Page Text
________________
अन्
खलु कामभोगा अन्नो अहमंसि से किमंग पुण वयं अन्नमन्नेहिं कामभोगेहिं मुच्छामो, इति संखाए णं वयं च कामभोगेहि विप्पजहिस्सामो, से मेहावी जाणेज्जा- बहिरगमेयं, इणमेव उवनीयतरागं, तं जहामाया मे पिया मे भाया मे भगिनी मे भज्जा मे पुत्ता मे नत्ता मे धूया मे पेसा मे सुहा में पिया मे सहा मे सयणसंगंथ संथुया मे, एते खलु मम नायओ अहमवि एएसिं, एवं से से मेहावी पुव्वामेव अप्पणा एवं समभिजाणेज्जा- इह खलु ममं अन्नयरे दुक्खे रोगातंके समुप्पज्जेज्जाअनिट्ठे जाव दुक्खे नो सुहे, से हंता भयंतारो ! नायओ इमं मम अन्नयरं दुक्खं रोगातंकं परियाइयहिअनिट्ठे जाव नो सुहं ताऽहं दुक्खामि वा सोयामि वा जाव परितप्पामि वा
इमाओ मे अन्नतराओ दुक्खाओ रोगातंकाओ परिमोएह अनिट्ठाओ जाव नो सुहाओ, एवमेवं नो लद्धपुव्वं भवइ, तेसिं वा वि भयंताराणं मम नाययाणं अन्नयरे दुक्खे रोगातंके समुप्पज्जेज्जा अनि जाव नो सुहे, से हंता अहमेतेसिं भयंताराणं नाययाणं इमं अन्नतरं दुक्खं रोगातंकं परियाइयामिसुयक्खंधो-२, अज्झयणं-१, उद्देसो
अनिट्ठे जाव नो सुहं मा मे दुक्खंतु वा जाव परितप्पंतु वा, इमाओ णं अन्नयराओ दुक्खाओ रोगातंकाओ परिभोएमि- अनिट्ठाओ जाव नो सुहाओ, एवमेव नो लद्धपुव्वं भवति, अन्नस्स दुक्खं अन्नो नो परियाइयइ अन्नेण कडं अन्नो नो पडिसंवेदेइ पत्तेयं जायइ पत्तेयं मरइ पत्तेयं चयइ पत्तेयं उव्वज्जइ पत्तेयं झंजा पत्तेयं सण्णा पत्तेयं मन्ना पत्तेयं विण्णू पत्तेयं वेदणा.....
इति खलु नातिसंजोगा नो ताणाए वा नो सरणाए वा, पुरिसे वा एगया पुव्विं नाइसंजोगे विप्पजहइ, नाइसंजोगा वा एगया पुव्विं पुरिसं विप्पजहंति, अन्ने खलू नातिसंजोगा अन्नो अहमंसि, से किमंग पुण वयं अन्नमन्नेहिं नाइसंजोगेहिं मुच्छामो ?, इति संखाए णं वयं नातिसंजोगे विप्पजहिस्सामो, से मेहावी जाणेज्जा- बाहिरंगमेयं, इणमेव उवनीयतरागं, तं जहा - हत्था मे पाया मे बाहा मे ऊरू मे उदरं मे सीसं मे सीलं मे आउं मे बलं मे वण्णो मे तया मे छाया मे सोयं मे चक्खु मे घाणं मे जिब्भा मे फासा मे ममाइज्जइ, वयाओ परिजूरइ, तं जहा- आऊओ बलाओ वण्णाओ तयाओ छायाओ सोयाओ चक्खूओ घाणाओ जिब्भाओ फासाओ सुसंधितो संधी विसंधीभवति, वलियतरंगे गाए भवति, किण्हा केसा पलिया भवंति,....
तं जहा जं पि य इमं सरीरगं उरालं आहारोवचियं एयं पि य मे अनुपुव्वेणं विप्पजहियव्वं भविस्सति, एयं संखाए से भिक्खू भिक्खायरियाए समुट्ठिए दुहओ लोगं जाणेज्जा, तं जहा- जीवा चेव अजीवा चेव तसा चेव थावरा चेव ।
[६४६] इह खलु गारत्था सारंभा सपरिग्गहा संतेगइया समणा माहणा वि सारंभा सपरिग्गहा, जे इमे तसा थावरा पाणा- ते सयं समारंभंति अन्नेण वि समारंभावेंति अन्नं पि समारंभंतं समनुजाणंति,
इह खलु गारत्धा सारंभा सपरिग्गहा, जे इमे कामभोगा सचित्ता वा अचित्ता वा ते सयं परिगिण्हंति अन्नेण वि परिगिण्हावेति अन्नंपि परिगिण्हतं समनुजाणंति, इह खलु गारत्था सारत्ता सपरिग्गहा संतेगइया समणा माहणा वि सारंभा सपरिग्गहा- अहं खलु अनारंभे अपरिग्गहे, जे खलु गारत्था सारंभा सपरिग्गहा संतेगइया समणा माहणा वि सारंभा सपरिग्गहा एतेसिं चेव निस्साए बंभचेरवासं वसिस्सामो, कस्स णं तं हेउं ? जहा पुव्वं तहा अवरं जहा अवरं तहा पुव्वं, अंजू ते अनवरया अनुवट्ठिया पुनरवि तारिसगा चेव,...
[दीपरत्नसागर संशोधितः]
[49]
[२-सूयगडो]
| SR No. | 003703 |
| Book Title | Agam 02 Suyagado Bieiyam Angsuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 85 |
| Language | Prakrit |
| Classification | Book_Devnagari, Agam, Canon, Agam 02, & agam_sutrakritang |
| File Size | 2 MB |