Page Text
________________
ठाणं-२, उद्देसो- १
निज्जरा चेव ।
[५९] बंधे चेव मोक्खे चेव, पुण्णे चेव पावे चेव, आसवे चेव संवरे चेव, वेयणा चेव
[६०] दो किरियाओ पण्णत्ताओ तं जहा- जीवकिरिया चेव अजीवकिरिया चेव, जीवकिरिया दुविहा पण्णत्ता तं जहा सम्मत्तकिरिया चेव मिच्छत्तकिरिया चेव, अजीवकिरिया दुविहा पण्णत्ता तं जहा - इरियावहिया चेव संपराइगा चेव ।
दो किरियाओ पण्णत्ताओ तं जहा- काइया चेव आहिगरणिया चेव, काइया किरिया दुविहा पण्णत्ता तं जहा- अणुवरयकायकिरिया चेव दुपउत्तकायकिरिया चेव, आहिगरणिया किरिया दुविहा पण्णत्ता तं जहा- संजोयणाधिकरणिया चेव निव्वत्तणाधिकरणिया चेव ।
दो किरियाओ पण्णत्ताओ तं जहा- पाओसिया चेव पारियावणिया चेव, पाओसिया किरिया दुविहा पण्णत्ता तं जहा- जीवपाओसिया चेव अजीवपाओसिया चेव, पारियावणिया किरिया दुविहा पण्णत्ता तं जहा- सहत्थपारियावणिया चेव परहत्थपारियावणिया चेव ।
दो किरियाओ पण्णत्ताओ तं जहा- पाणातिवायकिरिया चेव अपच्चक्खाणकिरिया चेव, पाणातिवायकिरिया दुविहा पण्णत्ता तं जहा- सहत्थपाणातिवायकिरिया चेव परहत्थपाणातिवायकिरिया चेव, अपच्चक्खाणकिरिया दुविहा पण्णत्ता तं जहा- जीवअपच्चक्खाणकिरिया चेव अजीवअपच्चकअखाणकिरिया चेव ।
दो किरियाओ पण्णत्ताओ तं जहा- आरंभिया चेव पारिग्गहिया चेव, आरंभिया किरिया दुविहा पण्णत्ता तं जहा- जीवआरंभिया चेव अजीव आरंभिया चेव, पारिग्गहिया किरिया दुविहा पण्णत्ता तं जहा- जीवपारिग्गहिया चेव अजीवपारिग्गहिया चेव ।
दो किरियाओ पण्णत्ताओ तं जहा- मायावत्तिया चेव मिच्छादंसणवत्तिया चेव, मायावत्तिया किरिया दुविहा पण्णत्ता तं जहा - आयभाववंकणता चेव परभाव-वंकणता चेव, मिच्छादंसणवत्तिया किरिया दुविहा पण्णत्ता तं जहा- ऊणाइरियामिच्छादंसणवत्तिया तव्वइरित्तमिच्छादंसणवत्तिया चेव ।
चेव
दो किरियाओ पण्णत्ताओ तं जहा- दिट्ठिया चेव पुट्ठिया चेव, दिट्ठिया किरिया दुविहा पण्णत्ता तं जहा- जीवदिट्ठिया चेव अजीवदिट्ठिया चेव, पुट्ठिया किरिया दुविहा पण्णता तं जहा- जीवपुट्ठिया चेव अजीवपुट्ठिया चेव ।
दो किरियाओ पण्णत्ताओ तं जहा- पाडुच्चिया चेव सामंतोवणियाइया चेव, पाडुच्चिया किरिया दुविहा पन्नत्ता, तं जहा- जीव पाडुच्चिया चेव अजीव पाडुच्चिया चेव, एवं सामंतोवणियाइया वि
I
दो किरियाओ पण्णत्ताओ तं जहा- साहत्थिया चेव नेसत्थिया चेव, साहत्थिया किरिया दुविहा पण्णत्ता तं जहा- जीवसाहत्थिया चेव अजीवसाहत्थिया चेव, एवं नेसत्थिया वि,
दो किरियाओ पण्णत्ताओं तं जहा आणवणिया चेव वेयारणिया चेव, आणवणिया किरिया दुविहा पण्णत्ता तं जहा- जीवआणवणिया चेव अजीवआणवणिया चेव, एवं वेयारणिया वि ।
दो किरियाओ पण्णत्ताओ तं जहा- अनाभोगवत्तिया चेव अणवकंखवत्तिया चेव, अनाभोगवत्तिया किरिया दुविहा पण्णत्ता तं जहा- अनाउत्तआइयणता चेव अनाउत्तपमज्जणता चेव, [मुनि दीपरत्नसागर संशोधितः ] [ ३-ठाणं]
[6]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |