Page Text
________________
इमीसे णं रयणप्पभाए पढवी बहसमरमणिज्जाओ भूमिभागाओ सातिरेगाइं सत्तरस जोयणसहस्साई उड्ढं उप्पतित्ता ततो पच्छा चारणाणं तिरियं गतिं पवत्तति चमरस्स णं अरिंदस्स असुर कुमार रण्णो तिगिंछिकूड़े उप्पायपव्वए सत्तरस एक्कवीसाइं जोयणसयाई उड्ढं उच्चत्तेणं पन्न्त्ते, बलिस्स णं वतिरोयणिंदस्स वतिरोयणरण्णो रूयगिंदे उप्पायपव्वए सत्तरस एक्कवीसाइं जोयणसयाई उड्ढं उच्चत्तेणं पन्नत्ते ।
सतरसविहे मरणे पन्नत्ते तं जहा- आवीईमरणे ओहिमरणे आयंतियमरणे वलायमरणे वसट्टमरणे अंतोसल्लमरणे तब्भवमरणे बालमरणे पंडितमरणे बालपंडितमरणे छउमत्थमरणे केवलिमरणे वेहासमरणे गिद्धपट्ठमरणे भत्तपच्चक्खाणमरणे इंगिणीमरणे पाओवगमणमरणे
सुहुमसंपराए णं भगव सुहुमसंपरायभावे वट्टमाणे सत्तरस कम्मपगडीओ निबंधति तं जहाआभिनिबोहियनाणावरणे सुयनाणावरणे ओहिनाणावरणे मणपज्जवनाणा वरणे केवलनाणावरणे चक्खुदंसमवाओ-१७
सणावरणे अचखुदंसणावरणे ओहीदंसणावरणे केवलदंसणावरणे सायावेयणिज्जं जसोकित्तिनामं उच्चागोयं दाणंतरायं लाभंतरायं भोगंतरायं उवभोगंतरायं वीरिअअंतरायं ।
इमीसे णं रयणप्पभाए पढवीए अत्थेगइयाणं नेरइयाणं सत्तरस पलिओवमाइं ठिई पन्नत्ता पंचमाए पुढवीए नेरइयाणं उक्कोसेणं सत्तरस सागरोवमाई ठिई पन्नत्ता, छट्ठी पुढवीए नेरइयाणं जहन्नेणं सत्तरस सागरोवमाइं ठिई पन्नत्ता |
असुरकुमाराणं देवाणं अत्थेगइयाणं सत्तरस पलिओवमाइं ठिई पन्नत्ता ।
सोहम्मीसाणेसु कप्पेसु अत्थेगइयाणं देवाणं सत्तरस पलिओवमाइं ठिई पन्नत्ता, महासुक्के कप्पे देवाणं उक्कोसेणं सत्तरस सागरोवमाई ठिई पन्नत्ता, सहस्सारे कप्पे देवाणं जहन्नेणं सत्तरस सागरोवमाई ठिई पन्नत्ता ।
जे देवा सामाणं सुसामाणं महासामाणं पउमं महापउमं कुमदं महाकुमदं नलिणं महानलिणं पोंडरीअं महापोंडरीअं सक्कं महासक्कं सीहं सीहोकंतं सीहवीअं भाविअं विमाणं देवत्ताए उववण्णा तेसिं णं देवाणं उक्कोसेणं सत्तरस सागरोवमाइं ठीई पन्नत्ता ते णं देवा सत्तरसहिं अद्धमासेहिं आणमंति वा पाणमंति वा ऊससंति वा नीससंति वा तेसि णं देवाणं सत्तरसहिं वाससहस्सेहिं आहारट्टे समप्पज्जइ ।
संतेगइया भवसिद्धिया जीवा जे सत्तरसहिं भवग्गहणेहिं सिज्झिस्संति बज्झिस्संति मुच्चिस्संति परिनिव्वाइस्संति सव्वदक्खाणमंतं करिस्संति ।
0 सतरसमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च सत्तरसमो समवाओ समत्तो 0
0 अद्वारसमो-समवाओ 0 [४३] अट्ठारसविहे बंभे पन्नत्ते तं जहा- ओरालिए कामभोगे नेव सयं मणेणं सेवइ नोवि अन्नं मणेणं सेवावेइ मणेणं सेवंतं पि अन्नं न समणुजाणाइ, ओरालिए कामभोगे नेव सयं वायाए सेवइ नोवि अन्नं वायाए सेवावेइ वायाए सेवंतं पि अन्नं न समाजाणाइ, ओरालिए कामभोगे नेव संय कायेणं सेवइ नोवि अन्नं कारणं सेवावेइ काएणं सेवंतं पि अन्नं न समणजाणाइ, दिव्वे कामभोगे नेव सयं मणेणं सेवइ नोवि अन्नं सेवावेइ मणेणं सेवंतं पि अन्नं न समजाणाइ, दिव्वे कामभोगे नेव सयं वायाए
[दीपरत्नसागर संशोधितः]
[18]
[४-समवाओ]
| SR No. | 003707 |
| Book Title | Agam 04 Samvao Chauttham Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 81 |
| Language | Prakrit |
| Classification | Book_Devnagari, Agam, Canon, Agam 04, & agam_samvayang |
| File Size | 2 MB |