Agam 02 Suyagado Bieiyam Angsuttam Mulam PDF File

SR No.: 003703
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 85
Language: Prakrit
Classification: Book_Devnagari, Agam, Canon, Agam 02, & agam_sutrakritang
File Size: 2 MB

Page 67

ते जीवा तेसिं नानाविहजोणियाणं उदगाणं सिनेहमाहारेंति, ते जीवा आहारेंति पढवीसरीरं जाव संतं, अवरेऽवि य णं तेसिं उदग जोणियाणं उदगाणं जाव पक्खलच्छिभगाणं सरीरा नानावण्णा जाव मक्खायं, एगो चेव आलावगो । सेसा तिन्नी नत्थि ।
अहावरं पुरक्खायं- इहेगइया सत्ता उदगजोणिया उदगसंभवा जाव कम्मनियाणेणं तत्थवक्कमा नानाविहजोणिएस् उदएस् रुक्खत्ताए विउटुंति, ते जीवा तेसिं नानाविहजोणियाणं उदगाणं सिनेहमाहारेंति- ते जीवा आहारेंति पढविसरीरं जाव संतं, अवरेऽवि य णं तेसिं उदगजोणियाणं रुक्खाणं सरीरा नानावण्णा जाव मक्खायं ।
[६८७] अहावरं पुरक्खायं इहेगतिया सत्ता तेसिं चेव पुढवीजोणिएहिं रुक्खेहिं रुक्खजोणिएहिं रुक्खेहिं रुक्खजोणिएहिं मूलेहिं जाव बीएहिं रुक्खजोणिएहिं अज्झारोहेहिं अज्झारोहजोणइएहिं अज्झारुहेहिं अज्झारोहजोणिएहिं मलेहिं जाव बीएहिं, पुढवीजोणिएहिं तणेहिं तणजोणिएहिं मूलेहिं जाव बीएहिं, पुढवी जोणिएहिं तणेहिं तणजोणिएहिं मलेहिं जाव बीएहिं एवं ओसहीहिवि तिन्नि आलावगा । एवं हरिएहिवि तिन्नि आलावगा ।
पुढवीजोणिएहि वि आएहिं काएहिं जाव करेहिं उदगजोणिएहिं रुक्खेहिं रुक्खजोणइएहिं रुक्खेहिं रुक्खजोणिएहिं मूलेहिं जाव बीएहिं एवं अज्झारुहेहिंवि तिन्नि तणेहिंपि तिन्नि आलावगा, ओसहीहिंपि तिन्नि, हरिएहिंपि तिन्नि, उदगजोणिएहिं उदएहिं अवएहिं जाव पक्खलच्छिभएहिं तसपाणत्ताए विउद॒ति
ते जीवा तेसिं पढवीजोणियाणं उदगजोणियाणं रुक्खजोणियाणं अज्झारोहजोणियाणं तणजोणियाणं ओसहीजोणियाणं हरियजोणियाणं रुक्खाणं अज्झारुहाणं तणाणं ओसहीणं हरियाणं मलाणं जाव बीयाणं आयाणं कायाणं जाव करवाणं उदगाणं अवगाणं जाव पक्खलच्छिभगाणं सिनेहमाहारेंति ।
ते जीवा आहारेंति पढवीसरीरं जाव संतं, अवरेऽवि य णं तेसिं रुक्खजोणियाणं अज्झारोहजोणियाणं तणजोणियाणं ओसहिजोणियाणं हरियजोणियाणं मूलजोणियाणं कंदजोणियाणं जाव बीयजोणियाणं आयजोणियाणं कायजोणियाणं जाव करजोणियाणं उदगजोणियाणं अवगजोणियाणं जाव पुक्खलच्छिभगजोणियाणं तसपाणाणं सरीरा नानावण्णा जाव मक्खायं ।
[६८८] अहावरं पुरक्खायं नानाविहाणं मनुस्साणं तं जहा- कम्मभूमगाणं अकम्मभूमगाणं अंतरदीवगाणं आरियाणं मिलक्खणं तेसिं च णं अहाबीएणं अहावगासेणं इत्थीए परिसस्स य कम्मकडाए
स्यक्खंधो-२, अज्झयणं-३, उद्देसो
जोणिए एत्थ णं मेहणवत्तियाए नामं संजोगे सम्प्पज्जइ ते दुहओ वि सिनेहं संचिणंति, तत्थ णं जीवा इत्थित्ताए पुरिसत्ताए नपुंसगत्ताए विउद्भृति,
ते जीवा माउओयं पिउसुक्कं तदुभय-संसटुं कलुसं किब्बिसं तप्पढमयाए आहारमाहारेंति, तओ पच्छा जं से माया नानाविहाओ रसविहीओ आहारमाहारेंति तओ एगदेसेणं ओयमाहारेंति आनपव्वेणं वुड्ढा पलिपागमणुपवण्णा तओ कायाओ अभिनिवट्टमाणा इत्थिं वेगया जनयंति परिसं वेगया जनयंति नपंसगं वेगया जनयंति
ते जीवा डहरा समाणा माउक्खीरं सप्पिं आहारेंति आनुपुव्वेणं वुड्ढा ओयणं कुम्मासं तसथावरे य पाणे, ते जीवा आहारेंति पुढविसरीरं जाव सारुविकडं संतं, अवरेऽवि य णं तेसिं नानाविहाणं
[दीपरत्नसागर संशोधितः]
[66]
[२-सूयगडो]