Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 37

[२०३] तहारूवं णं भंते समणं वा माहणं वा पज्जुवासमाणस्स किंफला पज्जुवासणया ? सवणफला, से णं भंते सवणे किंफले ? नाणफले, से णं भंते नाणे किंफले? विन्नाणफले । एवमेतेणं अभिलावेणं इमा गाथा अणुगंतव्वा । ठाणं ३, उद्देसो-३
[२०४] सवणे नाणे य विन्नाणे पच्क्खाणे य संजमे I अणण्हणे तवे चेव वोदाणे अकिरिय निव्वाणे ।।
जाव से णं भंते! अकिरिया किंफला ? निव्वाणफला, से णं भंते निव्वाणे किंफले? सिद्धिगइगमण-पज्जवसाण- फले पण्णत्ते समणाउसो ।
• तइए ठाणे तइओ उद्देसो समत्तो . 0 चउत्थो उद्देसो 0
[२०५] पडिमापडिवण्णस्स णं अणगारस्स कप्पंति तओ उवस्सया पडिलेहित्ताए तं जहाअहे आगमणगिहंसि वा अहे वियडगिहंसि वा अहे रुक्खमूलगिहंसि वा एवं अणुण्णवेत्तए, एवं उवाइणित्तए,
पडिमापडिवण्णस्स णं अणगारस्स कप्पंति तओ संथारगा पडिलेहित्तए तं जहा- पुढविसिला कट्ठसिला अहासंथडमेव, एवं अणुण्णवेत्तए, एवं उवाइणित ।
[२०६] तिविहे काले पण्णत्ते तं जहा - तीए पडुप्पण्ण अणागए, तिविहे समए पण्णत्ते तं जहा- तीए पडुप्पणे अणागए एवं आवलिया आणापाणू थोवे लवे मुहुत्ते अहोरत्ते जाव वाससतसहस्से पुव्वंगे पुव्वे जाव ओसप्पिणी तिविधे पोग्गलपरियट्टे पण्णत्ते तं जहा- तीते पडुप्पणे अाग । [२०७] तिविहे वयणे पण्णत्ते तं जहा- एगवयणे दुवयणे बहुवयणे, अहवा- तिविहे वय पण्णत्ते तं जहा- इत्थिवयणे पुंवयणे नपुंसगवयणे, अहवा- तिविहे वयणे पण्णत्ते तं जहा- तीतवणे पडुप्पण्णवयणे अणागयवयणे ।
[२०८] तिविहा पन्नवणा पन्नत्ता तं जहा- नाणपन्नवणा दंसणपन्नवणा चरित्तपन्नवणा तिविधे सम्मे पण्णत्ते तं जहा- नाणसम्मे दंसणसम्मे चरित्तसम्मे । तिविधे उवधाते पण्णत्ते तं जहाउग्गमोवघाते उप्पायणोवघाते एसणोवघाते । तिविधा विसोही पन्नत्ता तं जहा - उग्गमविसोही उप्पायणविसोही एसणाविसोही ।
[२०९] तिविहा आराहणा पन्नत्ता तं जहा - नाणाराहणा दंसणाराहणा चरित्ताराहणा । नाणाराहणा तिविहा पन्नत्ता तं जहा- उक्कोसा मज्झिमा जहण्णा, एवं दंसणाराहणा वि चरिताराहणावि
I
तिविधे संकिलेसे पण्णत्ते तं जहा- नाणसंकिलेसे दंसणसंकिलेसे चरित्तसंकिलेसे । एवं असंकिलेसे वि, एवं अइकम्मे वि, वइक्कमे वि, अइयारे वि अणायारे वि|
तिहमतिक्कमाणं आलोएज्जा पडिक्कमेज्जा निंदेज्जा गरहेज्जा जाव पडिवज्जेज्जा, तं जहा - नाणातिक्कमस्स दंसणातिक्कमस्स चरित्तातिक्कमस्स, एवं वइक्कमाणं, तिण्हमतिचाराणं, तिण्हमणायाराणं वि।
[२१०] तिविधे पायाच्छित्ते पण्णत्ते तं जहा- आलोयणारिहे पडिक्कमणारिहे तदुभयारिहे ।
[ मुनि दीपरत्नसागर संशोधितः ]
[36]
[३-ठाणं]