Agam 04 Samvao Chauttham Angsuttam Mulam PDF File

SR No.: 003707
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 81
Language: Prakrit
Classification: Book_Devnagari, Agam, Canon, Agam 04, & agam_samvayang
File Size: 2 MB

Page 26

पढवीए पणवीसं निरयावासयसहस्सा पन्नत्ता, आयारस्स णं भगवओ सचूलियायस्स पणवीसं अज्झयणा पन्नत्ता ।
[१६] सत्थपरिण्णा लोग विजओ सीओसणीअ सम्मत्तं ।
आवंतिधुयविमोह उवहाणस्यं महपरिण्णा ।। [१७] पिंडेसण सिज्जिरिआ भासज्झयणा य वत्थ पाएसा ।
उग्गहपडिमा सत्तिक्क सत्तया भावणा विमुत्ती ।। [५८] निसीहज्झयण पणवीसइमं ।
[५९] मिच्छादिहिविगलिदिए णं अपज्जत्तए संकिलिट्ठपरिणामे नामस्स कम्मस्स पणवीस उत्तरपयडीओ निबंधति तं जहा- तिरियगतिनामं विगलिंदियजाति नामं ओरालियसरीरनामं तेअग-सरीनामं कम्मगसरीरनामं संठाणनामं ओरालियसरीररंगोवंगनाम सेवट्टसंगयणनामं वण्णनामं गंधनामं रसनामं फासनामं तिरियाणपव्विनामं अगरुयलयनामं उवघायनामं तसनामं बादरनामं अपज्जत्तयनामं पत्तेयसरीरनाम अथिरनामं असुभनामं दुभगनामं अणादेज्जनामं अजसोकित्तिनाम निम्माणनामं,
गंगा-सिंधूओ णं महानदीओ पणवीसं गाउयाणि पुहुत्तेणं दुहओ घडमुहपवित्तिएणं मुत्तावलि-हारसंठिएणं पवातेणं पडंति, रत्ता स्तवईओ णं महानदीओ पणवीसं गाऊयाणि पहत्तेणं मकरम्हपवित्तिएणं मुत्तावलिहारसंठिएणं पवातेणं पडंति, लोगबिंदुसारस्स णं पव्वयस्स पणवीसं वत्थू पन्नत्ता ।
इमीसे णं रयणप्पभाए पुढवीए अत्थेगइयाणं नेरइयाणं पणवीसं पलिओवमाइं ठिई पन्नत्ता, समवाओ-२५
अहेसत्तमाए पुढवीए अत्थेगइयाणं नेरइयाणं पणवीसं सागरोवमाइं ठिई पन्नत्ता ।
असुरकुमाराणं देवाणं अत्थेगइयाणं पणवीसं पलिओवमाइं ठिई पन्नत्ता
सोहम्मीसाणेस् कप्पेस देवाणं अत्थेगइयाणं पणवीसं पलिओवमाई ठिई पन्नत्ता मज्झिमहेट्ठिम-गेवेज्जाणं देवाणं जहण्णेणं पणवीसं सागरोवमाई ठिई पन्नत्ता ।
जे देवा हेहिम-उवरिम-गेवेज्जगविमाणेस् देवत्ताए उववण्णा तेसि णं देवाणं उक्कोसेणं पणवीसं सागरोवमाई ठिई पन्नत्ता ते णं देवा पणवीसाए अद्धमासेहिं आणमंति वा पाणमंति वा ऊससंति वा नीससंति वा तेसि णं देवाणं पणवीसाए वाससहस्सेहिं आहारट्ठे समप्पज्जइ ।।
संतेगइया भवसिद्धिया जीवा जे पणवीसाए भवग्गहणेहिं सिज्झिस्संति बज्झिस्संति मुच्चिस्संति परिनिव्वाइस्संति सव्वदुक्खाणमंतं करिस्संति ।
0 पणवीसइमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च पणवीसइमो समवाओ समत्तो 0
0 छव्वीसइमो-समवाओ 0 [६0] छव्वीसं दसा-कप्प-ववहाराणं उद्देसणकाला पन्नत्ता तं जहा- दस दसाणं छ कप्पस्स दस ववहारस्स, अभवसिद्धियाणं जीवाणं मोहणिज्जस्स कम्मस्स छव्वीसं कम्मंसा संतकम्मा पन्नत्ता तं जहा- मिच्छत्तमोहणिज्जं सोलस कसाया इत्थीवेदे परिसवेदे नपुंसकवेदे हासं अरतिरति भयं सोगो दुगूछा,
[दीपरत्नसागर संशोधितः]
[25]
[४-समवाओ]