Page Text
________________
सतं-१, वग्गो- ,सतंसतं- , उद्देसो-२
नेरइया णं भंते ! सव्वे समकिरिया? गोयमा ! नो इणढे समठे। से केणठेणं? गोयमा !
नेरइया तिविहा पण्णता। तं जहा-सम्मद्दिट्ठी मिच्छादिट्ठी सम्मामिच्छद्दिट्ठी। तत्थ णं जे ते सम्मादिट्ठी तेसि णं चत्तारि किरियाओ पण्णत्ताओ, तं जहा-आरंभिया पारिग्गहिया मायावत्तिया अपच्चक्खाणकिरिया । तत्थ णं जे ते मिच्छादिट्ठी तेसि णं पंच किरियाओ कज्जंति, तं जहाआरंभइया जाव मिच्छादसणवत्तिया। एवं सम्मामिच्छादिट्ठीणं पि। से तेणठेणं गोयमा!०|
नेरइया णं भंते! सव्वे समाउया? सव्वे समोववन्नगा? गोयमा! णो इणठे समठे। से केणढेणं? गोयमा! नेरइया चठव्विहा पण्णता तं जहा-अत्थेगइया समाउया समोववन्नगा, अत्थेगइया समाउया विसमोववन्नगा, अत्थेगइया विसमाउया समोववन्नगा, अत्थेगइया विसमाउया विसमोववन्नगा । से तेणठेणं गोयमा।०।
असुरकुमारा णं भंते! सव्वे समाहारा? सव्वे समसरीरा? जधा नेरइया तधा भाणियव्वा। नवरं कम्म-वण्ण-लेसाओ परित्थल्लेयव्वाओपुव्वोववन्नगा महाकम्मतरागा, अविसुद्धवण्णतरागा, अविसुद्ध लेसतरागा। पच्छोववन्नगा पसत्था। सेसं तहेव।
एवं जाव थणियकुमारा। पुढविक्काइयाणं आहार-कम्म-वण्ण-लेसा जहा नेरइयाणं।
पुढविक्काइया णं भंते! सव्वे समवेदणा? हंता, समवेयणा। से केण ठेणं? गोयमा! पुढविकाइया सव्वे असण्णी असण्णिभूतं अणिदाए वेयणं वेदेति। से तेणढेणं०।
___पुढविक्काइया णं भंते! समकिरिया? हंता, समकिरिया। से केणढेणं? गोयमा! पुढविक्काइया सव्वे माईमिच्छादिट्ठी, ताणं नेयतियाओ पंच किरियाओ कज्जंति, तं जहा-आरंभिया जाव मिच्छादसणवत्तिया । से तेणठेणं० समकिरिया।
समाठया, समोववन्नगा जधा नेरइया तधा भाणियव्वा। जधा पुढविक्काइया तधा जाव चरिंदिया। पंचिंदियतिरिक्खजोणिया जहा नेरइया। नाणतं किरियास
पंचिंदियतिरिक्खजोणिया णं भंते! सव्वे समकिरिया? गो०! णो इणठे समठे। से केणट्ठएणं? गोयमा! पंचिदियतिरिक्खजोणिया तिविधा पण्णता। तं जहा-सम्मद्दिट्ठी, मिच्छादिट्ठी, सम्मामिच्छादिट्ठी! तत्थ णं जे ते सम्मद्दिट्ठी ते दुविहा पण्णता, तं जहा-अस्संजता य, संजताऽसंजता य। तत्थ णं जे ते संजताऽसंजता तेसि णं तिन्नि किरियाओ कज्जंति, तं जहा-आरंभिया पारिग्गहिया मायावत्तिया । असंजताणं चत्तारि। मिच्छादिट्ठीणं पंच। सम्मामिच्छादिट्ठीणं पंच।
मणुस्सा जहा नेरइया । नाणतं-जे महासरीरा ते वहतराए पोग्गले आहारेंति आहच्च आहारेंति। जे अप्पसरीरा ते अप्पतराए पोग्गले आहारेंति अभिक्खणं आहारेंति ।
सेसं जहा नेरइयाणं जाव वेयणा।
मणुस्सा णं भंते! सव्वे समकिरिया? गोणो इणठे समठे। से केणट्टेणं? मणुस्सा तिविहा पण्णत्ता। तं जहा-सम्मद्दिट्ठी मिच्छादिट्ठी सम्मामिच्छादिट्ठी। तत्थ णं जे ते सम्मद्दिट्ठी ते तिविधा पण्णत्ता, तं जहा-संजता अस्संजता संजतासंजता य। तत्थ णं जे ते संजता ते विहा पण्णता, तं जहासरागसंजता य वीतरागसंजता य। तत्थ णं जे ते वीतरागसंजता ते णं अकिरिया। तत्थ णं जे ते सराग
[दीपरत्नसागर संशोधितः]
[10]
[५-भगवई
| SR No. | 003709 |
| Book Title | Agam 05 Bhagavai Panchamam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 565 |
| Language | Prakrit |
| Classification | Book_Devnagari, Agam, Canon, Agam 05, & agam_bhagwati |
| File Size | 5 MB |