________________
[२९] न तं सयं कडं दुक्खं, न य अन्नकडं च णं । सयक्खंधो-१, अज्झयणं-१, उद्देसो-२
सुहं वा जड़ वा दुक्खं, सेहियं वा असेहियं ।। [३०] न सयं कडं न अन्नेहिं, वेदयंति पढो जिया ।
संगइयं तं तहा तेसिं, इहमेगेसिं आहियं ।। [३१] एवमेयाणि जंपंता, बाला पंडियमानिनो ।
निययानिययं संतं, अयाणंता अबुद्धिया ।। [३२] एवमेगे 3 पासत्था, ते भज्जो विप्पगब्भिया ।
एवं उवट्ठिया संता, न ते दक्खविमोक्खया ।। [३३] जविणो मिगा जहा संता, परिताणेण वज्जिया ।
असंकियाइं संकंति, संकियाइं असंकिणो । [३४] परिताणियाणि संकेता, पासिताणि असंकिणो ।
अन्नाणभयसंविग्गा, संपलिंति तहिं तहिं ।। [३५] अह तं पवेज्ज बज्झं अहे बज्झस्स वा वए ।
मुच्चेज्ज पयपासाओ, तं तु मंदे ण देहए ।। [३६] अहियप्पाऽहियपण्णाणे, विसमंतेन्वागए ।
से बद्धे पयपासाइं, तत्थ घायं नियच्छइ ।। [३७] एवं तु समणा एगे, मिच्छादिट्ठी अनारिया ।
असंकियाई संकंति, संकियाइं असंकिणो ।। [३८] धम्मपन्नवणा जा सा, तं तु संकति मूढगा ।
आरंभाई न संकंति, अवियत्ता अकोविया ।। [३९] सव्वप्पगं विउक्कस्सं, सव्वं नूमं विहणिया ।
अप्पत्तियं अकम्मसे, एयमटुं मिगे चुए || [४०] जे एयं नाभिजाणंति, मिच्छादिट्ठी अनारिया ।
मिगा वा पासबद्धा ते घायमेसंति नंतसो ।। [४१] माहणा समणा एगे, सव्वे नाणं सयं वए ।
सव्वलोगेऽवि जे पाणा, न ते जाणंति किंचण ।। [४२] मिलक्खू अमिलक्खुस्स, जहा वुत्ताणुभासए ।
न हेउं से वियाणाइ, भासियं तऽनुभासए ।। [४३] एवमन्नाणिया नाणं, वयंता वि सयं सयं ।
निच्छयत्थं न जाणंति, मिलक्खूव्व अबोहिया ।। [४४] अन्नाणियाणं वीमंसा, अन्नाणेण नियच्छइ ।
अप्पणो य परं नालं, कुतो अन्नाणुसासिउं? ।। [४५] वने मूढे जहा जंतू, मूढे नेयानुगामिए ।
दो वि एए अकोविया, तिव्वं सोयं नियच्छई ।।
[दीपरत्नसागर संशोधितः]
[4]
[२-सूयगडो]
