगमियाए वेदणाए वेइस्सइ, इमं कम्म अयं जीवे उवक्कमियाए वेदणाए वेइस्सइ। अहाकम्म अधानिकरणं जधा जधा तं भगवता दिळं तधा तधा तं विप्परिणमिस्सतीति। से तेणढेणं गोतमा! नेरइयस्स वा ४ जाव मोक्खो।
[दीपरत्नसागर संशोधितः]
[15]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |