________________
सुयक्खंधो-१, अज्झयणं-१, उद्देसो-१
[१४] जे ते उ वाइणो एवं लोए तेसिं कओ सिया ? । तमाओ ते तमं जंति, मंदा आरंभ निस्सिया ।। [१५] संति पंच महब्भूया, इहमेगेसिं आहिया I
आयछट्ठो पुणो आहु, आया लोगे य सासए ।। [१६] दुहओ ते न विणस्संति, नो य उप्पज्ज असं ।
सव्वेऽवि सव्वहा भावा, नियत्तीभावमागया ।। [१७] पंच खंधे वयंतेगे, बाला उ खणजोइणो ।
अन्नो अन्नो नेवाहु, हेउयं च अहेउयं । [१८] पुढवी आऊ तेऊ य, तहा वाऊ य एगओ ।
चत्तारि धाउणो रूवं, एवमाहंसु जाणगा || [१९] अगारमावसंता वि, अरण्णा वा वि पव्वया ।
इमं दरिसणमावण्णा, सव्वदुक्खा विमुच्चति [२०] ते नावि संधि नच्चाणं, न ते धम्मविऊ जना ।
जे ते उ वाइणो एवं न ते ओहंतराssहिया ।। [२१] ते नाव संधिं नच्चाणं, न ते धम्मविऊ जना ।
जे ते उ वाइणो एवं न ते संसारपारगा ।। [२२] ते नावि संधिं नच्चाणं, न ते धम्मविऊ जना । जे ते उ वाइणो एवं, न ते गब्भस्स पारगा ।। [२३] ते नावि संधिं नच्चाणं, न ते धम्मविऊ जना । जे ते उ वाइणो एवं, न ते जम्मस्स पारगा ।। [२४] ते नावि संधिं नच्चाणं, न ते धम्मविऊ जना ।
जे ते उ वाइणो एवं, न ते दुक्खस्स पारगा ।। [२५] ते नाव संधिं नच्चाणं, न ते धम्मविऊ जना । जे ते उ वाइणो एवं, न ते मारस्स पारगा ।। [२६] नानाविहाई दुक्खाई, अनुहवंति पुणो पुणो । संसारचक्कवालंमि, वाहिमच्चुजराकुले || गब्भमेस्सं ति नंतसो ।
नायपुत्ते महावीरे, एवमाह जिनोत्तमे ।। ति बे
[२७] उच्चावयाणि गच्छंता,
||
• पढमे अज्झयणे पढमो उद्देसो समत्तो •
• बीओ उद्देसो •
[२८] आधायं पुण एगेसिं, उववन्ना पुढो या । वेदयंति सुहं दुक्खं, अदुवा लुप्पंति ठाणओ
[दीपरत्नसागर संशोधितः ]
[3]
[२-सूयगडो]
