Page Text
________________
जंबुद्दीवे दीवे मंदरस्स पव्वयस्स उत्तर - दाहिणेणं हेमवत- हेरण्णवतेसु वासेसु दो वट्टवेयड्ढपव्वता पण्णत्ता-बहुसमतुल्ला अविसेसमणाणत्ता जाव सद्दावती चेव वियडावाती चेव, तत्थ णं दो देवा महिड्ढिया जाव पलिओवमद्वितीया परिवसंति तं जहा साती चेव पभासे चेव ।
जंबुद्दीवेदीवे मंदरस्स पव्वयस्स उत्तर- दाहिणेणं हरिवास-रम्मएसु वासेसु दो वट्टवेयड्ढपव्वया पण्णत्ता- बहुसमतुल्ला जाव तं जहा- गंधावाती चेव मालवंतपरियाए चेव, तत्थ णं दो देवा महिड्ढिया जाव पलिओवमद्वितीया परिवसंति तं जहा अरुणे चेव पउमे चेव ।
जंबुद्दीवे दीवे मंदरस्स पव्वयस्स दाहिणे णं देवकुराए कुराए पुव्वावरे पासे एत्थ णं आसक्खंधगसरिसा अद्धचंद-संठाण - संठिया दो वक्खारपव्वया पण्णत्ता बहुसमतुल्ला जाव तं जहा- सोमणसे चेव विज्जुप्पभे चेव ।
जंबुद्दीवे दीवे मंदरस्स पव्वयस्स उत्तरे णं उत्तरकुराए कुराए पुव्वावरे पासे एत्थ णं आसठाणं-२, उद्देसो-३
क्खंध-गसरिसा अद्धचंद-संठाण - संठिया दो वक्खारपव्वया पण्णत्ता - बहुसमतुल्ला जाव तं जहा- गंधमायणे
चेव मालवंते चेव ।
जंबुद्दीवे दीवे मंदरस्स पव्वयस्स उत्तर- दाहिणे णं दो दीहवेयड्ढपव्वया पण्णत्ताबहुसमतुल्ला जाव तं जहा- भारहे चेव दीहवेयड्ढे एरवते चेव दीहवेयड्ढे,
भारहे णं दीहवेयड्ढे दो गुहाओ पण्णत्ताओ- बहुसमतुल्लाओ अविसेसमणाणत्ताओ अण्णमण्णं णातिवट्टंति आयाम - विक्खंभुच्चत्त-संठाण-परिणाहेणं तं जहा- तिमिसगुहा चेव खंडगप्पवायगुहा चेव, तत्थ णं दो देवा महिड्ढिया जाव पलिओवमद्वितीया परिवसंति तं जहा कयमालए चेव नट्टमालए चेव, एरवए णं दीहवेयड्ढे दो गुहाओ पण्णत्ताओ जाव तं जहा- कयमालए चेव नट्टमालए चेव ।
जंबुद्दीवे दीवे मंदरस्स पव्वयस्स दाहिणेणं चुल्लहिमवंते वासहरपव्वए दो कूडा पण्णत्ताबहुसमतुल्ला जाव विक्खंभुच्चत्त-संठाणपरिणाहेणं, तं जहा- चुल्लहिमवंतकूडे चेव वेसमणकूडे चेव । जंबुद्दीवे दीवे मंदरस्स पव्वयस्स दाहिणे णं महाहिमवंते वासहरपव्वए दो कूडा पण्णत्ताबहुसमतुल्ला जाव तं जहा- महाहिमवंतकूडे चेव वेरुलियकूडे चेव, एवं निसढे वासहरपव्वए दो कूडा पण्णत्ता-बहुसमतुल्ला जाव तं जहा- निसढकूडे चेव रुयगप्पभे चेव ।
जंबुद्दीवे दीवे मंदरस्स पव्वयस्स उत्तरे णं नीलवंते वासहरपव्वए दो कूडा पण्णत्ताबहुसमतुल्ला जाव तं जहा- नीलवंतकूडे चेव उवदंसणकूडे चेव, एवं- रुप्पिमि वासहरपव्वए दो कूडा पण्णत्ता-बहुसमतुल्ला जाव तं जहा- रुप्पिकूडे चेव मणिकंचणकूडे चेव, एवं सिहरिंमि वासहरपव्वते दो कूडा पण्णत्ता-बहुसमतुल्ला जाव तं जहा- सिहरिकूडे चेव तिगिंछकूडे चेव ।
[८८] जंबुद्दीवे दीवे मंदरस्स पव्वयस्स उत्तर- दाहिणे णं चुल्लहिमवंत - सिहरीसु वासहर पव्वसु दो महद्दहा पण्णत्ता- बहुसमतुलला अविसेसमणाणत्ता अण्णमण्णं णातिवहंति आयाम - विक्खंभउव्वेह-संठाण-परिणाहेणं तं जहा- पउमद्दहे चेव पोंडरीयद्दहे चेव, तत्थ णं दो देवयाओ महिड्ढियाओ जाव पलिओवमद्वितीयाओ परिवसंति तं जहा- सिरी चेव लच्छी चेव, एवं महाहिमवंत - रुप्पीसु वासहरपव्वसु दो महद्दहा पण्णत्ता-बहुसमतुल्ला जाव तं जहा- महापउमद्दहे चेव महापोंडरीयद्दहे चेव, तत्थ णं दो देवयाओ हिरिच्चेव बुद्धिच्चेव, एवं निसढ - नीलवंतेसु तिगिंछद्दहे चेव केसरिद्दहे चेव, तत्थ णं दो देवताओ धिती व कित्ती चेव ।
[मुनि दीपरत्नसागर संशोधितः ]
[14]
[३-ठाणं]
| SR No. | 003705 |
| Book Title | Agam 03 Thanam Taiam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 141 |
| Language | Prakrit |
| Classification | Book_Devnagari, Agam, Canon, Agam 03, & agam_sthanang |
| File Size | 2 MB |