Page Text
________________
पडिपेहित्ता सयमेव अगनिकाएणं झामेइ अन्नेण वि झामावेइ झामंतं पि अन्नं समणुजाण, इति से महा भवति ।
से एगइओ केणइ आदानेनं विरुद्धे समाणे अदुवा खलदानेनं अदुवा सुराथालएणं गाहावईण वा गाहावइपुत्ताणं कुंडलं वा मणिं वा मोत्तियं वा सयमेव अवहरइ अन्नेण वि अवहरावेइ अवहरतं पि अन्नं समणुजाणइ, इति से महया जाव भवति ।
से एगइओ केणइ वि आदानेनं विरुद्धे समाणे अदुवा खलदानेनं अदुवा सुराथालएणं समणाणं वा माहणाणं वा दंडगं वा छत्तगं वा भंडगं वा मत्तगं वा लट्ठिगं वा भिसिगं वा चेलगं वा चिलिमिलिगं वा चम्मगं वा चम्मछेयण्णं वा चम्मकोसियं वा सयमेव अवइरइ जाव समणुजाणइ, इति से महया जाव उवक्खाइत्ता भवति
से एगइओ नो वितिगिंछइ, तं गाहावईण वा गाहावइपुत्ताण वा सयमेव अगनिकाएणं ओसहीओ झामेइ जाव झामेंतं पि अन्नं समणुजाण, इति से महया जाव उवक्खाइत्ता भवति । से एगइओ नो वितिगिंछइ - तं जहा गाहावईण वा गाहावइपुत्ताण वा उट्ठाण वा गोणाण वा घोडगाण वा गद्दभाण वा सयमेव घूराओ कप्पेइ अन्नेण वि कप्पावेइ अन्नं पि कप्पंतं समणुजाणई- इति से महया पावकम्मेहिं अत्ताणं उवक्खाइत्ता भवति,
से एगइओ नो वितिगिंछड़- तं जहा- गाहावईण वा गाहावइपुत्ताण वा उट्टसालाओ वा जाव गद्दभसालाओ वा कंटकबोंदियाए पडिपेहित्ता सयमेव अगनिकाएणं झामेइ जाव समणुजाणइ,
से एगइओ नो वितिगिंछ - तं जहा- गाहावईण वा गाहावइपुत्ताण वा कुंडलं वा मणि वा मोत्तियं वा सयमेव अवहरइ जाव समणुजाणइ, से एगइओ नो वितिगिंछइ-तं जहा - समणाण वा माहणाण वा छत्तगं वा दंडगं वा जाव चम्मछेयण्गं वा सयमेव अवहरइ जाव समणुजाणइ, इति से महया जाव सुयक्खंधो-२, अज्झयणं-२, उद्देसो
उवक्खाइत्ता भवति ।
से एगइओ समणं वा माहणं वा दिस्सा नानाविहेहिं पावेहिं कम्मेहिं अत्ताणं उवक्खाइत्ता भवइ, अदुवा णं अच्छराए आफालित्ता भवइ, अदुवा णं फरुसं वदित्ता भवइ, कालेण वि से अनुपविट्ठ असनं वा पानं वा खाइमं वा साइमं वा नो दवावेत्ता भवति ।
जे इमे भवंति - वोणमंता भारक्कंता अलसगा वसलगा किवणगा समणगा पव्वयंति ते इणमेव जीवितं धिज्जीवियं संपडिबूहेंति, नाइ ते पारलोइयस्स अट्ठाए किंचि वि सिलिस्संति, ते दुक्खंति ते सोयंति ते जूरंति ते तिप्पंति ते पिट्टंति ते परितप्पंति ते दुक्खण-जूरण-सोयण-तिप्पण-पिट्टण-परितप्पणवह-बंधन-परिकिलेसाओ अपडिविरता भवंति, ते महता आरंभेण ते महता समारंभेण ते महता आरंभसमारंभेण विरूवरूवेहिं पावकम्म- किच्चेहिं उरालाई माणुस्सगाई भोगभोगाइं भुंजित्तारो भवंति, तं जहा- अन्नं अन्नकाले पानं पानकाले वत्थं वत्थकाले लेणं लेणकाले सयनं सयनकाले सपुव्वावरं च णं ण्हाए कयबलिकम्मे कय- कोउय-मंगल- पायच्छित्ते सिरसा पहाए कंठेमालकडे आविद्ध मणि-सुवणे कप्पियमालामउली पडिबद्धसरीरे वग्घारिय-सोणिसुत्तग मल्लदाम-कलावे अहतवत्थ- परिहिए चंदनोक्खित्तगाय-सरीरे महइमहालियाए कूडागारसालाए महइमहालयंसि सीहासनंसि इत्थी गुम्मसंपरिवुडे सव्वराइएणं जोइणा झियायमाणेणं महयाऽऽहय - नट्ट- गीय-वाइय- तंती-तल-ताल- तुडिय-घन-मुइंगपडुप्पवाइय-रवेणं उरालाई मानुस्सागाई भोगभोगाई भुंजमाणे विहरइ,
[दीपरत्नसागर संशोधितः]
[57]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |