Page Text
________________
तीसा पण तेरसमे चोदसमे पन्नवीसाओ ।। [२३१] चत्तारि दुवालस अट्ठ चेव दस चेव चूलवत्थूणि ।
आतिल्लाण चउण्हं सेसाणं चुलिया नत्थि ।। [२३२] सेत्तं पव्वगए | से कि तं अनुओगे अनुओगे? दुविहे पन्नत्ते तं जहा- मूलपढमाणुओगे य गंडियाणुओगे
से किं तं मूलपढमाणुओगे? मूलपढमाणुओगे- एत्थ णं अरहंताणं भगवंताणं पुव्वभवा देवलोगगमणाणि आउं चवणाणि जम्मणाणि य अभिसेया रायवरसिरीओ सीयाओ पव्वज्जाओ तवा य भत्ता केवलनाणुप्पाता तित्थपवत्तणाणि य संघयणं संठाणं उच्चत्तं आउयं वण्णविभातो सीसा गणा गणहरा य अज्जा पवत्तिणीओ संघस्स चउव्विहस्स जं वावि परिमाणं जिण-मणपज्जव-ओहिनाणी सम्मत्त
सुयनापइण्णग समवाओ
णिणो य वाई अनुत्तरगई य चत्तिया जत्तिया सिद्धा पातोवगता य जे जहिं जत्तियाइं भत्ताइं छेयइत्ता अंतगडा मुनिवरुत्तमा तमरओध-विप्पमुक्का सिद्धिपहमनुत्तरं च पत्ता, एए अन्ने य एवमादी भावा मूलपढमाणुओगे कहिया आघविज्जति पन्नविज्जति परूविज्जंति दंसिज्जंति निदंसज्जंति उवदंसिज्जंति सेत्तं मूलपढमाणुओगे ।
से किं तं गंडियाणुओगे गंडियाणुओगे? अणेगविहे प० तं०- कुलगरगंडियाओ तित्थगरगंडियाओ गणधरगंडियाओ चक्कहरगंडियाओ दसारगंडियाओ बलदेवगंडियाओ वासदेवगंडियाओ हरिवंसगंडियाओ भद्दबाहगंडियाओ तवोकम्मंगडियाओ चित्तंतरगंडियाओ उस्सप्पिणीगंडियाओ ओसप्पिणगंडियाओ अमर-नर-तिरिय-निरय-गइ-गमण-विविह-परियट्टणाणओगे एवमाइयाओ गंडियाओ आघविज्जति पन्नविज्जंति परूविज्जंति दंसिज्जंति निदंसिज्जंति उवदंसिज्जंति, सेत्तं गंडियाणओगे |
से किं त्तं चूलियाओ? जं णं आइल्लाणं चउण्हं पुव्वाणं चूलियाओ, सेसाई पुव्वाई अचूलियाई, सेत्तं चूलियाओ, दिहिवायस्स णं परित्ता वायणा संखेज्जा अन्ओगदारा संखेज्जाओ पडिवत्तीओ संखेज्जा वेढा संखेज्जा सिलोगा संखेज्जाओ निज्जुत्तीओ संखेज्जाओ संगहणीओ।
___ से णं अंगठ्ठयाए बारसमे अंगे एगे सुयखंधे चोद्दस पुव्वइं संखेज्जा वत्थू संखेज्जा चूलवत्थु संखेज्जा पाहुडा संखेज्जा पाहुडपाहुडा संखेज्जाओ पाहुडियाओ संखेज्जाओ पाहुडपाडियाओ संखेज्जाणि पयसयसहस्साणि पयग्गेणं संखेज्जा अक्खरा अनंता गमा अनंता पज्जवा परित्ता तसा अनंता थावरा सासया कडा निबद्धा निकाइया जिणपन्नत्ता भावा आघविज्जंति पन्नविज्जंति परूविज्जंति दंसिज्जंति निदंसिज्जंति उवदंसिज्जंति, से एवं आया एवं नाया एवं विण्णाया एवं चरण-करण-परूवणया आघविज्जति पन्नविज्जति परूविज्जंति दंसिज्जति निदसिज्जति उवदंसिज्जति सेत्तं दिद्विवाए सेत्तं दुवालसंगे गणिपिडगे।
[२३३] इच्चेइयं वालसंगं गणिपिडगं अतीते काले अनंता जीवा आणाए विराहेत्ता चाउरतं संसारकंतारं अनुपरियटिंसु इच्चेतं दुवालसंगं गणिपिडगं पडुप्पण्णे काले परित्ता जीवा आणाए विराहेत्ता चाउरंतं संसारकंतारं अनुपरियटॅति इच्चेइयं दुवालसंगं गणिपिडगं अनागए काले अनंता जीवा आणाए विराहेत्ता चाउरंतं संसारकंतारं अनुपरियट्टिस्संति । [दीपरत्नसागर संशोधितः]
[65]
[४-समवाओ]
| SR No. | 003707 |
| Book Title | Agam 04 Samvao Chauttham Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 81 |
| Language | Prakrit |
| Classification | Book_Devnagari, Agam, Canon, Agam 04, & agam_samvayang |
| File Size | 2 MB |