Page Text
________________
मंदरस्स णं पव्वयस्स सोलस नामधेया पन्नत्ता (तं जहा)[३९] मंदर-मेरु-मनोरम सुदंसण सयंपभे य गिरिराया ।
रयणुच्च पियदंसण मज्झे लोगस्स नामी य ।। [४०] अत्थे य सूरियावत्ते सूरियावरणेत्ति य ।
उत्तरे य दिसाई य वडेंसे इअ सोलसमे ।। [४१] पासस्स णं अरहतो परिसादाणीयस्स सोलस समणासाहस्सीओ उक्कोसिआ समणसंपदा होत्था, आयप्पवायस्स णं पव्वस्स सोलस वत्थू पन्नत्ता, चमरबलीणं ओवारियालेणे सोलस जोयणसहस्साई आयामविक्खंभेणं पन्नत्ते, लवणे णं समुद्दे सोलस जोयणसहस्साई उस्सेहपरिवुड्ढीए पन्नत्ते समवाओ-१६
इमीसे णं रयणप्पभाए पढवीए अत्थेगइयाणं नेरइयाणं सोलस पलिओवमाई ठिई पन्नत्ता, पंचमाए पुढवीए अत्थेगइयाणं नेरइयाणं सोलस सागरोवमाई ठिई पन्नत्ता |
असुरकुमारणं देवाणं अत्थेगइयाणं सोलस पलिओवमाई ठिई पन्नत्ता |
सोहम्मीसाणेस् कप्पेस् अत्थेगइयाणं देवाणं सोलस पलिओवमाइं ठिई प0, महासक्के कप्पे देवाणं अत्थेगइयाणं सोलस सागरोवमाइं ठिई प0, जे देवा आवत्तं वियावत्तं नंदियावत्तं महामंदियावत्तं अंकुसं अंकसपलंबं भदं सुभदं महाभदं सव्वओभई भइत्तरवडेंसगं विमाणं देवत्ताए उववण्णा तेसि णं देवाणं उक्कोसेणं सोलस सागरोवमाई ठिई पन्नत्ता ते णं देवा सोलसण्हं अद्धमासाणं आणमंति वा पाणमंति वा ऊससंति वा नोससंति वा तेसि णं देवाणं सोलसवाससहस्सेहिं आहारट्टे समुप्पज्जइ
संतेगइआ भवसिद्धिआ जीवा जे सोलसहिं भवग्गहणेहिं सिज्झिस्संति बुज्झिस्संति मच्चिस्संति परिनिव्वाइस्संति सव्वदक्खाणं मंतं करिस्संति ।
0 सोलसमो समवाओ समत्तो 0 0 मुनि दीपरत्नसागरेण संशोधितः सम्पादित्तश्च सोलसमो समवाओ समत्तो 0
0 सत्तरसमो-समवाओ 0 [४२] सत्तरसविहे असंजमे प0 तं0- पढवीकायअसंजमे आउकायअसंजमे तेउकायअसंजमे वाउकायअसंजमे वणस्सइकायअसंजमे बेइंदियअसंजमे तेइंदियअसंजमे चउरिंदियअसंजमे पंचिदियअसंजमे अजीवकायअसंजमे पेहाअसंजमे उपेहाअसंजमे अवहट्टुअसंजमे अप्पमज्जणाअसंजमे मणअसंजमे वइअसंजमे कायअसंजमे |
सत्तरसविहे संजमे प0 तं0- पुढवीकायसंजमे जाव वणस्सइकायसंजमे बेइंदियसंजमे जाव पंचिंदियसंजमे, अजीवकायसंजमे पेहासंजमे उपेहासंजमे अवहट्टसंजम पमज्जणासंजमे मणसंजमे वइसंजमे कायसंजमे ।
माणुसुत्तरे णं पव्वए सत्तरस-एक्कवीसे जोयणसए उड्ढे उच्चत्तेणं पन्नत्ते सव्वेसिपि णं
लंधर-नागराईणं आवासपव्वया सत्तरस-एक्कावीसाइं जोयणसयाई उड्ढं उच्चत्तेणं पन्नत्ता, लवणे णं समुद्दे सत्तरस जोयणसहस्साइं सव्वग्गेणं पन्नत्ते ।
वेलंधरअनुवेलधर-नाग
[दीपरत्नसागर संशोधितः]
[17]
[४-समवाओ]
| SR No. | 003707 |
| Book Title | Agam 04 Samvao Chauttham Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 81 |
| Language | Prakrit |
| Classification | Book_Devnagari, Agam, Canon, Agam 04, & agam_samvayang |
| File Size | 2 MB |