________________
[३७७] कोहं च माणं च तहेव मायं, लोभं चउत्थं अज्झत्थदोसा ।
एताणि वंत्ता अरहा महेसी, न कुव्वई पाव न कारवेइ ।। स्यक्खंधो-१, अज्झयणं-६, उद्देसो
एलेटि
[३७८] किरियाकिरियं वेणइयानवायं, अन्नाणियाणं पडियच्च ठाणं ।
से सव्ववायं इति वेयइत्ता, उवट्ठिए संजम दीहरायं ।। [३७९] से वारिया इत्थि सराइभत्तं, उवहाणवं दुक्खखयट्ठयाए ।
लोगं विदित्ता अपरं परं च, सव्वं पभू वारिय सव्ववाउं ।। [३८०] सोच्चा य धम्म अरहंतभासियं, समाहियं अट्ठपदोवसुद्धं ।
तं सद्दहाणाय जना अणाऊ, इंदा व देवाहिव आगमिस्सं || - त्ति बेमि मुनि दीपरत्नसागरेण संशोधिताः सम्पादितश्च “छठें अज्झयणं समत्तं"
0 सत्तमं अज्झयणं- कुसीलपरिभासितं 0 [३८१] पुढवी य आऊ अगनी य वाऊ, तण रुक्ख बीया य तसा य पाणा |
जे अंडया जे य जराउ पाणा, संसेयया जे रसयाभिहाणा ।। [३८२] एताइं कायाइं पवेइयाई, एतेसु जाणे पडिलेह सायं ।
एतेहि कायेण य आयदंडे, पुणो-पूणो विप्परियास्वेति ।। [३८३] जाईपहं अनुपरियडमाणे, तसथावरेहिं विनिघायमेति ।
से जाति-जाति बहुकूरकम्मे, जं कुव्वती मिज्जति तेण बाले ।। [३८४] अस्सिं च लोए अदुवा परत्था, सयग्गसो वा तह अन्नहा वा ।
संसारमावन्न परं परं ते, बंधंति वेयंति य दन्नियाणि ।। [३८५] जे मायरं च पियरं च हिच्चा, समणव्वए अगनि समारभिज्जा |
अहाह से लोए कुसीलधम्मे, भूयाइ जे हिंसति आतसाते ।। [३८६] उज्जालओ पाण निवातएज्जा, निव्वावओ अगनि निवायवेज्जा ।
तम्हा 3 मेहावि समिक्ख धम्म, न पंडिते अगनि समारभिज्जा ।। [३८७] पढवी वि जीवा आऊ वि जीवा, पाणा य संपातिम संपयंति ।
संसेदया कट्ठसमस्सिता य, एते दहे अगनि समारभंते ।। [३८८] हरियाणि भूयाणि विलंबगाणि, आहार-देहा य पुढो सियाई ।
जे छिंदई आतसुहं पडुच्च, पागब्भि-पाणे बहुणं तिवाती ।। [३८९] जाइं च वुढं च विनासयंते, बीयाइं अस्संजय आयदंडे ।
अहाह से लोए अणज्जधम्मे, बीयाइ जे हिंसइ आयसाते ।। [३९०] गब्भाई मिज्जंति बुयाबुयाणा, नरा परे पंचसिहा कुमारा ।
जुवाणगा मज्झिय थेरगा य, चयंति ते आउखए पलीणा ।। [३९१] संबुज्झहा जंतवो ! माणुसत्तं, दहूं भयं बालिसेणं अलंभे ।
एगंतदुक्खे जरिए हु लोए, सकम्मुणा विप्परियासुवेति ।। [३९२] इहेग मूढा पवदंति मोक्खं, आहार संपज्जणवज्जणेणं ।
[दीपरत्नसागर संशोधितः]
[26]
[२-सूयगडो]
