Agam 03 Thanam Taiam Angsuttam Mulam PDF File

SR No.: 003705
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 141
Language: Prakrit
Classification: Book_Devnagari, Agam, Canon, Agam 03, & agam_sthanang
File Size: 2 MB

Page 138

दीहदसाणं दस अज्झयणा पन्नत्ता तं जहा- चंदे, सूरे, य सुक्के, य सिरिदेवी, पभावती, दीवसमुद्दोववत्ती, बहूपुत्ती, मंदरेती, य थेरे संभूतिविजए, य थेरे पम्ह, ऊसासनीसासे,
संखेवियदसाणं दस अज्झयणा पन्नत्ता तं जहा- खुइडिया विमाणपविभत्ती, महल्लिया विमाणपविभत्ती, अंगलिया, वग्गलिया, विवाहचूलिया, अरुणोववाते, वरुणोववाते, गरुलोवावते, वेलंधरोववाते, वेसमणोववाते ।
[९७६] दस सागरोवमकोडाकोडीओ कालो ओसप्पिणीए,
दस सागरोवमकोडाकोडीओ कालो उस्सप्पिणीए |
[९७७] दसविधा नेरइया पन्नत्ता तं जहा- अनंतरोववण्णा परंपरोववण्णा अणंतरावगाढा परंपरावगाढा अणंतराहारगा परंपराहारगा अणंतरपज्जत्ता परंपरपज्जत्ता चरिमा अवरिमा, एवं-निरंतरं जाव वेमाणिया ।
चउत्थीए णं पंकप्पमाए पढवीए दस निरयावाससत-सहस्सा पन्नत्ता, रयणप्पभाए पढवीए जहन्नेणं नेरइयाणं दसवाससहस्साई ठिती पन्नत्ता, चउत्थीए णं पंकप्पभाए पुढवीए उक्कोसेणं नेरइयाणं दस सागरोवमाई ठिती पण्णता, पंचमाए णं घूमप्पभाए पुढवीए जहन्नेणं नेरइयाणं दस सागरोवमाइं ठिती पन्नत्ता,
असुरकुमाराणं जहन्नेणं दस वाससहहस्साई ठिती पन्नत्ता, एवं जाव थणियकुमाराणं बायरवणस्सतिकाइयाणं उक्कोसेणं दसवास-सहस्साई ठिती पन्नत्ता ।
वाणमंतराणं देवाणं जहन्नेणं दस वास-सहस्साई ठिती पन्नत्ता ।
बंभलोगे कप्पे उक्कोसेणं देवाणं दस सागरोवमाई ठिती पन्नत्ता, लंतए कप्पे देवाणं जहण्णेणं दस सागरोवमाइं ठिती पन्नत्ता ।
[९७८] दसहिं ठाणेहिं जीवा आगमेसिभद्दताए कम्मं पगरेंति, तं जहा- अनिदाणताए, दिद्विसंपण्णताए, जोगवाहिताए, खंतिखमणताए, जितिंदियताए, अमाइल्लताए, अपासत्थताए, सुसामण्णताए, पवयणवच्छल्लताए, पवयणउब्भावणताए ।
___ [९७९] दसविहे आसंसप्पओगे पन्नत्ता तं जहा- इहलोगासंसप्पओगे, परलोगासंसप्पओगे, दहओलोगासंसप्पओगे, जीवियासंसप्पओगे, मरणासंसप्पओगे, कामासंसप्पओगे, भोगासंसप्पओगे, लाभासंसप्पओगे, पूयासंसप्पओगे, सक्कारासंसप्पओगे ।
[९८०] दसविधे धम्मे पन्नत्ता तं जहा- गामधम्मे नगरधम्मे रद्दधम्मे पासंडधम्मे कुलधम्मे गणधम्मे संघधम्मे सुयधम्मे चरित्तधम्मे अत्थिकायधम्मे ।
[९८१] दस थेरा पन्नत्ता तं जहा- गामथेरा नगरथेरा रट्ठथेरा पसत्थथेरा कुलथेरा गणथेरा संघथेरा जातिथेरा सुअथेरा परियायथेरा ।
[९८२] दस पुत्ता पन्नत्ता तं जहा- अत्तए खेत्तए दिण्णते विण्णए उरसे मोहरे सोंडीरे संवुड्ढे उवयाइते धम्मंतेवासी । ठाणं-१०
[९८३] केवलिस्स णं दस अणुत्तरा पन्नत्ता तं जहा- अनुत्तरे नाणे, अनुत्तरे दंसणे, अनुत्तरे चरित्ते, अनुत्तरे तवे, अनुतरे वीरिए, अनुत्तरा खंती, अनुत्तरा मुत्ती, अनुत्तरे अज्जवे, अनुत्तरे मद्दवे अनुत्तरे लाघवे । [मुनि दीपरत्नसागर संशोधित:] [137]
[३-ठाणं]