Page Text
________________
से एगइओ अनगामियभावं पडिसंधाय तमेव हंता छेत्ता भेत्ता लंपइत्ता विलंपइत्ता उद्दवइत्ता आहारं आहारेति, इति से महया पावेहिं कम्मेहिं अत्ताणं उवक्खाइत्ता भवति, से एगइओ उवचरगभावं पडिसंधाय तमेव उवचरियं हंता छेत्ता भेत्ता लुंपइत्ता विलुंपइत्ता उद्दवइत्ता आहारं आहारेइ, इति से महया पावेहिं कम्मेहिं अत्ताणे उवक्खाइत्ता भवति
से एगइओ पाडिपहियभावं पडिसंधाय तमेव पाडिपहे ठिच्चा हंता छेत्ता भेत्ता लंपइत्ता विलंपइत्ता उद्दवइत्ता आहारं आहारेइ, इति से महया पावेहिं कम्मेहिं अत्ताणं उवक्खाइत्ता भवति, से एगइओ संधिच्छेदगभावं पडिसंधाय तमेव संधिं छेत्ता भेत्ता जाव-इति से महया पावेहि कम्मेहिं अत्ताणं उवक्खाइत्ता भवति
से एगइओ गंठिच्छेदगभावं पडिसंधाय तमेव गंठिं छेत्ता भेत्ता जाव इति से महया पावेहिं कम्मेहिं अत्ताणं उवक्खाइत्ता भवति, से एगइओ ओरब्भियभावं पडिसंधाय उरब्भं वा अन्नतरं वा तसं पाणं हंता जाव अत्ताणं उवक्खाइत्ता भवति, एसो अभिलावो सव्वत्थ ।
से एगइओ सोयरियभावं पडिसंधाय महिसं वा अन्नयरं वा तसं पाणं जाव उवक्खाइत्ता भवति, से एगइओ वागुरियभावं पडिसंधाय मियं वा अन्नयरं वा तसं पाणं हंता जाव उवक्खाइत्ता भवति, से एगइओ साउणियभावं पडिसंधाय सउणिं वा अन्नयरं वा तसं पाणं हंता जाव उवक्खाइत्ता भवति
से एगइओ मच्छियभावं पडिसंधाय मच्छं वा अन्नयरं वा तसं पाणं हंता जाव अत्ताणं उवक्खाइत्ता भवति, से एगइओ गोघायगभावं पडिसंधाय गोणं वा अन्नयरं वा तसं पाणं हंता उवक्खाइत्ता भवति, से एगइओ गोवालभावं पडिसंघाय तमेव गोवालं वा परिजविय परिजविय हंता जाव
उवक्खाइत्ता सुयक्खंधो-२, अज्झयणं-२, उद्देसो
भवई ।
से एगइओ सोवणियभावं पडिसंधाय तमेव सुनगं वा अन्नयरं वा तसं पाणं हंता जाव उवक्खाइत्ता भवइ, से एगइओ सोवणियंतियभावं पडिसंघाय तमेव मणस्सं वा अन्नयरं वा तसं पाणं हंता जाव आहारं आहारेइ, इति से महया पावेहिं कम्मेहिं अत्ताणं उवक्खाइत्ता भवति ।
[६६४] से एगइओ परिसामज्झओ उद्वेता अहमेयं हणामि त्ति कट्ट तित्तिरं वा वट्टगं वा चडगं वा लावगं वा कवोयगं वा कविंजलं वा अन्नयरं वा तसं पाणं हंता जाव उवक्खाइत्ता भवति ।
से एगइओ केणइ आदानेनं विरुद्ध समाणे अदुवा खलदानेनं अवा सुराथालएणं गाहावईण वा गाहावइपुत्ताण वा सयमेव अगनिकाएणं सस्साइं झामेइ अन्नेण वि अगनिकाएणं सस्साइं झामावेइ अगनिकाएणं सस्साइं झामेंतं पि अन्नं समणुजाणइ-इति से महया पावकम्मेहिं अत्ताणं उवक्खाइत्ता भवति ।
से एगइओ केणइ आदानेनं विरुद्ध समाणे अदुवा खलदानेनं अदुवा सुराथालएणं गाहावईणं वा गाहावइपुत्ताण वा उट्टाण वा गोणाण वा घोडगाण वा गद्दभाण वा सयमेव धूराओ कप्पेइ अन्नेण वि कप्पावेइ कप्पंतं वि अन्नं समणुजाणइ, इति से महया पावकम्मेहिं अत्ताणं उवक्खाइत्ता भवति ।
से एगइओ केणइ आदानेनं विरुद्ध समाणे अदुवा खलदानेनं अदुवा सुराथालएणं गाहावईण वा गाहावइपत्ताण वा उसालाओ वा गोणसालाओ वा घोडगसालाओ वा गद्दभसालाओ वा कंटकबोंदियाए
[दीपरत्नसागर संशोधितः]
[56]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |