Agam 04 Samvao Chauttham Angsuttam Mulam PDF File

SR No.: 003707
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 81
Language: Prakrit
Classification: Book_Devnagari, Agam, Canon, Agam 04, & agam_samvayang
File Size: 2 MB

Page 27

इमीसे णं रयणप्पभाए पढवीए अत्थेगइयाणं नेरइयाणं छव्वीसं पलिओवमाई ठिई पन्नत्ता, अहेसत्तमाए पुढवीए अत्थेगइयाणं नेरइयाणं छव्वीसं सागरोवमाई ठिई पन्नत्ता |
असुरकुमाराणं देवाणं अत्थेगइयाणं छव्वीसं पलिओवमाई ठिई पन्नत्ता ।
सोहम्मीसाणेस कप्पेस देवाणं अत्थगइयाणं छव्वीसं पलिओवमाई ठिई पन्नत्ता, मज्झिममज्झिमगेवेज्जयाणं देवाणं जहण्णेणं छव्वीसं सागरोवमाइं ठिई पन्नत्ता ।
जे देवा मज्झिम-हेट्ठिमगेवेज्जयविमाणेस देवत्ताए उववण्णा तेसि णं देवाणं उक्कोसेणं छव्वीसं सागरोवमाई ठिई पन्नत्ता ते णं देवा छव्वीसाए अद्धमासेहिं आणमंति वा पाणमंति वा ऊससंति वा नीससंति वा तेसि णं देवाणं छव्वीसाए वाससहस्सेहिं आहारट्ठे समप्पज्जइ ।
संतेगइया भवसिद्धिया जीवा जे छव्वीसाए भवग्गहणेहिं सिज्झिस्संति बज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ।
0 छव्वीसइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च छव्वीसइमो समवाओ समत्तो 0
0 सत्तावीसइमो-समवाओ 0 [६१] सत्तावीसं अणगारगणा पन्नत्ता तं जहा- पाणातिवायवेरमणे मसावायवेरमणे अदिन्ना-दाणवेररमणे मेहणवेरमणे परिग्गहवेरमणे सोइंदियनिग्गहे चक्खिंदियनिग्गहे घाणिंदियनिग्गहे जिभिदिय-निग्गहे फासिंदियनिग्गहे कोहविवेगे माणविवेगे मायाविगेगे लोभविवेगे भावसच्चे करणसच्चे जोगसच्चे खमा विरागता मणसमाहरणता वतिसमाहरणता कायसमाहरणता नाणसंपण्णया दंसणसंपण्णया
चरित्तसमवाओ-२७
संपण्णया वेयणअहियासणया मारणंतियअहियासणया ।
जंबुद्दीवे दीवे अभिइवज्जेहिं सत्तावीसाए नक्खत्तेहिं संववहारे वट्टति, एगमेगे णं नक्खत्तामासे सत्तावीसं राइंदियाई राइंदियग्गेणं प0 सोहम्मीसाणेसु कप्पेस विमाणपढवी सत्तावीसं जोयणसयाई बाहल्लेणं पन्नत्ता, वेयगसम्मत्तबंधोवरयस्स णं मोहणिज्जस्स कम्मस्स सत्तावीसं कम्मंसा संतकम्मा पन्नत्ता, सावण-सुद्ध-सत्तमीए णं सूरिए सत्तावीसंगलियं पोरिसिच्छायं निव्वत्तइत्ता णं दिवसंखेत्तं निवड्ढेमाणे रयणिखेत्तं अभिनिवडढेमाणे चारं चरइ ।।
इमीसे णं रयणप्पभाए पढवीए अत्थेगइयाणं नेरइयाणं सत्तावीसं पलिओवमाई ठिई प0 अहेसत्तमाए पुढवीए अत्थेगइयाणं नेरइयाणं सत्तावीसं सागरोवमाई ठिई पन्नत्ता ।
असुरकुमाराणं देवाणं अत्थेगइयाणं सत्तावीसं पलिओवमाइं ठिई पन्नत्ता |
सोहम्मीसाणेस् कप्पेस् अत्थेगइयाणं देवाणं सत्तावीसं पलिओवमाइं ठिई पन्नत्ता, मज्झिम-उवरिम-गेवेज्जयाणं देवाणं जहण्णेणं सत्तावीसं सागरोवमाई ठिई प० ।
जे देवा मज्झिम-मज्झिम-गेवेज्जयमाणेस देवत्ताए उववण्णा तेसि णं देवाणं उक्कोसेणं सत्तावीसं सागरोवमाई ठिई पन्नत्ता ते णं देवा सत्तावीसाए अद्धमासेहिं आणमंति वा पाणमंति वा ऊससंति वा नीससंति वा तेसि णं देवाणं सत्तावीसाए वाससहस्सेहिं आहारट्ठे समुप्पज्जइ ।
[दीपरत्नसागर संशोधितः]
[26]
[४-समवाओ]